Levítico 3:2 - DIOSPA QHELQACHISQ

² K'achata kawsakuy jaywanata Tata Diosman apamojqa uywaj umanman makinta churanqa. Chaymantataj Dioswan Tinkukuna Toldo punkupi chay uywata ñak'anqa. Aaronpa churinkunamanta Sacerdotekunataj altar patata, chantá tukuy muyuynintinta ima uywaj yawarninwan ch'ajchonqa.

Qheshwa Biblia DC

² Chay rikuchikuta Señorman apamojqa, makinta churanqa chay uywaj umanman. Chaymantataj Dioswan tinkukuna toldo punkupi ñak'anqa. Sacerdotestaj chay uywaj yawarninwan ch'ajchonqanku chay altar patasninta tukuy muyuynintinta ima.

DIOSPA QHELQACHISQAN DEUTEROCANONICAL

² K'achata kawsakuy jaywanata Tata Diosman apamojqa uywaj umanman makinta churanqa. Chaymantataj Dioswan Tinkukuna Toldo punkupi chay uywata ñak'anqa. Aaronpa churinkunamanta Sacerdotekunataj altar patata, chantá tukuy muyuynintinta ima uywaj yawarninwan ch'ajchonqa.

Levítico 3:2 ပူးပေါင်းရင်းမြစ်များ

Éxodo 29:10

Chaymantaqa Dioswan Tinkukuna Toldo punkuman torillota aysanki, chaypitaj Aarón, churinkunawan ima torilloj umanman makinkuta churanqanku.

Éxodo 29:11

Chaymantataj Dioswan Tinkukuna Toldo punkupi, Tata Diospa ñawpaqenpi chay torillota ñak'anki.

Éxodo 29:15

Chaymantaqa corderokunamanta ujninta aysamunki. Chantá Aaronwan, churinkunawan ima corderoj umanman makinkuta churallanqankutaj.

Éxodo 29:16

Chantá corderota ñak'aspa, yawarninwan altarta, chantá altarpa muyuyninta ima ch'ajchunki.

Éxodo 29:19

Chaymantaqa ujnin kaj corderotañataj aysamunki. Chantá Aaronwan, churinkunawan ima ujtawan corderoj umanman makinkuta churallanqankutaj.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Levítico 1:11

Chantá chay uywata pichus apamojqa, Tata Diospa ñawpaqenpi altarmanta wichaynejpi ñak'anqa. Chaymantataj Aaronpa churinkunamanta sacerdotekunaqa uywaj yawarninta altarpa tukuy muyuyninman ch'ajchonqanku.

Levítico 17:3

Sichus israelitakunamanta pillapis wakata, ovejata, chayrí cabratapis ñak'aspa Diosman jaywayta munanman chayqa,

Levítico 17:4

Dioswan Tinkukuna Toldo punkuman apamuspa ñak'anan tiyan Tata Diosman jaywanapaj. Sichus jaramanta jawapi, chayrí jara ukhupi ñak'anman chayqa, runa wañuchipis kanman jina juchachasqa kanqa. Chayrayku llajtanmanta chinkachisqa kanqa.

Levítico 3:3

Chantá pichus Tata Diosman k'achata kawsakuy jaywanata apamojqa uywaj ch'unchulanpi wiranta,

Levítico 3:8

Pichus jaywanata apamojqa uywaj umanman makinta churanqa, chantá Dioswan Tinkukuna Toldo punkupi ñak'anqa. Aaronpa churinkunamanta sacerdotekunataj uywaj yawarninwan altarta, chantá tukuy muyuyninta ima ch'ajchonqanku.

Levítico 8:22

Chaymanta Moisés Tata Diospaj t'aqasqa kanapaj jaywana ujnin kaj corderotañataj apachimorqa. Chantá Aaronwan, churinkunawan ima, uywaj umanman makinkuta churarqanku.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Números 18:17

Chaywanpis kay uywakunaj phiwi uñankuta mana pagaspa kacharichiyta atenqankuchu: Wakaj uñanta, ovejaj uñanta, chantá cabraj uñantawan ima. Chaykunaqa noqapaj t'aqasqamin kanku. Chaykunata ñak'aspa, yawarninwan altarta ch'ajchunki. Wirantataj ima munayta q'apashaj jaywanata jina noqa Tata Diospaj q'olachinki.

Hechos 3:15

Ajinata qankuna pichus tukuyman kawsayta qojta wañucherqankichej. Diostajrí payta wañusqamanta kawsarichimorqa, noqaykutaj testigo jina chay rikusqaykuta willayku.

Hechos 3:26

Chayrayku Churin Jesusta wañusqamanta kawsarichimuspa, Dios payta ñawpajta qankunamanraj kachamorqa, sapa ujniykichej millay kawsayniykichejmanta Diosman kutirikuspa saminchasqa kanaykichejpaj, nispa. Ajinata Pedro chay runakunaman nerqa.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.