Levítico 26:13 - DIOSPA QHELQACHISQ

¹³ Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

Qheshwa Biblia DC

¹³ Noqamin kani qankunaj Señor Diosniykichejqa. Noqa Egiptomanta orqhomorqaykichej, manaña paykunaj wata kamachisnin kanaykichejpaj. Noqa yugoykichejpa coyundasninta p'itirani. Umaykichejta patata oqharichispa puricherqaykichej.

DIOSPA QHELQACHISQAN DEUTEROCANONICAL

¹³ Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

Levítico 26:13 ပူးပေါင်းရင်းမြစ်များ

Salmos 116:16

Tata Dios, noqa kamachiyki kani, warmi kamachiykej wawan kani. Qanmin wañuymanta kacharichiwarqanki.

Éxodo 14:8

Chaypacha Tata Dios Egiptota kuraj kamachejpa sonqonta ujtawan rumiyacherqa soldadonkunawan israelitakunata qhatiykunanpaj, imaraykuchus israelitakuna Egiptomanta may jina atiywan llojsisqanku.

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Isaías 51:23

Noqatajrí chay copata ñak'arichisojkunamanñataj qosaj, pikunachus nisoj kanku: Pampaman siriykuy, pataykita purinaykupaj, nispa, chaykunaman. Qanqa paykunata kasuspa, pampaman sirerqanki, paykunataj pataykita ñanta jina purerqanku, nispa.

Isaías 9:3

3 (2) Qanqa kay Israel suyupi tiyakojkunata miraykuchinki, kusiywantaj junt'achinki. Ñawpaqeykipi tukuy kusikonqanku, imaynatachus runakuna poqoyta oqharispa kusikunku, ajinata. Maytapuni kusikonqanku, imaynatachus soldadokuna maqanakupi qhechusqankuta rak'inakuspa kusikunku, ajinallatataj.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 28:2

Israelpa Tukuy Atiyniyoj Tata Diosnin nin: Babiloniaj kuraj kamachejpa atiyninta p'akisaj.

Jeremías 28:4

Jinallataj Joacinpa churin Judata kuraj kamachej Jeconiastapis kayman kutichimponqa, pikunachus Judamanta Babiloniaman apasqa karqanku, chaykunatawan. Arí, noqaqa Babiloniaj kuraj kamachejninpa atiyninta p'akisaj. Ajinata Tata Dios nin, nispa Jananías nerqa.

Ezequiel 30:18

Egiptoj atiyninta p'akejtiy, atiyninrayku runaykachayninta chinkachejtiytaj, Tafnes nisqa llajtapaj chay p'unchaypi inti laqhayaykonqa. Egipto suyutataj phuyu p'ampaykonqa, tukuy llajtakunapi tiyakojkunataj apasqa kanqanku.

Ezequiel 34:27

Sach'akuna sumajta poqonqanku, jallp'ataj tukuy imata sumajta poqochenqa. Jinallataj ovejaykunapis kikin jallp'ankupi mana imamanta manchachikuspa kawsanqanku. Maypachachus noqa aylluyta kacharichisaj, pikunachus paykunata ñak'arichejkunaj makinkumanta chaypacha, paykuna yachanqanku noqa Tata Dios kasqayta.

Oseas 11:4

Misk'i simiwan sonqonta suwarqani, munakuywantaj waskhawan jina payta aysamorqani. Ñuñoj wawata jina uyayman astawan k'askaykuchikorqani, makiywantaj mikhucherqani.

Levítico 25:38

Noqa Tata Diosmin Diosniykichej kani, pichus Egiptomanta orqhomorqaykichej Canaán jallp'ata qosunaykichejpaj, Diosniykichejtaj kanaypaj, chay.

Levítico 25:42

Tukuy israelitakunaqa noqajta kamachiykuna kanku. Noqa paykunata Egiptomanta orqhomorqani, chayrayku paykunaqa mana wata runa jina vendesqa kanqankuchu.

Levítico 25:55

Israelitakunaqa kamachiykuna kanku, kamachiykuna kanankupaj paykunata Egiptomanta orqhomorqani. Noqa Tata Diosmin, Diosninku kani, nispa.

Nahúm 1:13

Manachayqa, pataykipi kashan, chay yugota t'unasaj, cadenaykitapis p'itirasaj, nispa.