Levítico 26:37 - DIOSPA QHELQACHISQ

³⁷ Maqanakumantapis ayqeshawajchej jina qankunapuralla takanakuspa, urmankichej, mana ni pipis qankunata qhatiykachashajtillan. Ni mayqenniykichej awqaykichejman sayaykuyta atinkichejchu.

Qheshwa Biblia DC

³⁷ Qankunapuralla takanakuspa urmarankichej, wañuchinakuy ch'ajwamantapis ayqeshawajchej jina, mana ni pipis qankunata qhatishajtillan. Ni mayqenniykichej enemigoykichejman kutichikuyta atinkichejchu.

DIOSPA QHELQACHISQAN DEUTEROCANONICAL

³⁷ Maqanakumantapis ayqeshawajchej jina qankunapuralla takanakuspa, urmankichej, mana ni pipis qankunata qhatiykachashajtillan. Ni mayqenniykichej awqaykichejman sayaykuyta atinkichejchu.

Levítico 26:37 ပူးပေါင်းရင်းမြစ်များ

Isaías 10:4

Manachus presochasqakunawan k'umuykuchisqa kankichej chayqa, maqanakupi wañuchisqapuni kankichej. Chay tukuywanpis Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Jeremías 37:10

Sichus qankuna Caldeamanta soldadokunata maqanakupi atipaspa, jarankupi iskay chayrí kinsa k'irisqa soldadokunata kawsajta saqewajchej chayqa, chay soldadokunalla llajtaykichejta ninawan ruphaykuchinkuman, nispa.

Jeremías 46:16

Soldadoykikuna misk'aspa, ujkuna ujkunaj patanman urmanku, ninakunkutaj: Kaymanta jaku ripunachej, kutipunachej wasinchejman, paqarikusqanchej, chay llajtaman. Sinch'i maqanakumanta ayqenachej, nispa.

Jeremías 6:21

Chayrayku Tata Dios nin: Noqa kay aylluyta misk'achinaypaj tojllata churasaj. Tukuy tatakuna, wawakuna, qayllankupi kajkuna ima, jinallataj kawsaqenkupis, tukuyninku wañonqanku, nispa.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Nahúm 3:3

Caballokunapi soldadokuna phawarishanku. Espadakuna k'ancharishanku, lanzankunataj lliphipirishan. Mana yupay atina parti wañusqakuna tiyan, ayakunapis qollu qollulla kashanku. Wañusqakunapis mana yupay atina kanku, purejkunataj ayapi misk'anku.

Números 14:42

Ama riychejchu, imajtinchus Tata Dios manamin qankunawanchu kashan, awqaykichejtaj atipasonqachej.

Jueces 2:14

Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Jueces 7:22

Chaykama 300 israelitakunaqa pututunkutaqa waqachishallarqankupuni, Tata Diostaj madianitakunataqa paykunapurata maqanaykucherqa. Jinallapi paykuna Bet Sitaman ayqekorqanku, Sererá ñanninta rispa, Tabat qayllapi Abel Meholá tinkuykama chayarqanku.

1 Samuel 4:2

Filisteokunaqa israelitakunawan maqanakunankupaj wakichikuspa, israelitakunata atipaykorqanku, chaypitaj 4.000 soldadokunata wañucherqanku.