Levítico 26:19 - DIOSPA QHELQACHISQ

¹⁹ Runaykachayniykichejta p'akinaypaj, mana parachimusajchu. Mana parasqanraykutaj jallp'apis mana poqonqachu.

Qheshwa Biblia DC

¹⁹ Wapu wapu runaykachayniykichejta phirita ruwasaj, manataj parachimusajchu, jinamanta jallp'asniykichejpis mana poqonqankuchu.

DIOSPA QHELQACHISQAN DEUTEROCANONICAL

¹⁹ Runaykachayniykichejta p'akinaypaj, mana parachimusajchu. Mana parasqanraykutaj jallp'apis mana poqonqachu.

Levítico 26:19 ပူးပေါင်းရင်းမြစ်များ

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 8:35

Qanpa contraykipi juchallikusqankurayku, ichapis mana paramunmanchu. Sichus Templo qhawarisqa mañakusunkuman qan llakichisqaykirayku, juchankumanta kutirikuspataj, chantá sutiykita yupaychaspa mañakusunkuman chayqa,

Isaías 2:12

Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Isaías 25:11

Moabqa puraj makinta jaywarenqa, imaynatachus yakupi wayt'aj runa makinta jaywarakun, ajinata. Diostajrí jatunchakuyninta k'umuykuchenqa, jinallataj makinpa kallpantapis tukuchenqa.

Isaías 26:5

Payqa mayta runaykachajkunata urmachin. Mayta jatunchakoj llajtata k'umuykuchin pampaman tukunankama.

Isaías 28:1

Ay, Samaria llajtamanta, qanqa Efraín suyupi machajkunaj uma oqharinan llajta kanki, qawisqa t'ika pilluwan jina k'achanchasqa. Sumaj vallepi kaspapis, vinoj atipasqan llajta kanki.

Jeremías 13:9

Tata Dios ajinata nin: Ajinallatataj Judajta, Jerusalenpatawan runaykachayninkuta ismuchisaj.

Jeremías 3:3

Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Ezequiel 24:21

Israel aylluyman niy: Tukuyta Kamachej Tata Dios nisunkichej: Noqa Temployta ch'ichipaj qhawasqata ruwasaj, mayqentachus chay jinatapuni munakuspa runaykachankichej, chayta. Jinallataj Jerusalenpi saqesqaykichej churiykichejkuna, ususiykichejkuna ima espadawan wañuchisqa kanqanku, nispa.

Ezequiel 30:6

Tata Dios kay jinata nillantaj: Egiptota maqanakupi yanapajkunapis wañuchisqallataj kanqanku. Atiyniyoj kasqanmanta jatunchakusqanpis urmallanqataj. Migdol nisqa jap'iymanta Sevene nisqa jap'iykama maqanakupi wañuchisqa kanqanku. Noqa Tukuyta Kamachej Tata Dios ajinata nini.

Ezequiel 33:28

Kay suyutataj ch'in pampaman, raqayman ima tukuchisaj. Imapichus atinikushanku, chaytapis chinkarparichisaj. Israelpa orqonkunapis ch'inpacha qhepakonqanku, manataj ima runapis chayninta purej kanqachu.

Ezequiel 7:24

Chantá noqa waj suyukunamanta mana khuyakuyniyoj runakunata pusamusaj, paykuna israelitakunaj wasinkukunata jap'ikapunankupaj. Atiyniyoj israelitakunaj jatunchakuyninkuta chinkachisaj, yupaychananku cheqakunatapis p'enqayman tukuchisaj.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Sofonías 3:11

Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

San Lucas 4:25

Nillaykichejtaj: Eliaspa tiemponpi ashkha pisichikoj warmisapakuna Israelpi karqanku. Chaypacha kinsa wata sojta killayojta mana pararqachu, chayraykutaj tukuynejpi yarqhay anchapuni karqa.

Deuteronomio 11:17

Ajina kanqa chayqa, Tata Dios qankunaj contraykichejpi sinch'ita phiñakuspa, mana parachimonqachu. Jallp'apeqa mana imapis poqonqachu, qankunataj Tata Dios qosusqaykichej sumaj jallp'api askamalla wañunkichej.

Deuteronomio 28:23

Parapis mana kanqachu. Jallp'apis para mana kasqanrayku sinch'i thaluman tukonqa.

1 Samuel 4:11

Filisteokunataj Diospa arcantapis jap'ispa, apakaporqanku. Jinataj Elíj iskaynin churinkunatapis Jofnita, Finesta ima wañuchillarqankutaj.

1 Samuel 4:3

Chantá israelita soldadokuna jarankuman kutipojtinku, kurajkuna tapunakorqanku: Imaraykutaj Tata Dios filisteokunawan atipaykuchiwanchejri? Silomanta Tata Diospa arcanta apamunachej, noqanchejwan kaspa awqanchejkunamanta jark'akunawanchejpaj, nispa.