Levítico 26:12 - DIOSPA QHELQACHISQ

¹² Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

Qheshwa Biblia DC

¹² Noqa qankunaj chaupiykichejpi purisajpuni Diosniykichej kasaj, qankunataj noqaj aylluy kankichej.

DIOSPA QHELQACHISQAN DEUTEROCANONICAL

¹² Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

Levítico 26:12 ပူးပေါင်းရင်းမြစ်များ

Génesis 17:7

Qanwan kay ruwasqay trato, jinataj qhepanejman qanmanta mirajkunawan trato ruwasqaypis wiñay wiñaypaj kanqa. Noqaqa qanpa Diosniyki wiñaypaj kasaj, jinallataj paykunajtapis.

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Génesis 3:8

Chantá inti yaykuyta jina wayrarishajtin, qhari warmi huertapi Tata Diospa purishasqanta uyarerqanku. Paykunatajrí usqhay usqhayta huertapi sach'a ukhuman pakaykukorqanku.

Génesis 5:22

Enocqa Diospa munayninta ruwaspa kawsarqa. Matusalén paqarisqanmanta qhepata, Enocqa 300 watatawan kawsarqa, wawankunataj qharikuna, chantá warmikuna ima karqankuraj.

Génesis 5:24

Enocqa Diospa munayninta ruwaspa kawsarqa. Chantá uj p'unchay chinkaporqa, imaraykuchus Dios kawsashajta pusakaporqa.

Génesis 6:9

Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

2 Samuel 7:7

Israelitakunawan purisqaymantapachaqa, pikunatachus churarqani Israel ayllupi kamachinankupaj, chaykunamanta mana mañarqanichu pinomanta templota ruwapunawankutaqa, nispa.

Salmos 50:7

Dios nin: Israel ayllúy, uyariway, tukuy imata contraykita sut'ita parlasaj. Noqa Tata Diosqa Diosniyki kani.

Éxodo 29:45

Israelitakuna ukhupi noqa tiyakusaj, Diosninkutaj kasaj.

Éxodo 29:46

Ajinamanta paykunaqa noqamin Tata Diosninku kasqayta yachanqanku. Noqa paykunaj chawpinkupi tiyakunaypaj Egiptomanta orqhomorqani. Noqa, Tata Diosmin Diosninku kani.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Jeremías 11:4

Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Jeremías 30:22

Ajinamanta israelitakunaqa aylluy kanqanku, noqataj Diosninku kasaj. Noqa Tata Diosmin chayta nini.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Jeremías 32:38

Paykuna aylluy kanqanku, noqataj Diosninku kasaj.

Jeremías 7:23

Manachayqa kayta paykunaman kamacherqani: Noqata kasuwaychej. Sichus kasuwankichej chayqa, noqa Diosniykichej kasaj, qankunataj aylluy kankichej. Qankuna kamachisqayman jinapuni puriychej allin risunaykichejpaj, nispa.

Ezequiel 11:20

Chantá paykuna kamachisqayman jina kawsanqanku, nisqayman jinataj purenqanku, junt'anqankutaj. Paykunaqa aylluy kanqanku, noqataj paykunaj Diosninku kasaj.

Ezequiel 36:38

Imaynatachus jatuchaj raymikunapi jaywanapaj Jerusalenman ashkha ovejata apanku, ajinata runakunapis may ashkhapuni kanqanku. Ch'inyachisqa karqa, chay llajtakunaman ashkha runakuna junt'aykonqanku. Chaypachataj paykuna yachanqanku noqa Tata Dios kasqayta, nispa.

Joel 2:27

Ajinata yachankichej noqa Tata Diosqa qankuna ukhupi kashasqayta. Noqamin Tata Diosniykichej kani, manataj waj Dios kanchu. Aylloyqa mana jayk'ajpis ujtawan p'enqaypi rikhurenqañachu.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

Números 5:3

Qharipis warmipis kachun, jaramanta jawaman orqhochunku. Ajinamanta jaraqa llimphupaj qhawasqa kanqa, imaraykuchus noqa paykunaj chawpinkupi kashani, nispa.

San Mateo 22:32

Noqa Abrahampa Diosnin kani, Isaacpata, Jacobpata ima, nispa. Diosqa mana wañusqakunaj Diosninkuchu, manachayqa kawsajkunajta, nispa.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

Deuteronomio 23:14

14 (15) Tata Diosniykichejqa qankunaj chawpiykichejpi purishan, yanapanasuykichejpaj, awqaykichejtapis atipachisunaykichejpaj. Chayrayku jaraykichejqa Diospaj t'aqasqa kasqanrayku, llimphu kanan tiyan. Manachayqa qankuna ukhupi ch'ichita rikuspa, Diosqa qankunamanta karunchakonqa.

Deuteronomio 23:15

15 (16) Sichus uj wata runa patronninmanta qankunaman ayqekamunman chayqa, ama payta ñawpa patronninman kutichinkichejchu.

Hebreos 11:16

Chaywanpis, paykuna aswan sumaj llajtata moq'erisharqanku, mayqenchus janaj pachapi kashan, chayta. Chayrayku Diosqa paykunaj Diosninku kayta mana p'enqakunchu, imaraykuchus paykunapaj uj llajtata wakichipunña.

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki:

Apocalipsis 21:7

Pichus mana allin kajta atipaj, jinataj noqallapipuni atinikuspa kajqa tukuy imata chayaqeta jina jap'enqa. Noqa Diosnin kasaj, paytaj waway kanqa.