Levítico 26:39 - DIOSPA QHELQACHISQ

³⁹ Chantá pikunachus awqaykichejpa jallp'ankupi kawsashajkunarajqa juchaykichejrayku wañunkichej. Tata mamaykichej millayta ruwaspa purisqankurayku, paykunawan khuska wañunkichej.

Qheshwa Biblia DC

³⁹ Chanta pikunachus kausasqankichejraj enemigosniykichejpa jallp'asnimpi chaykunaqa, juchasniykichejrayku umphuyankichej. Tatasniykichejwan khuska wañunkichej paykuna juchachasusqankurayku.

DIOSPA QHELQACHISQAN DEUTEROCANONICAL

³⁹ Chantá pikunachus awqaykichejpa jallp'ankupi kawsashajkunarajqa juchaykichejrayku wañunkichej. Tata mamaykichej millayta ruwaspa purisqankurayku, paykunawan khuska wañunkichej.

Levítico 26:39 ပူးပေါင်းရင်းမြစ်များ

2 Crónicas 34:24

Noqa Tata Dios nini: Kaypi tiyakojkunaman uj jatun llakiyta apachimusaj, imaynatachus Judá suyuta kuraj kamachejpa ñawpaqenpi ñawirinkichejña, chay qhelqapi nisqanman jina.

Esdras 9:7

Unaymantapacha kunankamaqa, may millayta juchallispa kawsayku. Chantá sajra kawsayniykurayku noqayku, jinallataj kuraj kamachejniykupis, sacerdoteykukunapis jaywasqa karqayku waj suyumanta kuraj kamachejkunaj makinkuman. Paykunataj wakinta wañuchiwarqayku, presochawarqayku, kapuyniykuta suwawarqayku, p'enqaypi rikhurichiwarqayku ima. Chantá kunankama ajinallapuni kawsashayku.

Nehemías 1:9

Chaywanpis sichus noqaman kutirikamuspa, kamachisqayta junt'awajchej, nisqaytataj ruwawajchej chayqa, tukuynejman ch'eqerasqa kawajchej chaypis, chaymantapacha tantakapusqaykichej. Chantá pusakampusqaykichej, maypichus sutiy yupaychasqa kananpaj ajllakorqani, chay cheqaman, nispa.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Éxodo 34:7

Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

Isaías 14:21

Wakichikuychej chay runaj churinkunata wañuchinaykichejpaj, ñawpa tatankukuna may millayta ruwasqankurayku. Amaña chay churikuna oqharikuspa, watejmanta suyukunata jap'ikuchunkuchu, nillataj kay pachata llajtankukunawan junt'achichunkuchu.

Isaías 24:16

Kay pachaj k'uchunmantapacha takejkunata uyariyku: Cheqan Kaj jatunchasqa kachun, nispa nejta. Noqatajrí nerqani: May llakisqa kashani, sonqoypis llakiywan phatashanña, imaraykuchus tukuy kay pacha wasanchaj runakunawan junt'a kashan.

Jeremías 29:12

Chaypacha qankuna noqamanta mañakuwankichej, noqataj uyarisqaykichej.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 31:29

Chay p'unchaypi manaña ninakonqankuchu: Tatakunaqa mikhusqanku k'allku uvata, wawankukunarí kirunkuta khipichikusqanku, nispa.

Lamentaciones 1:3

Judá suyupi tiyakojkuna karu suyukunaman apasqa kanku. Chaypi may ñak'arichisqa kanku, sinch'i ruwanawan. Waj suyukunaj chawpinpi tiyakuspa, mana samariyta tarinchu. Awqakunawan muyurisqa kaspataj mana ayqeyta atinchu.

Lamentaciones 4:9

Espadawan ujllapi wañuchisqa kajkunaqa aswan allin wañuyta rikunku, yarqhaywan ch'ayñaspa wañojkunamanta nisqaqa, imaraykuchus mikhuna mana kasqanrayku, paykunaqa pisimanta pisi wañushanku.

Ezequiel 18:19

Qankuna tapukunkichejchari: Imaraykutaj churenqa tatanpa millayta ruwasqanmanta mana juchachasqachuri? nispa. Chureqa tatanpa millayta ruwasqanmanta mana juchachasqachu kanqa, imaraykuchus churenqa maychus kajta, cheqanta ruwarqa. Tukuy nisqayta kasuspataj junt'arqa. Chayrayku pay kawsanqapuni.

Ezequiel 20:43

Chaypitaj yuyarikunkichej tukuy mana allinta kawsasqaykichejmanta, chantá millayta ruwaspa ch'ichichakusqaykichejmantawan. Chantá qankuna kikiykichej tukuy juchallisqaykichejmanta millachikunkichej.

Ezequiel 24:23

Umaykichejta mayt'ukunkichej, juk'utaykichejtapis churakunkichej. Chay p'unchayqa mana llakikunkichejchu, nitaj waqankichejchu. Manachayqa millay ruwasqaykichejkunarayku pisi kallpayojman tukunkichej, tukuytaj jik'un jik'unta waqapayanakunkichej.

Ezequiel 33:10

Runaj churin, Israel aylluman niy: Qankunaqa kay jinata nishankichej: Juchallisqanchejwan, pantasqanchejwan ima may chhika kaspa, llasaykuwanchej, chaynejtataj kawsayninchej tukukushanña. Ajina kashaspa, imaynata kawsayta atisunmanri? nispa.

Ezequiel 36:31

Chaypacha, mana allinta purisqaykichejmanta, millay ruwasqaykichejmantawan yuyarikunkichej. Qankuna kikiykichej juchaykichejmanta, mana allinta ruwasqaykichejmantawan p'enqakunkichej.

Ezequiel 4:17

Yaku chantá mikhuna tukukojtin, may llakisqa qhawanakonqanku. Paykunaqa juchankurayku kawsashajlla tukukonqanku, nispa nerqa Tata Dios.

Ezequiel 6:9

Waj suyuman apasqamanta ayqekojkunataj noqamanta yuyarikuwanqanku. Reparanqanku imaynatachus llakichiwasqankuta wasanchaj sonqonkuwan noqamanta karunchakuspa. Yachallanqankutaj imaynatachus llakikusqayta khuchichakoj ñawinkuwan lantinkukunata munapayasqankumanta. Paykuna kikinku tukuy millay ruwasqankumanta, chantá tukuy imaymana khuchiriyota ruwasqankumanta millachikonqanku.

Oseas 5:15

Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

Zacarías 10:9

Noqa paykunata waj suyukunaman ch'eqeracherqani. Chaywanpis may jina karupi kashaspapis, noqamanta yuyarikuwanqanku. Chantá pikunawanchus tiyakusharqanku, chay wawankukunawan khuska kutimponqanku.

Números 14:18

Noqa Tata Diosqa mana usqhayllata phiñakojchu kani. Noqaj khuyakuyneyqa may jinamin. Noqaqa millayta ruwajta, mana kasukojtapis qhespichini chaypis, juchayojta mana qhawakullanichu. Aswanpis tatanku mamanku juchallisqankumanta, wawankuta, allchhinkuta, allchhinkoj wawankutapis jasut'ispa ñak'arichini, nispa.

Deuteronomio 28:65

Chay suyukunapi tiyakuspa, mana samarikuyta, nitaj sonqo tiyaykusqa kawsayta tarinkichu. Tata Diosqa mancharisqallata, llakiy uyapachallata, phutikuywan atisqata kawsachisonqa.

Deuteronomio 30:1

Chantá Moisés nillarqataj: Sichus ajllakunaykichejpaj kunan willasqay saminchaykuna, chayrí llakiykuna chayamusunkichejman chayqa, Tata Diosniykichej wijch'usonqachej chay suyukunapi kunan nisqaypi unanchankichej.

Deuteronomio 5:9

Ama chaykunaman qonqorikunkichu, amataj yupaychankichu, imaraykuchus noqamin Tata Diosniyki kani, celoso Dios. Noqata chejnikuwaj tata mama juchallisqankurayku, wawankuta, allchhinkuta, chantá allchhinkoj wawanta ima jasut'ispa, ñak'arichini.

Deuteronomio 8:20

Sichus Tata Diosniykichejpa nisqanta mana jap'ikunkichejchu chayqa, imaynatachus Tata Dios ñawpaqeykichejmanta chay suyukunapi tiyakojkunata chinkachenqa, ajinallatataj qankunatapis chinkachisonqachej.