Levítico 26:42 - DIOSPA QHELQACHISQ

⁴² Chantá noqaqa Jacobwan, Isaacwan, Abrahamwan ima tratota ruwasqaymanta yuyarikusaj, yuyarikullasajtaj suyuykichejmantapis.

Qheshwa Biblia DC

⁴² Chaymantaraj yuyarikusaj trato ruwasqaymanta Jacobwan, Isaacwan, Abrahamwan ima. Jinallataj yuyarikusaj ima jallp'atachus qosqaymantapis.

DIOSPA QHELQACHISQAN DEUTEROCANONICAL

⁴² Chantá noqaqa Jacobwan, Isaacwan, Abrahamwan ima tratota ruwasqaymanta yuyarikusaj, yuyarikullasajtaj suyuykichejmantapis.

Levítico 26:42 ပူးပေါင်းရင်းမြစ်များ

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 26:2

Chaypi Tata Dios payman rikhurispa, nerqa: Ama Egiptoman riychu. Tiyakullay, maypichus noqa nisqayki, chaypi.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 26:5

Ajinata ruwasaj, imaraykuchus Abraham kasuwarqa, junt'arqataj nisqayta, yachachisqayta, kamachisqaytawan ima, nispa.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 35:11

Chantá Dios Jacobta nillarqataj: Noqaqa Tukuy Atiyniyoj Dios kani. Mirayniyki ashkha kachunku. Qanmanta ashkha runayoj suyukuna rikhurenqanku, jinallataj mirayniykimanta kuraj kamachejkuna sayarenqanku.

Génesis 35:12

Noqaqa Abrahamman, Isaacmanwan qosqay jallp'ata qanman qollaykitaj. Jinataj mirayniykimanpis chay jallp'ata qosaj, nispa.

Génesis 9:15

Chaypacha qankunawan, jinallataj animalkunawan ima tratota ruwasqaymanta noqa yuyarikusaj. Tukuy imata chinkachinapaj manaña ujtawan musphay para kanqachu.

Génesis 9:16

Maypachachus k'uychi phuyupi rikhurenqa chaypacha, noqa rikusaj, yuyarikusajtaj tukuy runawan, jinataj tukuy animalwan ima tratota wiñaypaj ruwasqaymanta.

Ester (hebreo) 4:14

Sichus kunan ch'inlla kanki chayqa, judiokunata kacharichej waj rikhurimonqa. Qantaj, tataykej ayllunkuna ima wañurachisqa kankichej. Ichapis qanqa, kay jina llakiypi yanapanawaykupaj qoya kayman chayarqanki, nispa.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Salmos 136:23

K'umuykuchisqa kashajtinchej noqanchejmanta yuyarikojman pachis niychej, imaraykuchus munakuynenqa wiñay wiñaypajmin.

Éxodo 2:24

Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Éxodo 6:5

Kunantaj Egipto llajtayojkuna israelitakunata ñak'arichisqankurayku, israelitakunaj ayqosqankuta uyarispa, noqaqa aylluywan trato ruwasqaymanta yuyarikuni.

Isaías 14:1

Chaywanpis Tata Diosqa Jacobpa ayllunmanta khuyakonqa. Israelitakunatataj watejmanta ayllun kanankupaj ajllakonqa, jinaspataj jallp'ankupi paykunata watejmanta tiyachenqa. Chaypacha karu llajtayojkunapis paykunaman ujchakonqanku, Jacobpa ayllunwantaj tiyakonqanku.

Ezequiel 16:60

Noqatajrí sipas kashajtiyki, qanwan tratota ruwasqaymanta yuyarikusaj, chantá waj tratota qanwan wiñaypaj ruwasaj.

Joel 2:18

Chaypacha Tata Dios ayllunman munakuyninta rikuchenqa, suyunpi kajkunamantataj khuyakonqa.

San Lucas 1:72

Diosqa ñawpa tatanchejkunata khuyaspa, sumaj tratota paykunawan ruwasqanmanta yuyarikorqa.

Deuteronomio 4:31

Tata Diosniykichejqa manchay khuyakuyniyoj kasqanrayku, mana saqerparisonqachejchu, nitaj chinkachisonqachejchu, nillataj ñawpa tataykichejkunawan tiluspa trato ruwasqanta qonqaponqachu.

Deuteronomio 9:27

Yuyarikuy ari kamachiyki Abrahammanta, Isaacmanta, Jacobmanta ima. Ama kay runakunaj rumi sonqo kasqankuta, ni sajra kayninkuta, nillataj juchankutapis qhawaychu.

Jueces 2:1

Uj kuti Tata Diospa angelnenqa Gilgalmanta Boquín nisqa cheqaman rispa, israelitakunata nerqa: Noqaqa Egipto suyumanta orqhomorqaykichej, jinaspataj pusamorqaykichej, ñawpa tataykichejkunaman qonayta nerqani, chay jallp'akama. Chaypacha paykunata nisqani: Mana jayk'ajpis qankunawan tratoyta p'akisajchu.