Levítico 24:2 - DIOSPA QHELQACHISQ

² Israelitakunata kamachiy, lamparakunata k'anchachinapaj olivomanta ruwasqa sumaj aceiteta apamunankuta, lamparakuna k'anchanallankupajpuni.

DIOSPA QHELQACHISQAN DEUTEROCANONICAL

² Israelitakunata kamachiy, lamparakunata k'anchachinapaj olivomanta ruwasqa sumaj aceiteta apamunankuta, lamparakuna k'anchanallankupajpuni.

Levítico 24:2 ပူးပေါင်းရင်းမြစ်များ

2 Crónicas 13:11

Paykunaqa sut'iyayta, ch'isiyaykuyta uywa ñak'asqata q'olachispa Tata Diosman jaywanku. Inciensotapis q'oshñichipullankutaj. Llimphupaj qhawasqa mesaman churallankutaj Diospaj t'aqasqa t'antata, sapa ch'isiyaytataj lamparakunata jap'ichinku, qorimanta ruwasqa candeleropi k'anchananpaj. Chay tukuyta ruwayku, imaraykuchus noqaykoqa Tata Diospa nisqanta junt'ayku. Qankunatajrí payta saqerparinkichej.

Salmos 119:105

Simi nisqaykeqa purinaypi lámpara jina, ñanniypitaj k'anchay jina.

Salmos 119:130

Qanpa simi nisqaykej yachachisqanqa k'anchay jina, llamp'u sonqoyojkunamantaj yachayta qon.

Éxodo 39:37

Apamullarqankutaj sumaj qorimanta ruwasqa candelerota, lamparakunata tukuy imantinta, k'anchanapaj aceitetawan ima.

Éxodo 40:24

Jinallataj Moisés Dioswan Tinkukuna Toldoman candelerota apaykullarqataj, churarqataj mesaj chimpanman, Dioswan Tinkukuna Toldoj urannejman.

Proverbios 6:23

Cheqamanta kamachisqankoqa jap'ichisqa lámpara jina, yachachiyninkutaj k'anchay jinallataj. K'amiykuna, yuyaychaykuna ima, imaynatachus kawsanaykita rikuchisonqanku.

Isaías 11:2

Tata Diospa Espíritun paywanpuni kanqa, chay Espiritutaj qonqa yachayta, yuyayta, yuyaychayta, atiyta, tukuy imata rejsiyta, Tata Diosta may jatun respetowan qhawayta ima.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

Levítico 24:1

Tata Dios Moiseswan parlaspa, ajinata nerqa:

Levítico 24:3

Aaronqa Dioswan Tinkukuna Toldoman yaykunapi lamparakunata churanqa, tukuy tutantin k'anchananpaj, Tata Diospa ñawpaqenpi, velomanta jawapi, Diospa trato ruwasqan arcaj ñawpaqenpi. Kay kamachisqaqa tukuy mirayniykichejpaj wiñaypaj kanqa.

San Mateo 4:16

Laqhapi tiyakoj runakuna uj jatun k'anchayta rikonqanku. Wañuy llanthu cheqapi tiyakojkunamanpis uj k'anchay lliphipimonqa, nispa.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

San Lucas 1:79

Pay jamun laqhapi tiyakojkunata, wañuypa llanthunpi kajkunatapis k'anchananpaj. Chantá puriyninchejta cheqanchaspa, allinpi kawsayta qowasunchej. Ajinata nispa, Zacariasqa Diosta jatuncharqa.

San Lucas 12:35

Chumpiykichej mat'isqa kachun, lamparaykichejpis jap'ichisqa.

San Juan 1:4

Simi Nisqa sutiyojtaj tukuy ima ruwasqa kajman kawsayta qorqa, chay kawsaynintaj k'anchay jina runakunaman Diosmanta sut'ita rikuchin.

San Juan 1:9

Cheqa k'anchayrí tukuy runaman k'anchananpaj kay pachaman jamusharqa.

San Juan 5:35

Juanpa yachachisqanqa laqhapi k'anchay jina karqa, qankunataj yachachisqanta uyarispa, kusikorqankichej.

San Juan 8:12

Jesús uj kutitawan parlallarqataj: Noqa tukuy runapaj k'anchay jina kani. Pillapis noqawan purejqa mana laqhapichu purenqa, aswanpis wiñay kawsayman pusaj k'anchaypi purenqa, nispa.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.