Levítico 26:32 - DIOSPA QHELQACHISQ

³² Llajtaykichejta ch'inman tukuchisaj, chayman awqaykichejkuna tiyakoj jamojkunataj t'ukushaj qhepakonqanku.

Qheshwa Biblia DC

³² Llajtaykichejta t'unasaj, chaymantaj tiyakoj jamonqanku enemigosniykichej. Paykunataj t'ukushaj qhepakonqanku.

DIOSPA QHELQACHISQAN DEUTEROCANONICAL

³² Llajtaykichejta ch'inman tukuchisaj, chayman awqaykichejkuna tiyakoj jamojkunataj t'ukushaj qhepakonqanku.

Levítico 26:32 ပူးပေါင်းရင်းမြစ်များ

1 Reyes 9:8

Kay Templota raqayllamanña tukusqata rikuspa, chayninta tukuy rejkuna t'ukuspa, asikonqanku: Imajtintaj Tata Diosqa kay Templota, Israel suyutapis kay jinata ruwanri? nispa.

Isaías 24:1

Tata Dios kay pachata ch'usajllata, q'arallatataj saqenqa. Jallp'a patata t'ustirparenqa, chaypi tiyakojkunatataj ch'eqerachenqa.

Isaías 5:6

Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Isaías 5:9

Tukuy Atiyniyoj Tata Dios tiluspa nin: Ashkha wasi thuñisqa kanqanku, jatuchaj k'achitu wasikuna kajtinpis, manaña pipis chaypi tiyakonqachu.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Isaías 64:10

Ajllakusqayki llajtakunaqa chay jina ch'inpachaman tukunku. Sión llajtaqa ch'inpacha, Jerusalenpis laqayalla.

Jeremías 12:11

Ch'inllata, q'ara pampatataj saqerparinku. Chantá noqa chay suyuta llakiymanta waqashajta rikuni. Tukuynin suyu phirisqa kashan, chaymantaqa mana pipis llakikunchu.

Jeremías 18:16

Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Jeremías 19:8

Kay llajtata ch'in raqayman tukuchisaj, tukuy t'ukunankupaj jina. Chantá tukuy chayninta purejkuna t'ukushaj qhepakonqanku, chay jina phirisqa kasqanta rikuspa.

Jeremías 25:11

Tukuy kay suyoqa ch'inyachisqa kanqa, raqayman tukuchisqataj. Kay suyumanta runakunataj qanchis chunka wata junt'ata Babiloniata kuraj kamachej makinpi kankichej.

Jeremías 25:18

Chay vasota Jerusalén llajtaman jaywarqani, jinallataj Judá suyupi llajtakunaman, kuraj kamachejkunaman, jinataj kurajninkukunamanpis jaywallarqanitaj. Chay jinamanta Tata Dios paykunata kantumanta tukucherqa, wiñaypajtaj raqaykunallataña saqerqa mancharikunapaj, asikunapaj jina, imaynachus kunan kashanku, ajina.

Jeremías 25:38

Imaynatachus uj león jusk'unmanta llojsin, ajinata llojserqa. Llajtankoqa raqayllamanña tukuchisqa kanqa, imaraykuchus Tata Dios sinch'ita phiñakuspa, sinch'i maqanakuta paykunaman kachaykonqa, nispa.

Jeremías 33:10

Tata Dios nillantaj: Qankuna ninkichej: Kay cheqaqa ch'in mana runayoj nitaj uywayoj kashan, nispa. Chaywanpis Jerusalenpa callenkunapi, jinataj Judáj llajtankunapipis, mayqenchus kunan ch'usajpacha kashanku, mana runayoj, nitaj uywayoj, chaypi kusiy takiykuna watej uyarikullanqataj

Jeremías 44:2

Israelpa Tukuy Atiyniyoj Tata Diosnin kay jinata nin: Qankuna rikorqankichej noqa tukuy ñak'ariykunata Jerusalén llajtaj contranta kachaykamusqayta, jinataj Judá suyupi kaj llajtakunamanpis. Kunan chay llajtakuna raqayllaña kashanku, manataj pipis chaykunapi tiyakunñachu.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Lamentaciones 4:12

Kay pachapi kuraj kamachejkuna, tukuy kay pachapi tiyakojkuna ima manapuni jayk'ajpis yuyarqankuchu, awqankuna Jerusalén llajtaj punkunta yaykuykunankutaqa.

Lamentaciones 5:18

Sión orqoqa ch'inpacha raqaylla kashan, atojkunallaña kayman jaqayman purishanku.

Ezequiel 5:15

Maypachachus noqa qanta jasut'ispa k'araj phiñakuyniywan sinch'ita ñak'arichisqayki chaypacha, tukuy runakuna alqochakusonqanku, mana allinpajtaj qhawasonqanku. Muyuyniykipi kaj suyukunapis qanta rikuspa, mancharikonqanku, wananqankutaj. Noqa Tata Diosmin chaytaqa nini.

Daniel (hebreo) 9:18

Diosniyku, uyarillawayku ari. Qhawariy imaynatachus sutiyki yupaychasqa kananpaj ajllasqayki llajta ch'in laqayaman tukuchisqa kasqanta. Mana noqayku cheqanta ruwasqaykupi atinikusqaykuraykuchu qanmanta mañakushayku, manachayqa qanpa jatun khuyakuyniykipi atinikuyku.

Daniel (hebreo) 9:2

Darío uj watata kamachishajtin, noqaqa Diosmanta sut'inchaj Jeremiaspa qhelqanta allinta yachayta munaspa ñawirisharqani. Chay qhelqapi nisqa Jerusalenqa qanchis chunka wata junt'ata thuñisqa kananta, sut'inchaj Jeremiasman Tata Dios nisqanman jina.

Habacuc 3:17

Chaypachamari kusiywan junt'a kasaj kacharichiwajniy Tata Diosrayku. Amapis higo sach'akuna t'ikachunkuchu, nitaj uva sach'apis poqochunchu nitaj olivokunapis, nillataj chajrapis poqochunkuchu. Tropamanta ovejakunapis tukukapuchunku, amañapis wakakuna kachunkuchu. Chay tukuywanpis Tata Diosta yupaychallasajpuni, qhespichiwajniy Diosraykutaj kusikusaj.

San Lucas 21:20

Jerusalén llajtata soldadokunawan muyurisqata rikuspaqa, qankuna yachaychej manaraj imapi thuñisqapuni kananta.

Deuteronomio 28:37

Chantá maymanchá Tata Dios apachisonqa, chay suyupi tiyakojkuna t'ukuspa, qhawasonqanku. Qanmanta alqorakusonqanku, chantá qanta imachus qhatirisusqanqa asikunankupaj kanqa.