Levítico 3:5 - DIOSPA QHELQACHISQ

⁵ Tukuy chaytaqa Aaronpa mirayninmanta sacerdotekuna altarpi q'olachenqanku, uywa ñak'asqa q'olachinatawan khuska. Chay q'olachisqa jaywanaqa Tata Diospaj ima munay q'aparishaj jaywana kanqa.

Qheshwa Biblia DC

⁵ Chaytaqa sacerdotes ruphachenqanku altarpi llant'a patapi ruphachisqa rikuchikutawan khuska. Chay ruphachispa jaywasqampa q'apaynenqa Señorpaj allin kanqa.

DIOSPA QHELQACHISQAN DEUTEROCANONICAL

⁵ Tukuy chaytaqa Aaronpa mirayninmanta sacerdotekuna altarpi q'olachenqanku, uywa ñak'asqa q'olachinatawan khuska. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 3:5 ပူးပေါင်းရင်းမြစ်များ

1 Reyes 8:64

Chaypacha kuraj kamachejqa Tata Diospa Templonpa ñawpaqenpi kasharqa, chay patiota Tata Diospaj t'aqarqa, imaraykuchus chaypi uywa ñak'asqata q'olachispa jaywarqa, ch'aki mikhuy jaywanakunatawan, allinyakuy jaywana wirakunatawan. Chay q'olachinakunawan, ch'aki mikhuy jaywanakunawan, allinyakuy jaywanakunawan ima may chhika kasqanrayku Diospa ñawpaqenpi broncemanta chay altarqa mana tukuyninpaj wakerqachu.

2 Crónicas 35:14

Chantá levitakunaqa paykunapajñataj, jinataj Aaronpa ayllunmanta kajkuna sacerdotekunapajpis tukuy imata wakicherqanku, imaraykuchus sacerdotekunaqa ch'isiyanankama ruwanapi karqanku q'olachinakunata jaywaspa, uywaj wirantawan q'olachispa. Chayrayku levitakunaqa paykunapaj, jinallataj Aaronpa ayllunmanta sacerdotekunapajpis tukuy imata wakichillarqankutaj.

Éxodo 29:13

Chantá ch'unchulamanta, k'iwichamanta, lurunkunamantawan ima wiranta orqhospa, altarpi q'olachinki.

Ezequiel 44:15

Chaywanpis Sadocpa miraynin levitakunamanta wakin sacerdotekuna Temploypi imachus ruwanankunata allinta junt'arqanku, maypachachus Israel ayllu noqamanta karunchakusharqanku, chaypacha. Chayrayku paykuna ñawpaqeyman qayllamuspa, imachus ruwana kajta ruwanankupaj. Chantá wirata, yawartawan jaywanawankupaj ñawpaqeypipuni kanqanku. Noqa Tukuyta Kamachej Tata Diosmin chayta nini.

Ezequiel 44:7

Qankuna Temployta ch'ichichankichej, sonqonkupi, aychankupipis mana circuncidasqa waj llajtayoj runakunata wasiyman pusaykuspa. Paykunata saqenkichej mikhunayta jina, wirata yawartawan jaywanawankuta. Tukuy chay millayta ruwaspa, tratoyta p'akinkichej.

Levítico 1:13

Chantá pichus jaywajqa uywaj ch'unchulanta, chakinta ima yakuwan mayllanqa. Sacerdotetaj tukuy chaykunata altarpi q'olachispa jaywanqa. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 1:17

Phawaj uywataqa mana iskayman p'itispa, lijran chaynejmanta ch'ejtanqanku. Chantá jinaytawan, sacerdoteqa phawaj uywata altar patapi q'olachenqa. Chay q'olachisqa jaywanaqa Tata Diospaj ima munay q'aparishaj jaywana kanqa, nispa.

Levítico 1:9

Chantá pichus jaywajqa uywaj ch'unchulanta, chakintawan ima yakuwan mayllanqa. Chaymantataj sacerdoteqa tukuyninta altar patapi q'olachenqa. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 3:11

Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana kanqa.

Levítico 3:4

iskaynin lurunninta, lurunninpi wiranta, ch'illanpi wiranta, k'iwichanpi wiranta ima q'olachispa jaywanqa. Chaytaqa lurunnintawan khuska orqhonqa.

Levítico 4:31

Chantaqa cabraj tukuy wiranta wirachanqa, imaynatachus Tata Diosman k'achata kawsakuy jaywanata jaywanapaj ñak'asqa uywaj wiranwan ruwanku, ajinallatataj. Sacerdoteqa ajinata ruwaspa, runaj juchan pampachasqa kananta tarenqa, chay runaj juchantaj pampachasqa kanqa.

Levítico 4:35

Chantá ñak'asqa ovejaj tukuy wiranta wirachanqa, imaynatachus k'achata kawsakuy jaywana uywa ñak'asqawan ruwanku, jinallatataj. Jinaspataj, sacerdoteqa Tata Diosman ch'aki mikhuy jaywanaj patanpi wirata altarpi q'olachenqa. Sacerdoteqa ajinata ruwaspa, runaj juchallisqan pampachasqa kananta tarenqa. Chay runaj juchantaj pampachasqa kanqa, nispa.

Levítico 6:12

12 (5) Altar patapi k'ajaj ninaqa mana jayk'aj wañunanchu tiyan. Chayman sacerdoteqa sapa paqarin llant'ata yapanqa. Chantá nina pataman q'olachinapaj uywa ñak'asqata churanqa. Jinaspataj chay pataman k'achata kawsakuy jaywanamanta uywaj wirantapis churallanqataj.

Levítico 7:28

Tata Dios Moisesta nillarqataj:

Levítico 9:17

Chantá ch'aki mikhuy jaywanamanta uj pojtuta oqharispa, altarpi q'olacherqa, sut'iyayta q'olachispa jaywana uywatawan khuskata.

Números 15:8

Sichus q'olachispa Tata Diosman jaywanapaj, chayrí k'achata kawsakuy jaywanata, chayrí imata nisqaykichejta junt'anapaj uj torillota apamunkichej chayqa,

Números 18:17

Chaywanpis kay uywakunaj phiwi uñankuta mana pagaspa kacharichiyta atenqankuchu: Wakaj uñanta, ovejaj uñanta, chantá cabraj uñantawan ima. Chaykunaqa noqapaj t'aqasqamin kanku. Chaykunata ñak'aspa, yawarninwan altarta ch'ajchunki. Wirantataj ima munayta q'apashaj jaywanata jina noqa Tata Diospaj q'olachinki.

Números 28:12

Sapa torillota aceitewan puñasqa sojta kilo sumaj jak'utawan ima jaywankichej. Sapa carnerotataj aceitewan puñasqa tawa kilo sumaj jak'utawan jaywallankichejtaj.

Números 28:3

Kamachillaytaj q'olachispa Tata Diosman jaywanata jaywanawankoqa kaykuna kananta: Sapa p'unchay q'olachispa uj watayoj iskay corderota, mana iman imanasqata jaywawanqanku.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.