Levítico 3:1 - DIOSPA QHELQACHISQ

¹ Sichus mayqenpis uywanmanta wakata, chayrí torota k'achata kawsakuy jaywanata jaywananpaj Tata Diosman apamunman chayqa, mana iman imanasqa uywata apamunan tiyan.

Qheshwa Biblia DC

¹ Maypachachus mayqempis Señorman apamunman uywasninmanta uj wakata, chayri uj torota allinyakuy rikuchikuta jina, chay uywaqa sumajnin kaj kanan tiyan mana imanasqa.

DIOSPA QHELQACHISQAN DEUTEROCANONICAL

¹ Sichus mayqenpis uywanmanta wakata, chayrí torota k'achata kawsakuy jaywanata jaywananpaj Tata Diosman apamunman chayqa, mana iman imanasqa uywata apamunan tiyan.

Levítico 3:1 ပူးပေါင်းရင်းမြစ်များ

1 Crónicas 21:26

Chaypitaj David Tata Diospaj uj altarta ruwarqa. Chantá uywata ñak'aspa q'olacherqa, jinataj allinyakuy jaywanatawan qorqa. Chaymantataj Tata Diosmanta mañakorqa, Diostaj Davidpa mañakusqanta uyarispa, janaj pachamantapacha ninata kachaykamorqa, chay ninataj altar patapi jaywanata q'olaykorqa.

Éxodo 20:24

Altartaqa jallp'amanta ruwapuwankichej. Chay patapitaj apamuwasqaykichej wakata, ovejata ñak'aytawan q'olachispa, jaywawankichej. K'achata kawsakuy jaywanatapis jaywallawankichejtaj. Noqataj maynejpichus yupaychanawaykichejpaj ajllakusaj, chayman jamuspa, allin rinasuykichejpaj saminchasqaykichej.

Éxodo 24:5

Chantá Moisesqa waynakunata kacharqa, torillokuna ñak'asqata q'olachispa, Tata Diosman jaywanankupaj. Jaywallarqankutaj k'achata kawsakuy jaywanatapis.

Éxodo 29:28

Tukuy chaykunataqa Aaronman, churinkunamanwan ima qonki. Kayqa israelitakunapaj wiñaypaj kamachisqa kanqa. Israelitakuna Tata Diosman allinyakuna jaywanata jaywaspa, corderoj qhasqonta, piernantawan sacerdotekunaman qonqanku.

Proverbios 7:14

Noqa k'acha kawsakuy jaywanata Tata Diosman qonayta nerqani, chaytataj kunan p'unchay junt'aniña.

Ezequiel 43:27

Chay p'unchaykunata junt'aspataj, pusaj kaj p'unchaymanta jaqaymanqa sacerdotekuna chay altar patapi uywakunata ñak'aytawan, ninapi q'olachispa jaywanqanku, jinallataj allin kawsakuy jaywanatapis. Chaypacha noqa tukuy sonqo jaywawasqaykichejta jap'ikusaj. Noqa Tukuyta Kamachej Tata Diosmin chayta nini.

Ezequiel 45:15

Israelpi sapa 200 ovejakunamanta uj sumaj ovejatapis t'aqallankichejtaj. Chay tukuy t'asqaykichej ch'aki mikhuy ofrendakunapaj kanqa, q'olachisqata jaywanapaj, k'achata kawsakuy jaywanata jaywanapaj, jucha pampachasqa kananpaj ima. Noqa Tukuyta Kamachej Tata Diosqa chayta nini.

Levítico 1:10

Sichus israelitakunamanta pipis q'olachispa jaywananpaj ovejamanta, chayrí cabramanta apamonqa chayqa, orqota mana iman imanasqata apamunan tiyan.

Levítico 1:3

Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Levítico 17:5

Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku.

Levítico 3:6

Sichus mayqenpis ovejanmanta orqotapis, chinatapis, Tata Diosman k'achata kawsakuy jaywanata jaywananpaj apamunman chayqa, uywaqa mana iman imanasqa kanan tiyan.

Levítico 9:18

Jinallataj Aarón ñak'allarqataj israelitakuna k'achata kawsakuy jaywanata Diosman jaywanapaj apamusqanku torota, corderotawan ima. Churinkunataj payman yawarta jaywarqanku, paytaj chay yawarwan altarta, chantá altarpa tukuy muyuyninta ch'ajchorqa.

Levítico 9:4

Apamullaychejtaj uj torota, uj corderotawan allinyakuy jaywanata Tata Diosman jaywanapaj. Chantá apamullaychejtaj aceitewan puñasqa ch'aki mikhuy jaywanata, imaraykuchus Tata Diosqa Tukuy Atiyniyoj kasqanta kunan qankunaman rikuchisonqachej, nispa.

Amós 5:22

Sutiypi uywata ñak'aspa q'olachinata mana munanichu, nitaj ch'aki mikhuy jaywanawaykichejtapis. Manallataj wira torillokunata allinyakuna jaywanata jina q'olachisqaykichejtapis jap'ikusqaykichejchu.

Malaquías 1:14

Maldicisqa kachun, pichus sumajnin kaj uywata qonawanta nishaspa onqosqa kajta jaywawajqa, imaraykuchus noqa Kuraj Kamachejninku kani. Waj suyukunapitaj runakuna may jatun respetowan qhawawanku. Noqa Tukuy Atiyniyoj Tata Dios chayta nini.

Malaquías 1:8

Onqosqa uywata, ñawsa kajta, chakin p'akisqa uywakunata ima apamuwasqaykichejqa allillanchu? Riychej ari, qankunata kamachejkunaman chay onqosqa uywakunata jaywamuychej. Chantá yachankichej paykuna chay jaywasqaykichej uywakunata kusisqachus jap'ikonqanku manachus, chayta.

Números 15:8

Sichus q'olachispa Tata Diosman jaywanapaj, chayrí k'achata kawsakuy jaywanata, chayrí imata nisqaykichejta junt'anapaj uj torillota apamunkichej chayqa,

Números 6:14

Chaypitaj uj watayoj corderota mana iman imanasqata Tata Diosman jaywanqa, q'olachisqa kananpaj. Jucha pampachasqa kananpajtaj, uj watayoj malta ovejata mana iman imanasqata Tata Diosman jaywallanqataj. Jinallataj uj carnerota mana iman imanasqata k'acha kawsakuy jaywanata jaywananpaj apallanqataj.

Números 7:17

K'achata kawsakuy jaywanata Diosman jaywananpajtaj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima qollarqataj. Chaykunata Aminadabpata churin Nasón Diosman qonanpaj apamorqa.

Números 7:59

Jinallataj Diosman k'achata kawsakuy jaywanata jaywananpaj apamullarqataj iskay bueykunata, phishqa carnerokunata, phishqa chivokunata, chantá uj watayoj phishqa corderokunatawan ima. Chaykunata Pedasurpata churin Gamaliel Diosman qonanpaj apamorqa.

Deuteronomio 12:27

Chaypitaj Tata Diosniykichejpa altarninpi q'olachispa jaywanata jaywankichej. Chay jaywasqaykichej uywakunaj yawarnintataj Tata Diosniykichejpa altarninman jich'ankichej. Aychatatajrí mikhuyta atinkichej.

Colosenses 1:20

Tata Dios munallarqataj Churinnejta tukuy kaj chhika, janaj pachapi kaj, jinataj kay pachapi kaj ima paywan allinyachisqa kananta. Payllataj ajina kananpaj tukuy imata ruwarqa, Churin cruzpi wañuspa yawar jich'asqanrayku.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.

1 Juan 1:3

Ajinaqa imatachus rikusqaykuta, chantá uyarisqaykuta ima qankunaman willayku, qankuna uj sonqolla noqaykuwan kanaykichejpaj, imaynatachus noqaykupis Tata Dioswan, chantá Churin Jesucristowan uj sonqolla kayku, ajinata.

Jueces 20:26

Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

Jueces 21:4

Q'ayantintaj israelitakunaqa tutamanta jatarikorqanku. Uj altarta ruwaspataj, Tata Diosman jaywarqanku uywa ñak'asqa q'olachinakunata, chantá allinyakuna jaywanakunatawan.