Levítico 26:30 - DIOSPA QHELQACHISQ

³⁰ Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej.

Qheshwa Biblia DC

³⁰ Noqataj t'unarasaj lomas patapi lantista yupaychana wasisniykichejta, incienso altaresniykichejtapis. Qankunaj ayasniykichejta chay mana kausayniyoj lantisniykichej pataman churamusaj. Ajinamanta chejniyniyta rikuchisqaykichej.

DIOSPA QHELQACHISQAN DEUTEROCANONICAL

³⁰ Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej.

Levítico 26:30 ပူးပေါင်းရင်းမြစ်များ

Génesis 19:13

Noqayku kay llajtata chinkarparichisqayku, imaraykuchus kay llajtayojkunaj contranta runaj may chhika parlasqanta Tata Dios uyarin. Chayrayku pay kay llajtata chinkarparichinaykupaj kachamuwayku, nispa.

1 Reyes 13:2

Paytaj Tata Diospa kamachisqanrayku altarpa contranpi qhaparerqa: Altar, altar, Tata Dios ajinata nin: Davidpa mirayninmanta uj wawa Josías sutiyoj paqarikonqa. Orqo patapi kaj yupaychana wasikunapi sacerdotekuna kayman jamuspa, pataykipi inciensota q'oshñichinku. Chay Josiasrí qanpa pataykipi paykunata ñak'aspa, tullunkukunata chaypi ruphachillanqataj, nispa.

1 Reyes 13:32

Paynejta Tata Diospa Betel llajtapi altarpa contranta nisqanqa junt'akunpuni. Jinallataj Samaria llajtapi loma patapi yupaychana wasikunaj contranpiwan nisqanqa junt'akullanqataj, nispa.

2 Reyes 23:16

Josías Betelmanta kutimushaspa, orqo patapi covachakunata rikorqa. Chantá chayman runata kachaspa, runa tulluta orqhochimorqa. Altarkuna millachikunapaj qhawasqa kananpaj chay patapi runa tulluta ruphaykucherqa. Ajinata Diospa sut'inchajninpa parlasqan junt'akorqa.

2 Reyes 23:20

Chantá Josías orqo patapi altarkunamanta sacerdotekunata chay altarllapitaj wañuchicherqa. Chay altarkuna patallapitaj runa tullutapis ruphaykucherqa. Chaymantataj Jerusalenman kutiporqa.

2 Reyes 23:8

Chantá kuraj kamachej Josiasqa Judá suyumanta tukuynin sacerdotekunata wajyacherqa. Jinallataj Gebamantapacha Bersebakama orqo patapi tukuy altarkunata thuñiykorqa, maypichus sacerdotekuna inciensota q'oshñichej kanku, chaykunata. Urmachillarqataj llajtata kamachej Josuéj wasin punkupi kaj altarkunata. Chay kamachina waseqa llajtaman yaykunamanta lloq'ennejpi karqa.

2 Crónicas 23:17

Chaymantataj tukuyninku Baalpa yupaychanan wasiman rispa, chayta thuñiykamorqanku. Altarninkuta, lantinkunatapis phirerqanku. Baalpa sacerdoten Matantapis altarkunaj ñawpaqenpi wañuchillarqankutaj.

2 Crónicas 31:1

Raymi ruwayta tukuytawan, tukuy israelitakuna Judá suyupi tukuy llajtaman rispa, rumimanta lantikunata, Asera lanti k'ullukunatapis phirerqanku. Jinallataj Judá suyupi, Benjamín suyupi, Efraín jap'iypi, Manasés jap'iypi ima loma patapi lanti yupaychana wasikunata, altarkunatawan thuñirarqanku. Chaymantataj tukuy israelitakuna sapa ujpis llajtankupi wasinkuman kutiporqanku.

Salmos 106:40

Chayrayku Tata Dios ayllunpa contranta mayta phiñakorqa, paypata kajkunamantataj millachikorqa.

Salmos 89:38

38 (39) Chaywanpis kunan qan ajllakusqayki kamachejta qhesachanki. Payta pisipaj qhawanki, paywantaj phiñakorqanki.

Isaías 27:9

Ajinamanta Jacobpa millay ruwasqan pampachasqa kanqa. Chay runakunaj juchanku pampachasqa kasqanmantataj paykuna kayta ruwanqanku: Lantikunaj altarninkoj tukuy ruminta, cal rumita jina ñut'usqata ruwanqanku. Lanti Asera k'ullukunatapis manaña sayajta saqenqankuchu, nitaj lantiman inciensota q'oshñichina altarkunatapis.

Jeremías 14:19

Chantá Jeremías nerqa: Tata Dios, Judataqa qhesachasqatapunichu qhesachanki? Sión llajtawanqa amichikunkipunichu? Imaraykutaj qhaliyayta mana atinaykupaj jina maqawarqaykuri? Allinpi tiyakuyta suyarqayku, manataj ima allintapis rikorqaykuchu. Qhaliyachisqa kayta suyarqayku, sinch'i mancharikuyllataj kashan.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Ezequiel 16:39

Paykunaj makinkuman jaywaykusqayki, paykunataj khuchichakunayki cheqakunata, chantá lanti yupaychanayki cheqakunatawan thuñiykonqanku. Chantá p'achaykikunata lluch'usonqanku, walqaykikunata qhechuspataj, q'alallata saqerpayasonqanku.

Ezequiel 43:7

Runaj churin, kaymin kamachinay tiyana, kaypitaj kamachisaj. Noqa Israelpa mirayninwan khuska wiñaypaj tiyakusaj. Chantá paykuna, kuraj kamachejninku ima mana ujtawan jayk'ajpis llimphu sutiyta khuchichakusqankuwan ch'ichichanqankuchu, nitaj kuraj kamachejninkoj ayankuta yupaychanqankuchu.

Ezequiel 6:13

Paykuna wañusqakunata rikonqanku altarkunaj muyuyninpi, lantikunaj chawpinpi, chantá orqo patapi, lomaj kinrayninkunapi ima. Wañusqakunata rikullanqankutaj thansarara sach'akuna urapi, chantá maypichus tukuy lantikunaman inciensota q'oshñicherqanku, chay cheqakunapipis. Maypachachus wañusqakunata rikonqanku, chaypacharaj noqa Tata Dios kasqayta yachanqanku.

Oseas 10:2

Israelqa iskay sonqolla kashan, kunantaj juchanmanta jasut'isqa kanqa. Altarninkunatapis Tata Dios thuñenqa, yupaychana rumi sayantankunatapis phirenqa.

Levítico 20:23

Pikunatachus qankunaj ñawpaqeykichejmanta qharqosaj, chay runakunaj usunkuta ama ruwankichejchu. Paykuna chay jina millayta ruwasqankurayku, mana noqa paykunata rikuyta aterqanichu.

Levítico 26:11

Noqaqa qankunaj chawpiykichejpi tiyakusaj, manataj qhesachasqaykichejchu.

Levítico 26:15

Jinallataj kamachisqayta pisipaj qhawaspa, nisqaytapis pisipaj qhawankichej. Chantá tratoytapis p'akispa, tukuy kamachisqayta mana junt'awajchejchu chayqa,

Amós 6:8

Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.

Amós 7:9

Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Deuteronomio 32:19

Chayta rikuspa, Tata Diosqa mayta phiñarikorqa. Chantá qhari wawankunata, warmi wawankunata ima qhesacharqa.