Levítico 26:45 - DIOSPA QHELQACHISQ

⁴⁵ Aswanpis tratota ruwasqaymanta yuyarikusaj. Chay tratotaqa Diosninku kanaypaj ñawpa tataykichejkunawan ruwarqani, maypachachus paykunata Egiptomanta tukuy runaj rikunankuta orqhomorqani, chaypacha. Noqamin Tata Dios kani, nispa.

Qheshwa Biblia DC

⁴⁵ Chantapis yuyarikullasajtaj, ima tratotachus Egiptomanta orqhomushaspa ruwasqayta, waj naciones rikushajtinku, Israelpa Diosnin kanaypaj. Noqamin Señorqa kani.

DIOSPA QHELQACHISQAN DEUTEROCANONICAL

⁴⁵ Aswanpis tratota ruwasqaymanta yuyarikusaj. Chay tratotaqa Diosninku kanaypaj ñawpa tataykichejkunawan ruwarqani, maypachachus paykunata Egiptomanta tukuy runaj rikunankuta orqhomorqani, chaypacha. Noqamin Tata Dios kani, nispa.

Levítico 26:45 ပူးပေါင်းရင်းမြစ်များ

Génesis 12:2

Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 9:15

Chaypacha qankunawan, jinallataj animalkunawan ima tratota ruwasqaymanta noqa yuyarikusaj. Tukuy imata chinkachinapaj manaña ujtawan musphay para kanqachu.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Éxodo 2:24

Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 6:8

Chantá mayqen jallp'atachus Abrahamman, Isaacman, Jacobman ima tiluspa qonayta nerqani, chay jallp'aman noqa pusasqaykichej. Chay jallp'atataj qankunaman qopusqaykichej. Noqamin Tata Dios kani, nispa.

Ezequiel 20:14

Chaywanpis, imatachus yuyasqayta mana ruwarqanichu noqamanta runakuna ama millayta parlanankupaj, pikunachus Egiptomanta israelitakunata orqhomushajta rikuwarqanku, chaykuna.

Ezequiel 20:22

Chaywanpis makiyta paykunaj contranpi mana oqharerqanichu, ama waj suyukuna noqamanta millayta parlanankupaj, mayqenkunaj rikunantachus israelitakunata Egiptomanta orqhorqani, chaykuna.

Ezequiel 20:9

Chaywanpis mana chayta ruwarqanichu, chaypi kaj suyukuna noqamanta ama millayta parlanankupaj, mayqenkunaj rikunantachus israelitakunaman rejsichikorqani Egiptomanta paykunata orqhoshaspa, chaykuna.

Levítico 11:45

Noqa Tata Dios kani, pichus Diosniykichej kanaypaj qankunata Egiptomanta orqhomorqaykichej, chay. Chayrayku qankunaqa noqapaj t'aqasqa jina kawsaychej, imajtinchus noqaqa manchay llimphumin kani, nispa.

Levítico 22:33

Diosniykichej kanaypaj, noqa Egipto suyumanta orqhomorqaykichej. Noqamin Tata Diosqa kani, nispa.

Levítico 25:38

Noqa Tata Diosmin Diosniykichej kani, pichus Egiptomanta orqhomorqaykichej Canaán jallp'ata qosunaykichejpaj, Diosniykichejtaj kanaypaj, chay.

Romanos 11:12

Israelitakuna Diosta mana kasusqankoqa wajkunaj allinninkupaj karqa, pantasqankutaj mana judío kajkunaj allinninkupaj. Jina chayqa, imayna allinrajchus kanqa, maypachachus tukuy judiokuna Dioswan allinyachisqa kanqanku, chaypacha.

Deuteronomio 4:31

Tata Diosniykichejqa manchay khuyakuyniyoj kasqanrayku, mana saqerparisonqachejchu, nitaj chinkachisonqachejchu, nillataj ñawpa tataykichejkunawan tiluspa trato ruwasqanta qonqaponqachu.

Deuteronomio 9:27

Yuyarikuy ari kamachiyki Abrahammanta, Isaacmanta, Jacobmanta ima. Ama kay runakunaj rumi sonqo kasqankuta, ni sajra kayninkuta, nillataj juchankutapis qhawaychu.