Levítico 24:5 - DIOSPA QHELQACHISQ

⁵ Sumaj jak'umanta chunka iskayniyoj t'antata ruwanki. Sapa t'anta tawa kilo jak'umanta ruwasqa kanqa.

Qheshwa Biblia DC

⁵ Sumajnin kaj jak'umanta chunka iskayniyoj t'antata ruwaspa sayachiy, sapa ujnin kachun tawa kilosmanta.

DIOSPA QHELQACHISQAN DEUTEROCANONICAL

⁵ Sumaj jak'umanta chunka iskayniyoj t'antata ruwanki. Sapa t'anta tawa kilo jak'umanta ruwasqa kanqa.

Levítico 24:5 ပူးပေါင်းရင်းမြစ်များ

1 Reyes 18:31

Chantá Eliasqa chunka iskayniyoj rumikunata oqharerqa, Jacobpa churinkuna mashkhachus karqanku, chayman jina. Chay Jacobtaqa Tata Dios nisqa: Sutiykeqa Israel kanqa, nispa.

1 Crónicas 23:29

Jinallataj yachananku karqa Diospaj t'aqasqa t'antata churanamanta, ch'aki mikhuytawan khuska jaywana yuraj jak'umanta, mana levadurayoj t'antamanta, paylapi kankasqa chayrí chayachisqa jaywanamanta, tukuy imaymana tupunamantawan.

1 Crónicas 9:32

Coatpata churinkunamanta wakin churasqa karqanku, sapa samarina p'unchaypi Diospaj t'aqasqa t'antata sinrullata churanankupaj.

2 Crónicas 13:11

Paykunaqa sut'iyayta, ch'isiyaykuyta uywa ñak'asqata q'olachispa Tata Diosman jaywanku. Inciensotapis q'oshñichipullankutaj. Llimphupaj qhawasqa mesaman churallankutaj Diospaj t'aqasqa t'antata, sapa ch'isiyaytataj lamparakunata jap'ichinku, qorimanta ruwasqa candeleropi k'anchananpaj. Chay tukuyta ruwayku, imaraykuchus noqaykoqa Tata Diospa nisqanta junt'ayku. Qankunatajrí payta saqerparinkichej.

Nehemías 10:33

Diosman t'antata jaywanapaj, sapa p'unchay ch'aki mikhuyta jaywanapaj, sapa p'unchay q'olachispa jaywanapaj, mosoj killapi jaywanapaj, samarina p'unchaypi jaywanapaj, raymikunapi jaywanakunapaj, waj jaywanakunapaj, Israelpa juchanmanta jaywanakunapaj, jinallataj Diosniykoj Templonpi waj imakunatachus ruwanapajpis.

Nehemías 10:34

Chay jawaqa sacerdotekuna, levitakuna, tukuy runapis, sapa ayllunkunaman jina suerteta choqarqayku Tata Diosniykoj Templonman llant'ata apanaykupaj, sapa watapi mayk'ajpajchus apana karqa, chayman jina. Chay kanqa Tata Diosniykoj altarninpi lawrachinapaj, Moisespa kamachisqanpi qhelqasqaman jina.

Éxodo 25:30

Chantá chay mesaman churanki noqaman qonawaykichej t'antata, chaytaj ñawpaqeypi kanallanpuni tiyan.

Éxodo 39:36

Apamullarqankutaj mesata, tukuy imantinta, chantá Diospa ñawpaqenpi churana t'antatawan.

Éxodo 40:23

Chay mesamantaj Tata Diospa ñawpaqenpi churana t'antata sumaj suk'asqata churarqa, Tata Dios payman kamachisqanman jina.

Éxodo 40:4

Chantataj Dioswan Tinkukuna Toldo ukhuman mesata, tukuy imantinta apaykuspa, maychus kananman churanki. Toldo ukhuman candelerota apaykullankitaj, chantá lamparakunata jap'ichinki.

Números 4:7

Chaymantataj Diosman jaywasqa t'antata churanapaj chay mesata anqa bayetawan qhataykonqanku. Chaypa patanmantaj chuwakunata, wisllakunata, copakunata, vino ofrendata jaywanapaj yurukunata ima churanqanku. Jinallataj mesaman Diosman jaywasqa t'antata sapa p'unchay churallanqankutaj.

San Mateo 12:4

Diospa wasinman yaykuspa, paykunaqa Diospaj t'aqasqa t'antata oqharerqanku, mikhorqankutaj. Chaytaqa mana David, nitaj paywan kajkunapis mikhunanchu karqa, manachayqa sacerdotekunallapaj karqa.

Hechos 26:7

Israelpa chunka iskayniyoj jatun ayllunkunapis Diospa chay nisqan junt'akunanta suyakushallankutaj, chayraykutaj tuta p'unchay Diosta yupaychanku. Chaywanpis, kuraj kamachejníy, chayta noqa suyakusqayrayku judío masiykunaqa juchachashawanku.

Hebreos 9:2

Dioswan Tinkukuna Toldoqa kay jina karqa: Ñawpaj kaj cuartoqa Diospaj T'aqasqa Cheqa nisqa karqa, chaypitaj uj candelero karqa, chantá uj mesa ima Diospaj t'aqasqa t'antayoj.

Santiago 1:1

Noqa Santiago Diospa wata runan kani, Tukuyta Kamachej Jesucristojtawan. Qankuna Israelpa chunka iskayniyoj ayllunmanta waj suyukunapi ch'eqerasqa kajkunata napaykamuykichej.

1 Samuel 21:6

6 (7) Ajinaqa sacerdote Tata Diospaj t'aqasqa t'antata Davidman jaywarqa, chay t'antalla chaypi kasqanrayku. Chay p'unchayllaraj altar chaymanta orqhomusqanku waj q'oñi t'antata churanankupaj.

1 Samuel 21:7

7 (8) Chaywanpis Saulpa ujnin kaj kamachin, Doeg sutiyoj, Diosta yupaychana toldopi chaypachallataj kashasqa, chaypi qhepakunan kasqanrayku. Payqa Edom llajtayoj karqa, Saulpa michejninkunatataj kamachej karqa.