Levítico 26:5 - DIOSPA QHELQACHISQ

⁵ Trigo oqharisqaykichejqa uva pallanakama kanqa, uvata pallanaykichejtaj tarpuy tiempokama kanqa. Sajsakunaykichejkama t'antata mikhunkichej, ni imamanta llakikuspataj, llajtaykichejpi tiyarikunkichej.

Qheshwa Biblia DC

⁵ Trigo oqharisqaykichejqa uvas pallanaykichejkama kanqa. Uvasniykichejtaj kapusonqachej tarpuy tiempokama. T'antata mikhunkichej sajsakunaykichejkama. Tukuy sonqo allinta tiyakunkichej chay jallp'api.

DIOSPA QHELQACHISQAN DEUTEROCANONICAL

⁵ Trigo oqharisqaykichejqa uva pallanakama kanqa, uvata pallanaykichejtaj tarpuy tiempokama kanqa. Sajsakunaykichejkama t'antata mikhunkichej, ni imamanta llakikuspataj, llajtaykichejpi tiyarikunkichej.

Levítico 26:5 ပူးပေါင်းရင်းမြစ်များ

Salmos 144:13

Pirwaykoqa tukuy imaymana poqoywan junt'a kachun. Uywaykupis jallp'aykupi may chhikatapuni mirarichunku.

Salmos 90:1

(1b) Tukuyta Kamachej Dios, qanmin watan watan pakakunayku kanki.

Éxodo 16:8

Moisés nillarqataj: Tata Diosqa manaraj inti yaykuyta mikhunaykichejpaj aychata qosonqachej, tutamantataj ashkha t'antata qosonqachej. Chayta ruwanqa, imaraykuchus Diosqa paypa contranpi thutusqaykichejta uyarisunkichej. Noqaykurí, pitaj kayku? Qankunaqa mana noqaykoj contraykutachu thutorqankichej, manachayqa Tata Diospa contranta, nispa.

Proverbios 1:33

Pichus noqata uyariwajrí, mana imamanta manchachikuspa tiyakonqa, sonqo tiyaykusqataj kawsakonqa, nispa.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Isaías 1:19

Sichus qankuna kasuwankichej chayqa, jallp'aj aswan sumaj poqoyninta mikhunkichej.

Isaías 30:23

Chaypacha Tata Dios parachimonqa tarpuna tiempopi, chay tarpusqaykichejtaj sumajta poqonqa. Uywaykichejpis sumaj q'omer pampakunapi michisqa kanqanku.

Jeremías 23:6

Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Oseas 2:18

18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Oseas 2:20

20 (22) Noqa qanwan casarakusaj, manataj piwanpis wasanchasqaykichu. Chaypachataj Tata Diosniyki kasqayta rejsiwanki.

Joel 2:19

Chantá paykunata nenqa: Noqa sajsanaykichejkama mikhunaykichejpaj qosqaykichej trigota, vinota, aceiteta ima, manataj saqesajchu noqata mana manchachikojkuna qankunamanta alqochakunankuta.

Joel 2:22

K'ita animalkuna, ama manchachikuychejchu, imaraykuchus pasto watej q'omeryanqa. Sach'akunapis poqonqanku, jinataj higopis, uvapis atipasunaykichejpaj jina poqonqa.

Joel 2:26

Chantá qankuna sumajta sajsakunaykichejkama mikhunkichej, Tata Diosniykichejtataj yupaychawankichej. Noqamin chay t'ukunata qankunarayku ruwasaj. Chayrayku qankuna aylluy manaña jayk'ajpis p'enqachisqachu kankichej.

Amós 9:13

Chay jamoj p'unchaypi aylluy trigota oqharishajtillankuraj, llank'ana tiempo chayamonqa. Manaraj uvata ch'irwayta tukushajtinku, ñapis trigo tarpuna tiempo chayamonqaña. Vinoqa tukuy orqonejta, kinraykunata ima yaku jina purirenqa. Ajinata Tata Dios nin.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

Hechos 14:17

Chaywanpis pay sut'ita rejsichikorqa k'acha Dios kasqanta allin imakunata ruwaspa. Payqa parata apachimusunkichej, chajraykichejta tiemponpi poqochin, mikhuna patapitaj uywakusunkichej, sonqoykichejtataj kusiywan junt'achin, icharí?

Deuteronomio 11:15

Jinallataj Tata Diosqa uywaykichejpaj ashkha q'achuta wiñachenqa. Qankunapajpis mikhuna may chhika kallanqataj.

1 Timoteo 6:17

Timoteo, kay pachapi qhapajkunata kamachiy ama umata oqharinankuta, amataj tiyapuyninkupi atinikunankuta, imaraykuchus qhapajyayqa tukukapojlla. Manachayqa kawsaj Diospi atinikuchunku, pichus mana mich'akuspa tukuy imata qowanchej chaykunawan kusisqa kawsananchejpaj, chaymanta.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.