Levítico 4:24 - DIOSPA QHELQACHISQ

²⁴ Chantá kamachejqa chivoj umanman makinta churaytawan, Tata Diospa ñawpaqenpi chay chivota ñak'anqa, q'olachinapaj maypichus uywata ñak'anku, chaypi. Chayqa jucha pampachasqa kananpaj Diosman jaywanamin.

Qheshwa Biblia DC

²⁴ Chay chivoj umanman makinta churaytawantaj ñak'achun Señorpa ñaupaqempi, may cheqapichus ruphachisqa kanampaj uywasta ñak'anku chaypi. Chayqa juchaspa cuentanmanta rikuchiku.

DIOSPA QHELQACHISQAN DEUTEROCANONICAL

²⁴ Chantá kamachejqa chivoj umanman makinta churaytawan, Tata Diospa ñawpaqenpi chay chivota ñak'anqa, q'olachinapaj maypichus uywata ñak'anku, chaypi. Chayqa jucha pampachasqa kananpaj Diosman jaywanamin.

Levítico 4:24 ပူးပေါင်းရင်းမြစ်များ

2 Reyes 12:16

Chaywanpis israelitakuna juchanku pampachasqa kananpaj chantá juchallisqankumanta, apasqanku qolqetaqa mana Tata Diospa Templonman apajchu kanku. Chayqa sacerdotekunapaj karqa.

2 Crónicas 29:23

Jinaytawantaj, jucharayku jaywanapaj, chay chivokunata aparqanku, kuraj kamachejwan tukuy runapiwan kasharqanku, chaykunaj ñawpaqenkuman. Paykunataj chay uywaj patankuman makinkuta churarqanku.

Éxodo 29:38

Sapa p'unchay mana qonqaspa, uj watayoj iskay corderota altarpi Diosman jaywanki.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Levítico 1:11

Chantá chay uywata pichus apamojqa, Tata Diospa ñawpaqenpi altarmanta wichaynejpi ñak'anqa. Chaymantataj Aaronpa churinkunamanta sacerdotekunaqa uywaj yawarninta altarpa tukuy muyuyninman ch'ajchonqanku.

Levítico 1:4

Pichus jaywajqa makinta uywaj umanman churanqa. Ajinamanta uywata ñak'aspa q'olachisqanqa juchan pampachasqa kananpaj jap'isqa kanqa.

Levítico 1:5

Chantá Tata Diospa ñawpaqenpi torota ñak'anqa. Chaymanta Aaronpa mirayninmanta kaj sacerdotekuna toroj yawarninta jap'ispa ch'ajchonqanku, Dioswan Tinkukuna Toldoman yaykuna punkupi altarpa patanta, chantá tukuy muyuyninta ima.

Levítico 14:13

Jinaspataj, sacerdoteqa chay corderota ñak'anqa, maynejpichus jucha pampachasqa kananpaj, chayrí q'olachispa Tata Diosman jaywanapaj uywata ñak'anku, chaypi. Jucha pampachasqa kananpaj Diosman jaywasqa, jinataj jucharayku Diosman jaywasqaqa sacerdotepaj kanqa, chay jaywasqa Tata Diospaj t'aqasqa kasqanrayku.

Levítico 16:15

Chaymantataj tukuy israelitakunaj juchanku pampachasqa kananpaj chivotañataj ñak'anqa. Chantá chivoj yawarninta veloj wasannejman apanqa. Chay ukhupitaj kirpanaj patanta, ñawpaqentawan ch'ajchonqa, imaynatachus torilloj yawarninwan ruwarqa, ajinata.

Levítico 3:13

Chantá pichus apamojqa uywaj umanman makinta churaspa, Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj altarta, chantá tukuy muyuynintinta ima cabraj yawarninwan ch'ajchonqanku.

Levítico 3:2

K'achata kawsakuy jaywanata Tata Diosman apamojqa uywaj umanman makinta churanqa. Chaymantataj Dioswan Tinkukuna Toldo punkupi chay uywata ñak'anqa. Aaronpa churinkunamanta Sacerdotekunataj altar patata, chantá tukuy muyuynintinta ima uywaj yawarninwan ch'ajchonqa.

Levítico 3:8

Pichus jaywanata apamojqa uywaj umanman makinta churanqa, chantá Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj uywaj yawarninwan altarta, chantá tukuy muyuyninta ima ch'ajchonqanku.

Levítico 6:18

18 (11) Qhepanejman, wiñaypaj Aaronpa mirayninmanta tukuy qhareqa q'olachispa Tata Diosman jaywanamanta mikhuyta atenqanku. Kayqa wiñaypaj kamachisqay kanqa. Tukuy imachus Diosman jaywanaman chayajqa Tata Diospaj t'aqasqa kanqa, nispa.

Levítico 6:22

22 (15) Chaytaqa Aaronpa churin jaywanqa, pichus paypa cuentanpi kuraj kaj sacerdote kananpaj t'aqasqa kanqa, chay. Kay kamachisqaqa wiñaypaj kanqa. Chay jaywanaqa tukuynin q'olachisqa kanqa.

Levítico 6:25

25 (18) Aaronta, churinkunatawan kamachiy, jucha pampachasqa kananpaj jaywaspaqa kay jinata ruwanankuta: Jucha pampachasqa kananpaj jaywasqa uywaqa Tata Diospa ñawpaqenpi ñak'asqa kanqa. Q'olachispa jaywanapaj uywata maypichus ñak'anku, chayllapitaj ñak'anqanku. Chayqa Tata Diospaj t'aqasqa jaywanamin.

Levítico 7:2

Jucharayku jaywanapaj apamusqa uywataqa ñak'anqanku, q'olachispa jaywanapaj uywata maypichus ñak'anku, chaypi. Chantá ñak'asqa uywaj yawarninwan altarta, chantá tukuy muyuynintinta ima ch'ajchunanku tiyan.