Levítico 26:14 - DIOSPA QHELQACHISQ

¹⁴ Ichapis qankuna mana kasuwankichejchu, nitaj kamachisqaytapis ruwankichejchu.

Qheshwa Biblia DC

^14-16 Sichus qankuna mana kasuwankichejchu, nitaj kamachisqasniytapis allinta junt'ankichejchu, manachayqa qhesachankichej, mana allimpajtaj qhawankichej, kamachisqasniyta, nisqasniytapis, ajinamanta mana junt'aspa tukuy kamachisqasniyta, tratoytapis p'akinkichej chayqa, noqapis qankunawan kaj jinata ruwasaj, sinch'i manchayta apachimusqaykichej, wañuchej onqoyta, q'oñi onqoyta, ñawi onqoyta, tulluyay onqoytawan. Qhasilla tarpunkichej, enemigosniykichejtaj mikhuykaponqanku.

DIOSPA QHELQACHISQAN DEUTEROCANONICAL

¹⁴ Ichapis qankuna mana kasuwankichejchu, nitaj kamachisqaytapis ruwankichejchu.

Levítico 26:14 ပူးပေါင်းရင်းမြစ်များ

2 Reyes 22:13

Rispa, noqarayku, runakunarayku, chantá tukuynin Judá suyurayku ima kay tarisqa qhelqapi imatachus nisqanmanta Tata Diosta tapuriychej, imaraykuchus Tata Diosqa contranchejpi sinch'i phiñasqa kashan. Ñawpa tatanchejkunaqa manamin kay qhelqapi imatachus nisqanta kasorqankuchu, noqanchejpis manallataj chayman jina ruwashanchejchu, nispa.

2 Crónicas 34:24

Noqa Tata Dios nini: Kaypi tiyakojkunaman uj jatun llakiyta apachimusaj, imaynatachus Judá suyuta kuraj kamachejpa ñawpaqenpi ñawirinkichejña, chay qhelqapi nisqanman jina.

2 Crónicas 7:19

Sitajchus noqamanta t'aqakuspa, kamachisqayta mana junt'ankichejchu, waj dioskunatataj kasuspa yupaychawajchej chayqa,

Salmos 81:12

12 (13) Chayrayku noqa sonqonkoj munasqanman jina ruwajta saqerqani, munasqankuman jinataj kawsarqanku.

Proverbios 3:33

Tata Diosqa millayta ruwajpa ayllunta maldicin, cheqan runaj aylluntatajrí saminchan.

Jeremías 11:8

Chaywanpis mana kasuwarqankuchu, nitaj uyariwarqankuchu, manachayqa k'ullukuspa, sonqonkoj millay yuyasqallanta ruwarqanku. Paykunaqa manapuni kamachisqayta junt'ayta munarqankuchu. Chayrayku chay tratopi imatachus nisqay ñak'ariykunata patankuman kachaykamorqani, nispa.

Jeremías 17:27

Sichus mana kasukuspa samarina p'unchayta mana noqapaj t'aqapuwankichejchu, manachayqa samarina p'unchaypi q'epiykichejta Jerusalenman apaykullankichejpuni chayqa, noqa llajtaj punkunkunaman ninata jap'iykuchisaj. Chay ninataj Jerusalenpa kamachina wasinta tukuchinankama ruphaykonqa, manataj pipis thasnuyta atenqachu, nispa.

Jeremías 26:4

Noqaj sutiypi kay jinata niy: Tata Dios nin: Qankunaqa kamachisqayta chantá nisqayta kasuspa junt'aychejpuni.

Jeremías 28:8

Manaraj qan, nitaj noqapis kashajtinchej, Diosmanta sut'inchajkuna ashkha suyoj contrankupi, jinataj atiyniyoj kuraj kamachejkunaj contrankupi ima unay willasqankuña maqanakuymanta, yarqhaymanta, onqoymantawan.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Jeremías 40:2

Chantá Nabuzaradanqa Jeremiasta sapanpi kay jinata nerqa: Diosniyki Tata Dios kay suyuman ñak'ariykunata kachaykamunanta nerqa.

Lamentaciones 1:18

Jerusalén llajta nin: Tata Diosqa cheqanpuni, noqarí paypa contranta oqharikorqani, kamachisqanta p'akispa. Kunanqa tukuy runa, qhawaychej, rikuychejtaj ñak'arisqayta. Sipasniykunata, waynuchuykunatawan ima apakapunku.

Lamentaciones 2:17

Tata Dios chayta ruwan nisqanman jina, junt'anpuni unaymantapacha kamachisqanta. Payqa Jerusalenta chinkacherqa, manataj qhespicherqachu. Awqankuna paymanta asikojtinku, qhawallarqa, awqakunaj atiynintataj astawan jatunyacherqa.

Daniel (hebreo) 9:13

Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

Oseas 7:12

Chaywanpis jaqayman rishajtinku, noqa Tata Dios ch'ipayta patankuman wijch'uykusaj, p'isqokuna jinatataj jap'irasaj. Ajinata paykunata juchankumanta jasut'isaj.

Levítico 26:18

Sichus chay tukuywanpis manapuni kasuwankichejchu chayqa, juchallisqaykichejrayku qanchis kutita jasut'isqaykichej.

Malaquías 2:2

Sichus mana kasuwankichej, nitaj sutiytapis tukuy sonqo jatunchankichej chayqa, imawanchus samincharqaykichej, chayllawantaj maldicisqaykichej. Chaykunatataj maldiciniña, imaraykuchus sonqoykichejpi mana munankichejchu noqata jatunchawayta. Ajinata noqa Tukuy Atiyniyoj Tata Dios niykichej.

Hechos 3:23

Pillapis Diosmanta chay sut'inchajpa nisqanta mana kasojrí Diospa ayllunmanta wijch'usqa kanqa, nispa.

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?

Josué 23:15

Chaywanpis imaynatachus Tata Diosniykichej sumaj nisqanta junt'arqa, ajinallatataj Tata Diosqa tukuy imaymana llakiykunawan ñak'arichisonqachej, sumaj jallp'ata qosusqaykichejmanta mana uj puchuyoj tukukunaykichejkama.

Jueces 2:15

Sapa kuti maqanakuman purirejtinku, Tata Diosqa contrankupi sayaykorqa. Chayrayku manapuni paykunata allinchu rerqa, Tata Dios ñawpajmantaña tiluspa nisqanman jina. Jinamanta Tata Diosqa israelitakunata sinch'i llakiyman churarqa.

1 Samuel 12:15

Sichus qankuna Tata Diosta mana uyarinkichejchu, kamachisqantataj mana kasunkichejchu chayqa, payqa ñawpa tataykichejkunata jina qankunata ñak'arichisonqachej.