Levítico 4:32 - DIOSPA QHELQACHISQ

³² Sichus uj runa juchanrayku jaywananpaj uj ovejata apamunman chayqa, mana iman imanasqata apamunan tiyan.

Qheshwa Biblia DC

³² Sichus mayqempis juchampa cuentanmanta apamunman uj ovejata chayqa, apamuchun sumajnin kaj china ovejata mana ima imanasqata.

DIOSPA QHELQACHISQAN DEUTEROCANONICAL

³² Sichus uj runa juchanrayku jaywananpaj uj ovejata apamunman chayqa, mana iman imanasqata apamunan tiyan.

Levítico 4:32 ပူးပေါင်းရင်းမြစ်များ

Éxodo 12:3

Qankuna tukuy israelitakunata ninkichej: Kay killamanta chunka kaj p'unchaypi sapa wasi ayllu uj corderota, chayrí chivota t'aqaychej. Sapa ayllupaj uj uywa kachun.

Éxodo 12:5

Chay t'aqasqaykichej uywaqa mana iman imanasqachu kanan tiyan. Chantapis orqo, uj watayoj kanan tiyan. Chay uywataj cordero chayrí chivopis kanan tiyan.

Isaías 53:7

Payqa may jina maqasqa, ñak'arichisqataj kaspapis, mana imatapis parlarenqachu. Payqa cordero jina ñak'anaman apasqa kanqa. Imaynatachus oveja millmanta ch'inllamanta ruthuchikun, ajinata mana siminta kicharenqachu.

Levítico 1:3

Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Levítico 4:28

Juchallisqanta reparakuytawantaj, juchan pampachasqa kananpaj Diosman jaywananpaj mana iman imanasqa uj cabrata apamonqa.

Levítico 5:6

Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.

San Lucas 1:35

Angeltaj kuticherqa: Santo Espíritu qanman jamonqa, Diospa atiynintaj llanthuykusonqa. Chayrayku paqarichikunki, chay wawaqa Diospaj t'aqasqa kanqa, Diospa Churin sutichasqataj.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

San Juan 1:36

Juantaj chaynejpi Jesusta purishajta rikuspa, nerqa: Rikuychej, Diospa Corderon kaypi kashan, nispa.

Efesios 5:27

Ajinata ruwarqa pay kikinman Iglesiata pusananpaj sumaj k'ancharishajta, mana ch'ichiyojta, mana k'usuyojta, nillataj iman imanasqata. Manachayqa juchamanta t'aqasqa kanqa, mana imamanta k'aminataj.

Hebreos 7:26

Jesusqa, necesitasharqanchej chay Kuraj Kaj Sacerdotemin. Payqa juchamanta t'aqasqa, mana k'amina, llimphutaj. Kunantaj Dios Payta juchasapakunamanta t'aqanña, jinataj janaj pachamanta aswan pataman churarqa.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

1 Pedro 2:22

Cristoqa mana jayk'ajpis juchallerqachu, nitaj pitapis llullakuspa q'otiyarqachu.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

Apocalipsis 5:6

Jinapi noqaqa uj Corderota rikorqani, wañuchisqapis kanman karqa jinaman rijch'akojta. Payqa kamachina tiyanaj chawpinpi, chantá tawa kawsajkunaj chawpinkupi, kurajkunaj chawpinkupiwan sayasharqa. Paytaj qanchis wajrayoj, chantá qanchis ñawiyoj ima karqa. Chayqa Diospa qanchis jinamanta rejsichikoj Santo Espíritun, pitachus Dios tukuy kay pachaman kachamusqa, chay.