Levítico 26:40 - DIOSPA QHELQACHISQ

⁴⁰ Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis.

Qheshwa Biblia DC

⁴⁰ Qankunaqa niychejpis juchayoj kasqaykichejta, tatasniykichej juchayoj kasqankutapis, noqata qhesachawasqankuta contrayta juchachakusqankutapis.

DIOSPA QHELQACHISQAN DEUTEROCANONICAL

⁴⁰ Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis.

Levítico 26:40 ပူးပေါင်းရင်းမြစ်များ

1 Reyes 8:47

Paykunataj maypichus preso kashaspa, yuyayninkuman churakunkuman, chantá qanman kutirikamuspa, chaypitaj mañakuspa nisunkuman: Noqayku juchalliyku, mana allin kajta ruwaspa. Juchayojpuni kayku, nispa.

1 Reyes 8:48

Paykuna tukuy sonqonkuwan, tukuy almankuwan qanman kutirikamusunkuman, maymanchus awqanku presota aparqa, chaypi. Sichus qanmanta mañakamusunkuman, ñawpa tatankunaman qorqanki, kay jallp'aman qhawarisqa, ajllakorqanki kay llajtaman, sutiykipi noqa ruwaporqayki kay Templo cheqanejman qhawarisqa chayqa,

Esdras 10:11

Chayrayku kunan ñawpa tataykichejpa Tata Diosninkoj ñawpaqenpi qankunaqa juchaykichejta willakuychej, Tata Diospa munaynintataj junt'aychej. T'aqakuychej Diosta mana kasoj runakunamanta, jinataj waj llajtayoj warmikunamantapis, nispa.

Esdras 9:15

Israelpa Tata Diosnin, qan cheqan kanki noqaykuwan. Qan noqaykumanta puchoj t'aqa kawsanaykuta munarqanki, imaynachus kunan p'unchay rikushayku jina. Noqaykoqa cheqamanta ñawpaqeykipi juchayoj kayku. Ajinallapuneqa mana ñawpaqeykipi kayta atiykumanchu.

Esdras 9:6

Diosníy, Diosníy. May p'enqasqa kashani, uma muyusqa jinataj. Mana yachanichu imaynatachus qanman qayllaykamusuyta. Pantasqaykoqa may jatunpuni, juchaykutaj janaj pachakama chayan.

Salmos 32:5

Chantá mana imatapis pakaspa, juchayta, millay ruwasqayta ima willakorqayki. Nerqani: Juchayta rimarisaj, nispa. Qantaj, Tata Dios, juchayta pampacharqanki.

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

Jeremías 14:20

Tata Dios, millay ruwasqaykuta rejsikapuyku, jinallataj ñawpa tataykukunaj juchallikusqankutapis. Cheqatapuni tukuyniyku contraykipi juchallikorqayku.

Lamentaciones 1:20

Tata Dios, llakikuyniyta qhawariy. Sonqoypis phataj jinaña nanaykushawan. Mana kasukoj kasqayrayku nanaypis sonqoyta ñit'iykuwan. Jawapeqa espadawan wawaykunata wañuchinku, llajta ukhupipis wañullay kashan.

Ezequiel 14:23

Paykunaj kawsayninkuta, ruwasqankutawan rikuspa, sonqoykichejta tiyaykuchinkichej. Chaypacha Jerusalenpi imajtinchus tukuy imata ruwasqayta yachankichej. Noqa, Tukuyta Kamachej Tata Dios chayta nini.

Ezequiel 36:31

Chaypacha, mana allinta purisqaykichejmanta, millay ruwasqaykichejmantawan yuyarikunkichej. Qankuna kikiykichej juchaykichejmanta, mana allinta ruwasqaykichejmantawan p'enqakunkichej.

Oseas 5:15

Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

Levítico 26:21

Sichus contrallaypipuni oqharikuspa, manapuni kasuwankichejchu chayqa, juchaykichejman jina qanchis kutitawan jasut'isqaykichej.

Levítico 26:24

noqapis qankunaj contraykichejpi sayaykusaj. Juchaykichejman jinataj qanchis kutitawanraj jasut'isqaykichej.

Levítico 5:5

Sichus pillapis chaykunata ruwaspa juchallinman chayqa, juchallisqanta rimarinan tiyan.

Números 5:7

Payqa juchanta rimarinan tiyan, chantá runa masinta mana allinta ruwasqanmanta tukuyninta kutichipunan tiyan. Chaymantaj phishqaman rak'ispa, ujnintawan yapaykuspa pagapunan tiyan.

Josué 22:15

Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku:

Josué 7:19

Chantá Josueqa Achanta nerqa: Wawáy, Israelpa Tata Diosninta jatunchaspa, imatachus ruwasqaykita ama pakaspa sut'inta willaway, nispa.