Levítico 26:41 - DIOSPA QHELQACHISQ

⁴¹ Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej.

Qheshwa Biblia DC

⁴¹ Noqapis qankunaj contraykichejta ruwasaj, pusasqaykichejtaj enemigosniykichejpa llajtanman. Chaypitaj sajra yuyayniykichej k'umuykukonqa. Juchasniykichejmanta jasut'isqaytataj allimpaj qhawankichej.

DIOSPA QHELQACHISQAN DEUTEROCANONICAL

⁴¹ Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej.

Levítico 26:41 ပူးပေါင်းရင်းမြစ်များ

1 Reyes 21:29

Rikunkichu Ajabqa k'umuykamuwasqanta? Mana allinta ruwasqanmanta noqaman kutirikamuwasqanrayku, kawsanankama mana nisqay llakiyta apachimusajchu. Manachayqa churin kuraj kamachej kajtin, chay llakiyta tukuy mirayninman apachimusaj, nispa.

2 Crónicas 12:12

Ajinamanta Roboanqa Tata Diosman k'umuykukusqanrayku, Tata Diosqa mana munarqachu Jerusalén llajta phirisqa kananta, Judá suyupi wakin imakunaqa allillanraj kasqanrayku.

2 Crónicas 32:26

Chaywanpis runaykachasqanmanta qhepaman, Ezequiasqa Diospa ñawpaqenpi k'umuykukorqa, jinallataj Jerusalenpi tiyakojkunapis. Tata Diostaj Ezequías kawsanankama, mana phiñakuyninta paykunaj patankuman kachaykamorqachu.

2 Crónicas 33:19

Diosmanta mañakusqan, Dios payta uyarisqan, tukuy juchallisqan, Diosta qhesachasqan, loma patapi lanti wasikunata jatarichisqan, jinataj maykunapichus churarqa Asera lantikunata, waj lantikunatawan, manaraj Diosman k'umuykushaspa, tukuy chaykunamantaqa Diosmanta sut'inchajkunaj qhelqankupi qhelqasqa kashan.

2 Crónicas 33:23

Amonqa manataj tatan Manasés jinaqa Tata Diospa ñawpaqenpeqa k'umuykorqachu, manachayqa astawan juchata yapaykukorqa.

Esdras 9:13

Kunantajrí mana allinta ruwasqaykurayku, jatun juchaykuraykutaj tukuy kay imakuna chayamuwayku. Chaywanpis qanqa mana millayta ruwasqaykuman jinapunichu jasut'iwarqayku, manachayqa kacharichiwarqaykuraj.

Esdras 9:15

Israelpa Tata Diosnin, qan cheqan kanki noqaykuwan. Qan noqaykumanta puchoj t'aqa kawsanaykuta munarqanki, imaynachus kunan p'unchay rikushayku jina. Noqaykoqa cheqamanta ñawpaqeykipi juchayoj kayku. Ajinallapuneqa mana ñawpaqeykipi kayta atiykumanchu.

Nehemías 9:33

Mana qanchu juchayoj kanki chay llakiykuna qhatiriwasqaykumanta, imaraykuchus qanqa cheqan sonqowan imatapis ruwapuwayku, noqaykutajrí sajra kajllata ruwayku.

Salmos 39:9

9 (10) Ujtawanpis ch'inlla karqani, manataj parlarerqanichu, imajtinchus qan imatachus ruwanaykita nisqaykimanta mana pipis cuentata mañasonqachu.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Jeremías 6:10

Chantá noqa Jeremías kuticherqani: Pimantaj uyarinawankupaj willamusajri? Paykuna joq'araman tukunku, manataj uyariyta munankuchu. Tata Diospa nisqanta mana munakunkuchu, nitaj chaywan misk'ichikunkuchu.

Ezequiel 14:23

Paykunaj kawsayninkuta, ruwasqankutawan rikuspa, sonqoykichejta tiyaykuchinkichej. Chaypacha Jerusalenpi imajtinchus tukuy imata ruwasqayta yachankichej. Noqa, Tukuyta Kamachej Tata Dios chayta nini.

Ezequiel 20:43

Chaypitaj yuyarikunkichej tukuy mana allinta kawsasqaykichejmanta, chantá millayta ruwaspa ch'ichichakusqaykichejmantawan. Chantá qankuna kikiykichej tukuy juchallisqaykichejmanta millachikunkichej.

Ezequiel 44:7

Qankuna Temployta ch'ichichankichej, sonqonkupi, aychankupipis mana circuncidasqa waj llajtayoj runakunata wasiyman pusaykuspa. Paykunata saqenkichej mikhunayta jina, wirata yawartawan jaywanawankuta. Tukuy chay millayta ruwaspa, tratoyta p'akinkichej.

Ezequiel 44:9

Chayrayku noqa Tukuyta Kamachej Tata Dios kay jinata nini: Israel ayllu ukhupi tiyakunku, chay waj llajtayoj runakunamanta mayqenchus sonqonpi, aychanpipis mana circuncidasqa kajqa manapuni Temployman yaykonqachu.

Ezequiel 6:9

Waj suyuman apasqamanta ayqekojkunataj noqamanta yuyarikuwanqanku. Reparanqanku imaynatachus llakichiwasqankuta wasanchaj sonqonkuwan noqamanta karunchakuspa. Yachallanqankutaj imaynatachus llakikusqayta khuchichakoj ñawinkuwan lantinkukunata munapayasqankumanta. Paykuna kikinku tukuy millay ruwasqankumanta, chantá tukuy imaymana khuchiriyota ruwasqankumanta millachikonqanku.

Levítico 26:24

noqapis qankunaj contraykichejpi sayaykusaj. Juchaykichejman jinataj qanchis kutitawanraj jasut'isqaykichej.

Levítico 26:28

noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

Números 5:7

Payqa juchanta rimarinan tiyan, chantá runa masinta mana allinta ruwasqanmanta tukuyninta kutichipunan tiyan. Chaymantaj phishqaman rak'ispa, ujnintawan yapaykuspa pagapunan tiyan.

San Mateo 23:12

Jatunchakojrí k'umuykuchisqa kanqa, k'umuykukojtaj jatunchasqa kanqa.

San Lucas 14:11

Chayqa ajina, imaraykuchus jatunchakojqa k'umuykuchisqa kanqa, k'umuykojtajrí jatunchasqa kanqa, nispa.

San Lucas 18:14

Noqataj niykichej: Chay impuesto cobraj runaqa juchan pampachasqa wasinman kutipusqa. Fariseoj juchanrí mana pampachasqachu karqa, imaraykuchus Diosqa jatunchakojkunata k'umuykuchenqa, k'umuykojtatajrí jatunchanqa, nispa.

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

Deuteronomio 10:16

Chayrayku sonqoykichejmanta tukuy mana allin kajta wijch'uychej. Amataj mana uyarikuyta munaj k'ullu kaychejchu.

Deuteronomio 30:6

Tata Diosniykichejqa qankunaj sonqoykichejta, chantá wawaykichejkunaj sonqonkutapis kasukuyta munana sonqota ruwasonqachej, payta tukuy sonqoykichejwan, tukuy almaykichejwan ima munakunaykichejpaj. Ajinata ruwasqaykichejrayku unayta kawsankichej.

Deuteronomio 31:21

Chay chhika nanaykuna, llakiykuna ima patankuman jamojtintaj, kay takiymanta yuyarikonqanku, imaraykuchus mirayninku yuyarikuspa takenqanku. Paykuna qonayta nerqani, chay jallp'aman manaraj yaykunkurajchu chaypis, noqa paykuna sonqonku ukhupi imatachus yuyashasqankuta yachaniña, nispa.

Filipenses 3:3

Noqanchejmin cheqapuni circuncidasqa kanchej, mana paykunachu, imaraykuchus Santo Espíritoj yanapasqan kaspa, Diostapuni yupaychanchej. Jinallataj Cristojta kasqanchejmanta kusikunchej, manataj runa imatachus ruwasqanpi atinikunchejchu.

Colosenses 2:11

Jinallataj payman ujchasqa kaspa, circuncidasqa karqankichej. Chayqa mana runaj circuncidasqanchu, manachayqa Cristomin circuncidasorqachej, qankunamanta juchallinaman aysaj sonqota orqhospa.