Levítico 26:6 - DIOSPA QHELQACHISQ

⁶ Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu.

Qheshwa Biblia DC

⁶ Qankunaman qosqaykichej allin kakuyta chay jallp'api, manataj pata patallatachu puñunkichej; noqa chay jallp'ata jark'asaj sajra monte animalesmanta, jinallataj ch'ajwasmanta.

DIOSPA QHELQACHISQAN DEUTEROCANONICAL

⁶ Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu.

Levítico 26:6 ပူးပေါင်းရင်းမြစ်များ

2 Reyes 2:24

Chantá Eliseo kutirispa, majt'illokunata qhawarqa, Tata Diospa sutinpitaj paykunata maldicerqa. Jinallaman sach'akuna ukhumanta iskay osokuna llojsimuspa, chay majt'illokunamanta tawa chunka iskayniyojta wañucherqa.

1 Crónicas 22:9

Chaywanpis qanpata uj churiyki kanqa, paytaj tukuywan allinta kawsakonqa. Chay jawaqa, noqa tukuy awqankunawan allinpi kawsachisaj. Chayrayku, Salomón sutin kanqa. Paypa tiemponpi Israel suyuman qosaj allin kawsayta, mana imamanta manchachikuspa kawsanatawan.

2 Crónicas 20:30

Ajinata Josafat kamachishajtenqa, mana ima ch'ajwapis karqachu, imaraykuchus Diosqa chay muyuyninkupi suyukunawan allinpi kawsakunankuta ruwarqa.

Job 11:19

Puñushajtiyki, ni imapis mancharichisoj kanqachu. Yanapanaykita mask'aspataj ashkha jamusonqanku.

Job 5:23

Jallp'ayki rumiraralla kajtinpis, chajra poqonanta mana jark'anqachu, k'ita animalkunapis kawsaqeykikuna kanqanku.

Salmos 144:14

Bueyniykoqa llank'anapaj kallpayoj kachunku. Awqaykukunapis llajtaykuman manaña yaykumuchunkuñachu, llajtaykoj callenkunapitaj manaña pipis manchachikuspa qhaparichunchu.

Salmos 147:14

Payqa suyuykiman sonqo tiyaykusqa kawsayta apamun, sumaj kaj trigowantaj sajsachisunki.

Salmos 29:11

Tata Diosqa ayllunmanpis kallpata qollantaj. Jinallataj Tata Dios sonqo tiyaykusqa kawsakuywan ayllunta saminchan.

Salmos 3:5

5 (6) Noqa puñukapuni, chantá q'ayantin rijch'arini, imaraykuchus Tata Diosmin waqaychawan.

Salmos 4:8

8 (9) Chayrayku ni imamanta manchachikuspa siriykakapuni, puñukunitaj, imaraykuchus Tata Dios, qanmin mana ni imamanta manchachikuspa kawsachiwanki.

Salmos 85:8

8 (9) Noqa uyarisaj imatachus Tata Dios parlanqa, chayta. Payqa ayllunman, chantá payta qhatejkunaman sonqo tiyasqa kawsaymanta parlanqa, paykuna manaña mana yuyayniyojkuna jina purinankupaj.

Éxodo 23:29

Chay llajtayojkunataqa mana uj watallapichu wijch'usaj, ama chay jallp'a ch'inman tukunanpaj, nitaj k'ita animalkunapis miraykuspa manchachisunankupaj.

Proverbios 3:24

Puñukapuspa, ni imamanta manchachikunkichu, sumaj misk'itataj puñurikunki.

Proverbios 6:22

Mayta rejtiyki, yachachisusqanku puriyniykipi pusasonqanku. Puñushajtiykipis, waqaychasonqanku, rijch'arejtiykipis, qanwan parlanqanku.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Isaías 35:9

Chaypeqa mana leonkuna kanqachu, nitaj phiña k'ita animalkunapis chaynejta purenqankuchu. Manachayqa chay ñannejta, pikunatachus Tata Dios preciota pagaspa kacharicherqa, chaykunalla kutimponqanku.

Isaías 45:7

Noqaqa k'anchayta, laqhayaytapis ruwani. Noqallataj allin kawsayta, llakiy kawsaytapis qoni. Noqa Tata Dioslla chay tukuy imata ruwani.

Isaías 9:7

7 (6) Kamachisqan, chantá allin kawsayta qosqanpis wiñaypaj mana tukukuyniyoj kanqa. Davidpa kamachinan tiyanamanta justiciawan wiñay wiñaypaj kamachenqa. Chaytataj Tukuy Atiyniyoj Tata Diosmin sinch'i munakuyninrayku ruwanqa.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 31:26

Jinallapi rijch'arispa, ñawiyta kicharerqani, chantá cuentata qokorqani mosqokusqay manchay k'achitu kasqanta.

Ezequiel 14:15

Ichapis chay suyupi tiyakojkunata wañurachinanpaj phiña k'ita animalkunata kachaykuyman, chay suyutaj ch'inman tukunman, chantá k'ita animalkunata manchachikuspa, pipis chayninta mana pasayta atinmanchu.

Ezequiel 14:17

Ichapis chay suyuman maqanakuyta kachaykuyman, jinataj kamachiyman runakuna, jinallataj uywakunapis wañurachisqa kanankuta.

Ezequiel 14:21

Ajinaqa Tukuyta Kamachej Tata Dios nillantaj: Aswan llakiyraj kanqa, imaraykuchus noqa kay tawantin sinch'i jasut'iyta Jerusalenman apachimusaj: Maqanakuta, yarqhayta, phiña k'ita animalkunata, millay onqoykunata ima. Chantá chaykuna runakunata, uywakunata ima wañurachenqanku.

Ezequiel 34:25

Chantá allin kawsay tratota paykunawan ruwasaj. Suyunkumantaqa tukuy phiña animalkunata chinkachisaj, ovejaykuna mana imamanta manchachikuspa ch'in pampapi tiyakunankupaj, montepipis puñukunankupaj.

Ezequiel 34:27

Sach'akuna sumajta poqonqanku, jallp'ataj tukuy imata sumajta poqochenqa. Jinallataj ovejaykunapis kikin jallp'ankupi mana imamanta manchachikuspa kawsanqanku. Maypachachus noqa aylluyta kacharichisaj, pikunachus paykunata ñak'arichejkunaj makinkumanta chaypacha, paykuna yachanqanku noqa Tata Dios kasqayta.

Ezequiel 5:17

Noqapuni yarqhayta, onqoyta, wañuyta ima apachimusqaykichej. K'ita phiña animalkunatapis kachaykamullasqaykichejtaj mana wawayojta saqesunaykichejpaj. Jinallatataj qankunamanta maqanakupi ashkha wañurachisqa kanaykichejta saqellasaj. Ajinata noqa Tata Dios nini.

Oseas 2:18

18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Oseas 2:20

20 (22) Noqa qanwan casarakusaj, manataj piwanpis wasanchasqaykichu. Chaypachataj Tata Diosniyki kasqayta rejsiwanki.

Levítico 25:18

Kamachisqaykunata kasuychej, yachachisqaytapis ruwaychej, junt'aychejtaj. Chantá chay jallp'aykichejpi mana ni imata manchachikuspa, tiyakunkichej.

Levítico 25:19

Jallp'aqa sumajta poqopusonqachej, qankunataj sajsakunaykichejkama mikhunkichej. Chaypitaj ni imamanta manchachikuspa, tiyakunkichej.

Levítico 26:22

Qankunaman phiña k'ita animalkunata kachaykamusaj, chaykunataj wawaykichejta mikhonqanku, uywaykichejtapis tukuchenqanku. Jinamanta qankuna pisiyankichej, ñanniykichejkunatapis manaña pipis purej kanqachu.

Levítico 26:25

Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.

Levítico 26:7

Qankunaqa awqaykichejta ayqechinkichej, espadawantaj wañuchinkichej.

Miqueas 4:4

Manachayqa, tukuyninku ni imata manchachikuspa kawsakonqanku. Sapa runa uva sach'anpa llanthunpi samarikuyta atenqa, jinataj higo sach'anpa llanthunpi tiyarikonqa. Ajinata Tukuy Atiyniyoj Tata Dios nin.

Sofonías 3:13

Chaypacha Israel ayllumanta puchojkuna manaña mana cheqan kajta ruwanqankuchu, nitaj llullata parlanqankuchu, nillataj ch'awkiyaspa parlanqankuchu. Aswanpis paykuna mikhurikonqanku, samarikonqankutaj ni imamanta manchachikuspa.

Hageo 2:9

Kay qhepa kaj Temploqa aswan sumaj kanqa ñawpaj kaj Templomanta nisqaqa. Noqataj kay cheqanejpi sonqo tiyaykusqa kawsay kananta ruwasaj. Noqa Tukuy Atiyniyoj Tata Dios chayta nini.

Zacarías 9:10

Paymin Efrainpa carretankunata phirenqa, Jerusalenpa caballonkunatapis chinkachenqa, jinallataj flechana arconkutapis p'akirparenqa. Chantá tukuy suyukunaman allinpi kawsakuymanta willaranqa, kamachenqataj uj mama qochamanta ujnin mama qochakama, Éufrates mayumantapachataj kay pachaj tukukuyninkama.

San Juan 14:27

Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

Hechos 12:6

Herodes Pedrota juzgananpaj orqhochimunan kashajtin, chay tuta Pedro iskay soldadokuna chawpipi puñusharqa, iskay cadenawan watasqa. Waj soldadokunapis cárcel punkuta qhawasharqanku.

Romanos 5:1

Noqanchej Diospi atinikusqanchejrayku cheqan runapaj qhawasqa kaspa, Tukuyta Kamachej Jesucristonejta Dioswan allinyachisqa kanchej.