Levítico 4:26 - DIOSPA QHELQACHISQ

²⁶ Chantá ñak'asqa chivoj tukuynin wiranta altarpi q'olachenqa, imaynatachus k'achata kawsakuy jaywana uywa ñak'asqa wirawan ruwanku, ajinallatataj. Sacerdoteqa ajinata ruwaspa, kamachejpata juchan pampachasqa kananta tarenqa, kamachejpa juchantaj pampachasqa kanqa.

Qheshwa Biblia DC

²⁶ Chivoj tukuynin wirasnintataj altar patapi ruphachenqa, imaynatachus allinyakuy rikuchiku wirawan ruwanku ajinata. Sacerdoteqa ajinamanta chay rikuchikuta jaywanqa, kuraj kajpa juchasninmanta, juchasnintaj pampachasqa kanampaj.

DIOSPA QHELQACHISQAN DEUTEROCANONICAL

²⁶ Chantá ñak'asqa chivoj tukuynin wiranta altarpi q'olachenqa, imaynatachus k'achata kawsakuy jaywana uywa ñak'asqa wirawan ruwanku, ajinallatataj. Sacerdoteqa ajinata ruwaspa, kamachejpata juchan pampachasqa kananta tarenqa, kamachejpa juchantaj pampachasqa kanqa.

Levítico 4:26 ပူးပေါင်းရင်းမြစ်များ

2 Crónicas 29:24

Chaymantataj sacerdotekunaqa chay uywakunata ñak'aspa, yawarninwan altar pataman ch'ajchorqanku, paykunaj juchanku, tukuy waj israelitakunaj juchanku ima pampachasqa kananpaj. Ajinata ruwarqanku kuraj kamachejpa kamachisqanman jina, imaraykuchus pay kamachisqa tukuy israelitakunarayku q'olachispa jaywanankuta.

Ezequiel 43:22

Q'ayantintaj sumajnin kaj mana iman imanasqa chivota jucharayku jaywanki. Ajinata sacerdotekunaqa altarta juchamanta llimphuchanqanku, imaynatachus torillowan ruwarqanku, ajinallatataj.

Levítico 1:4

Pichus jaywajqa makinta uywaj umanman churanqa. Ajinamanta uywata ñak'aspa q'olachisqanqa juchan pampachasqa kananpaj jap'isqa kanqa.

Levítico 12:8

Sichus onqokoj warmejta corderota apamunanpaj mana tiyapunmanchu chayqa, apamuchun iskay jurk'utata, chayrí iskay urpi irpata. Ujnenqa Tata Diosman q'olachispa jaywanapaj kanqa, ujnintaj jucha pampachasqa kananpaj Diosman jaywanapaj kanqa. Ajinata sacerdoteqa warmej juchan pampachasqa kananpaj jaywanqa, warmitaj llimphupaj qhawasqa kanqa, nispa.

Levítico 14:18

Chaymantataj sacerdoteqa makinpi puchoj aceitewan llimphuchakojpa umanta jawillanqataj. Ajinata ruwaspa, sacerdoteqa Tata Diospa ñawpaqenpi chay runaj juchan pampachasqa kananta tarenqa.

Levítico 15:15

Sacerdotetaj chaykunamanta ujninta jucha pampachasqa kananpaj jaywanqa, ujnintataj q'olachispa Tata Diosman jaywanqa. Ajinata sacerdoteqa q'eya onqoyniyoj qhari Tata Diospa ñawpaqenpi llimphupaj qhawasqa kananpaj ruwanqa.

Levítico 17:11

Tukuy animalpa kawsaynenqa yawarninpi kashan. Noqataj qankunaman yawarta qoykichej altarman apanaykichejpaj, juchallisqaykichej pampachasqa kananpaj. Yawarpi kawsay kasqanrayku, qankunaj juchaykichejta pampachasaj.

Levítico 19:22

Sacerdotetaj chay corderota Tata Diosman jaywanqa, chay runaj juchallisqan pampachasqa kananpaj. Ajinamanta juchallisqan pampachasqa kanqa.

Levítico 3:5

Tukuy chaytaqa Aaronpa mirayninmanta sacerdotekuna altarpi q'olachenqanku, uywa ñak'asqa q'olachinatawan khuska. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 4:19

Chantá ñak'asqa torillomanta tukuy wiranta orqhospa, altarpi chayta q'olachenqa.

Levítico 4:20

Chay ñak'asqa torillowan ruwanqa, kuraj kaj sacerdote juchan pampachasqa kananpaj ñak'asqa torillowan imaynatachus ruwarqa, ajinallatataj. Ajinata sacerdoteqa israelitakunaj juchanku pampachasqa kananpaj, Tata Diosman jaywanqa. Juchankutaj pampachasqa kanqa.

Levítico 4:31

Chantaqa cabraj tukuy wiranta wirachanqa, imaynatachus Tata Diosman k'achata kawsakuy jaywanata jaywanapaj ñak'asqa uywaj wiranwan ruwanku, ajinallatataj. Sacerdoteqa ajinata ruwaspa, runaj juchan pampachasqa kananta tarenqa, chay runaj juchantaj pampachasqa kanqa.

Levítico 4:35

Chantá ñak'asqa ovejaj tukuy wiranta wirachanqa, imaynatachus k'achata kawsakuy jaywana uywa ñak'asqawan ruwanku, jinallatataj. Jinaspataj, sacerdoteqa Tata Diosman ch'aki mikhuy jaywanaj patanpi wirata altarpi q'olachenqa. Sacerdoteqa ajinata ruwaspa, runaj juchallisqan pampachasqa kananta tarenqa. Chay runaj juchantaj pampachasqa kanqa, nispa.

Levítico 5:10

Ujnin urpitataj kamachisqa kasqanman jina, q'olachispa Diosman jaywanqa. Ajinata sacerdoteqa chay runaj juchan pampachasqa kananpaj jaywanqa. Chay runaj juchallisqantaj pampachasqa kanqa.

Levítico 5:13

Ajinata sacerdote ruwanqa, imallapipis chay runaj juchallisqan pampachasqa kananpaj. Juchallejtaj qhespichisqa kanqa. Diosman jaywanamanta puchojtaj sacerdotepaj kanqa, imaynatachus ch'aki mikhuy jaywanamanta sacerdotekuna jap'inku, ajina, nispa.

Levítico 5:16

Juchallejqa Tata Diospaj t'aqasqa kajta jap'ikapusqanmanta mashkhachus valesqanta kutichipunan tiyan. Chantá mashkhachus valesqanman sapa phishqamanta ujta yapaspa, sacerdoteman jaywanqa. Sacerdotetaj runaj juchan pampachasqa kananpaj, uywata ñak'aspa, Diosman jaywanqa. Ajinata ruwaspa, sacerdoteqa juchallejpata juchan pampachasqa kananta tarenqa. Chay runaj juchallisqantaj pampachasqa kanqa.

Levítico 5:18

Chayrayku juchallej runaqa ovejanmanta mana iman imanasqa uj corderota sacerdoteman apamunan tiyan, chayrí cordero mashkhachus valesqanta qolqepi churanki. Sacerdotetaj runaj juchallisqan pampachasqa kananpaj Diosman jaywanqa. Ajinata ruwaspa chay runa mana reparakuspalla juchallisqan pampachasqa kananta tarenqa. Juchallisqantaj pampachasqa kanqa.

Levítico 6:7

7 (5.26) Chantá sacerdoteqa chay runaj juchallisqan pampachasqa kananpaj, chay jaywanata Tata Diosman jaywanqa. Ajinata ruwasqanrayku, chay runaj mayqen juchallisqanpis pampachasqa kanqa, nispa.

Números 15:25

Chaymanta sacerdote chay uywata israelitakunaj juchallisqanku pampachasqa kananpaj Tata Diosman jaywanqa. Juchallisqankutaj pampachasqa kanqa, imajtinchus mana yuyasqallamanta juchallerqanku. Noqataj mana yuyasqallamanta juchallikusqankuta pampachasaj, imajtinchus qankunaqa q'olachispa jaywanata, chantá jucha pampachasqa kananpaj jaywanatawan jaywawarqankichej.

Números 15:28

Chay runa mana yuyasqallamanta juchallisqan pampachasqa kananpaj, sacerdoteqa cabrata jaywanqa, noqataj juchallisqanta pampachasaj.