Levítico 25:14 - DIOSPA QHELQACHISQ

¹⁴ Sichus pipis jallp'ata runa masiykichejman vendenkichej, chayrí rantikunkichej chayqa, ama q'otiyanakunkichejchu.

Qheshwa Biblia DC

¹⁴ Sichus jallp'ata vendenkichej, chayri rantinkichej chayqa, ama ch'aukiyanakunkichejchu.

DIOSPA QHELQACHISQAN DEUTEROCANONICAL

¹⁴ Sichus pipis jallp'ata runa masiykichejman vendenkichej, chayrí rantikunkichej chayqa, ama q'otiyanakunkichejchu.

Levítico 25:14 ပူးပေါင်းရင်းမြစ်များ

2 Crónicas 16:10

Chayta uyarispa, kuraj kamachej Asaqa sinch'itapuni phiñarikorqa, Jananitataj carcelman wisq'aykucherqa. Jinallatataj chay kutipeqa kamachisqan runakunamanta wakinkunata llakiyta ñak'aricherqa.

Salmos 10:18

Qanqa wajcha wawapaj, ñak'arichisqa runapajpis justiciata ruwanki, jallp'amanta ruwasqa runa amaña paykunata watej manchachinanpaj.

Proverbios 14:31

Wajcha runata waqachejqa Tata Diosta pisipaj qhawan. Wajcha runata khuyajrí Tata Diosta jatunchan.

Proverbios 21:13

Sichus pipis wajcha runakunaj mañakusqankuta mana uyarin chayqa, paypa mañakusqanpis manallataj uyarisqachu kanqa.

Proverbios 22:16

Pichus qhapajyananrayku wajcha runata ñak'arichin, chayrí qhapajman tiyapuyninmanta qon, chay runaqa wajchaman tukonqa.

Proverbios 28:16

Mana yuyayniyoj kamachejqa runa masinta anchata waqachin. Mana jinata ruwaspa kamachejrí unayta kawsanqa.

Proverbios 28:3

Wajcha runa wajcha masinmanta suwajqa chajrata chinkachej llojlla para jina.

Proverbios 28:8

Pichus ancha ashkha interesniyojta qolqeta manuspa qhapajyajqa, pichus wajchakunata khuyajllapaj tantanqa.

Eclesiastés 5:8

8 (7) Ichapis may llajtapi wajchakunata ñak'arichejta rikunki, cheqan kajtapis manakajman tukuchejta rikullankitaj. Chayta rikuspa, ama t'ukuychu. Uj kamachejtaqa uj kuraj kaj pakan, paytataj uj astawan kuraj kajñataj pakan. Paykunaj ruwasqankutapis astawan kuraj kaj pakashallantaj.

Isaías 1:17

Aswanpis allin kaj ruwayta yachaqakuychej. Cheqan kajta ruwayta mask'aychej, ñak'arichisqa kaj runakunatataj yanapaychej. Wajcha wawakunaman kutikuychej, warmisapatapis yanapaychej, nispa. Ajinata Tata Dios nin.

Isaías 33:15

Kay jina runalla chaypi tiyakonqa: Pichus cheqanta ruwaspa kawsan, cheqan kajtataj parlan, pichus runata waqachispa, qolqe jap'inata chejnikun, manataj lluk'ichikunchu, pichus runata wañuchimuna nejtinkupis, ninrinta wisq'aykun, ñawintapis wisq'aykullantaj chay millaykunata mana ruwananpaj ima.

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Isaías 58:6

Manachu yachankichej imayna ayunotachus munasqayta? Noqa munani qankuna manakajmanta ñak'arichisqa kajkunata kacharichinaykichejta, yugopi watasqa jina runakunatataj phaskaranaykichejta. Munallanitaj llakichisqa kajkunata kacharinaykichejta, kallpankupi atinikuspa ñak'arichej runakunatataj chinkachinaykichejta.

Jeremías 22:17

Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Ezequiel 22:7

Jerusalén llajta, qanpi tiyakojkunaqa tatankuta, mamankutapis pisipaj qhawanku. Karu llajtayoj runakunatapis ñak'arichinku. Wajcha wawakunamanta, warmisapakunamantataj ch'uskinku.

Levítico 19:13

Ama runa masiykichejta waqachinkichejchu, nitaj imantapis qhechunkichejchu. Amallataj peonniykichejpa pagonta q'ayantinkama jap'ikunkichejchu.

Levítico 25:15

Sichus runa masiykimanta jallp'ata rantikunki chayqa, Kacharipuna watamanta, mashkha watañachus pasasqanta yupanki. Pichus vendejtaj mashkha watatachus chajrata oqharerqa, chayman jina vendenqa.

Levítico 25:17

Ama pipis runa masiykichejta q'otiyankichejchu. Noqa Tata Diosniykichejta jatun respetowan maypaj qhawawaychej. Noqa Tata Diosmin Diosniykichejqa kani.

Miqueas 7:3

Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

San Lucas 3:14

Chantá wakin soldadokunapis tapullarqankutaj: Noqaykurí imatataj ruwasqaykuri? nispa. Juantaj kuticherqa: Ama pimantapis ni imanta qhechuychejchu, nitaj pitapis qhasimanta tumpaychejchu. Jinataj pagoykichejwan sonqo junt'asqa kaychej, nispa.

1 Corintios 6:8

Chaywanpis qankuna kikiykichej mana cheqan kajta ruwankichej, aswanpis Diosta qhatej masiykichejmanta suwankichejraj.

Jueces 4:3

Jabinpata 900 fierromanta carretankuna karqa. Payqa iskay chunka watataña israelitakunata sinch'ita ñak'aricherqa, chayraykutaj paykunaqa Tata Dios yanapananta mañakorqanku.