Levítico 27:30 - DIOSPA QHELQACHISQ

³⁰ Jallp'api tukuy ima poqojmanta, chajramanta, chayrí sach'aj poqoyninmanta sapa chunkamanta uj Tata Diospata kanqa. Chayqa Tata Diospaj t'aqasqamin kanqa.

Qheshwa Biblia DC

³⁰ Tukuy poqochisqaykichejmantaqa sapa chunkamanta ujqa Señorpata. Paypaj t'aqasqa: Mujusmanta, sach'aspa poqoyninmanta ima.

DIOSPA QHELQACHISQAN DEUTEROCANONICAL

³⁰ Jallp'api tukuy ima poqojmanta, chajramanta, chayrí sach'aj poqoyninmanta sapa chunkamanta uj Tata Diospata kanqa. Chayqa Tata Diospaj t'aqasqamin kanqa.

Levítico 27:30 ပူးပေါင်းရင်းမြစ်များ

Génesis 14:20

Patapi Kaj Dios yupaychasqa kachun, pichus awqaykikunata atipachisorqa, chay, nispa. Chantá Abramqa tukuy imatachus qhechusqanmanta, sapa chunkamanta ujta Melquisedecman qorqa.

Génesis 28:22

Diosníy, kay sayachisqay rumeqa qanta yupaychana cheqa kanqa. Chantá tukuy ima qowasqaykimanta sapa chunkamanta ujta qanman qosqayki, nispa.

Génesis 47:24

Chajrata oqharispaqa, phishqaman t'aqaspa, ujta faraonman qonkichej. Puchojtaj qankunapaj kanqa tarpunaykichejpaj, mikhunaykichejpaj, wawaykichejkuna mikhunankupaj ima, pikunachá wasiykichejpi tiyakunku, chaykunapis mikhunankupaj, nispa.

Génesis 47:26

Ajinata Joseqa Egiptopi uj kamachisqata orqhorqa, chajrata oqharisqankumanta phishqamanta ujninta faraonman qonata. Ajina kamachisqa kunankama kashanrajpuni. Sacerdotekunalla mana imatapis faraonman qonankuchu karqa, imaraykuchus paykunaj jallp'anku mana jayk'ajpis faraonpa makinman chayarqachu.

2 Crónicas 31:12

runakunaqa ñawpaj kaj poqoykunamanta apamusqankuta, chunka t'aqamanta ujta qosqankuta, jinataj Tata Diospaj t'aqasqanku imakunatachus apamorqanku, chay tukuyta chayman apamorqanku. Chaymantataj sacerdotekunata yanapaj levita Conaniasta, wawqen Simeytawan chay tukuyta qhawanankupaj churarqanku.

Nehemías 12:44

Chantá chaypi kajkunamanta waqaychajkunata churarqayku. Paykunaqa qolqeta, ñawpaj kaj poqoykunata, sapa chunkamanta ujnin t'aqasqata ima Diospa kamachisqanman jina jallch'ananku karqa. Chay tukuyta sapa llajtamanta chayachimorqanku sacerdotekunapaj, levitakunapajwan ima, imaraykuchus Judamanta kajkunaqa kusisqa karqanku sacerdotekuna, levitakuna ima ruwanankuta junt'asqankumanta.

Nehemías 13:12

Chantá Judamanta kajkunaqa tukuyninku chay jallch'ana wasiman apamorqanku sapa chunkamanta ujnin t'aqasqata granomanta, vinomanta, aceitemantawan ima.

Nehemías 13:5

payman uj jatun wasita qosqa, maypichus ñawpajtaqa jallch'aj kanku Diosman jaywasqata, inciensota, imawanchus Diosta yupaychaj kanku, chay imakunata, sapa chunkamanta ujta t'aqaj kanku, chaytapis granomanta, vinomanta, aceitemantawan. Chay tukoyqa karqa levitakunapaj, takejkunapaj, punku qhawajkunapaj, sacerdotekunapaj ima.

Levítico 27:29

Chayrayku wañuchisqa kananpaj t'aqasqa runaqa nipuni orqhokapusqa kayta atenqachu. Chay runaqa wañuchisqapuni kanan tiyan.

Levítico 27:31

Sichus pipis chunkamanta ujta qosqanmanta uj chhikata orqhokapuyta munanman chayqa, precionta paganqa. Chantá precionmanta phishqaman t'aqaspa, ujnintawan yapaspa qoponqa.

San Mateo 23:23

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa sapa chunkamanta ujta Diosman qonkichej mentamanta, anismanta, cominomanta ima. Chaywanpis kamachisqakunamanta aswan kuraj kajtarí mana kasunkichejchu. Chaykuna kanku: Cheqan kay, khuyapayakoj kay, jinallataj Diosta mana wasanchay ima. Chay kuraj kamachisqakunataqa ruwanaykichejpuni tiyan, mana chay ujkunata qonqaspa.

San Lucas 11:42

Ay qankunamanta, fariseokuna. Qankuna sapa chunkamanta ujta Diosman qonkichej mentamanta, rudamanta, tukuy q'omerkunamantawan. Chaywanpis mana wajkunapaj cheqan kajta ruwankichejchu nitaj Diosta munakunkichejchu. Chay chunkamanta ujta qonaqa allinpuni. Chaywanpis mana chay waj ruwanata qonqanachu tiyan.

San Lucas 18:12

Noqaqa semanapi iskay kutita ayunani, tukuy kapuyniymantataj sapa chunkamanta ujta qoni, nispa.

Deuteronomio 18:8

Mikhunanpajqa imatachus levitakuna jap'inku, chayllatataj jap'enqa. Jinallataj tatanmanta chayaqetapis jap'illanqankutaj.

Deuteronomio 26:12

Sapa kinsa kaj watapi chunkamanta ujta qona watapi, tukuy poqochisqaykimanta sapa chunkamanta ujta t'aqanki. Chay t'aqasqaykitaqa levitakunaman, llajtaykipi tiyakoj waj llajtayojman, wajcha wawakunaman, llajtaykipi kaj warmisapakunaman ima qonki, paykuna sajsakunankukama mikhunankupaj.