Levítico 23:34 - DIOSPA QHELQACHISQ

³⁴ Israelitakunata kay jinata niy: Kikin qanchis kaj killallapitaj chunka phishqayoj p'unchaypi noqaj sutiypi qanchis p'unchayta Ch'ujlla Ruwana raymita ruwankichej.

DIOSPA QHELQACHISQAN DEUTEROCANONICAL

³⁴ Israelitakunata kay jinata niy: Kikin qanchis kaj killallapitaj chunka phishqayoj p'unchaypi noqaj sutiypi qanchis p'unchayta Ch'ujlla Ruwana raymita ruwankichej.

Levítico 23:34 ပူးပေါင်းရင်းမြစ်များ

1 Reyes 12:32

Chantá Jeroboanqa pusaj kaj killapi, chunka phishqayoj p'unchay kajpi kamacherqa Betelpi uj raymita ruwanankuta, imaynatachus jatun raymita Judapi ruwaj kanku, ajinata. Jinataj altar patapi waka uña lanti ruwasqaman uywa ñak'asqata jaywarqa. Kamachillarqataj loma patapi yupaychana wasikunata ruwachisqanpaj sacerdote kanankuta.

1 Reyes 8:2

Tukuynin Israelmanta runakunataj qanchis kaj killa, Etanim sutiyoj killapi, kuraj kamachej Salomonwan tantakorqanku. Chaypachataj may jatun raymita ruwarqanku.

1 Reyes 8:65

Chaypacha Salomonqa tukuynin israelitakunawan khuska jatun raymita ruwarqanku. Ashkhapuni tantakamorqanku, Jamat chaymantapacha Egipto mayu chaynejkama. Chay raymita Tata Diospa ñawpaqenpi qanchis p'unchayta ruwarqanku, chantá uj qanchis p'unchaytawanraj ruwallarqankutaj. Tukuyninpi chunka tawayoj p'unchayta ruwarqanku.

Esdras 3:4

Chantá Ch'ujlla Ruwana raymitapis ruwallarqankutaj Moisespa kamachisqanpi qhelqasqaman jina. Sapa p'unchaytaj uywata ñak'aspa q'olacherqanku yachasqa kasqanman jina, sapa p'unchaypaj kamachisqa kasqanman jinataj.

Nehemías 8:14

Chaypitaj repararqanku Tata Dios imatachus kamachin Moisesnejta kamachisqanta: Chay qanchis kaj killapi yuyarikuy raymita ruwashaspa, israelitakunaqa ch'ujllakunapi tiyakunanku karqa.

Éxodo 23:16

Chantá tukuy tarpusqaykichejmanta Ñawpaj Kaj Poqojta Oqharina raymitapis ruwallankichejtaj. Jinallataj Chajra Poqoyta Oqharina Tukukuy raymitapis.

Éxodo 34:22

Ruwallankichejtaj Semana nisqa raymita. Trigo Ruthuy Qallariy raymita, chantá Trigo Ruthuy Tukukuy raymita ima. Chay raymikunata sapa wata chajra oqhariy tukukuyta ruwankichej.

Ezequiel 45:25

Ch'ujlla Ruwana raymita qanchis kaj killamanta chunka phishqayoj p'unchayninpi ruwankichej. Chaypacha kamachejqa jaywanqa qanchis p'unchay junt'ata jucharayku kikillantataj jaywanqa, ñawpajta mashkhachus qorqa, chay chhikallatataj. Tukuy imata jucharayku jaywanapaj qonqa, uywa ñak'asqata q'olachinapaj, ch'aki mikhuyta jaywanapaj, aceite jaywanapaj ima, nispa.

Levítico 23:33

Tata Dios Moiseswan parlaspa, nillarqataj:

Levítico 23:42

Tukuy Israel llajtayojkuna ch'ujlla urapi uj semanata tiyakunkichej,

Levítico 23:43

tukuy wawaykichejkuna yachanankupaj noqa israelitakunata Egiptomanta orqhomushaspa, ch'ujllapi tiyachisqayta. Noqamin Tata Diosniykichej kani, nispa.

Números 29:12

Qanchis kaj killapi, chunka phishqayoj p'unchaypi Diosta yupaychanaykichejpaj tantakunkichej. Chay p'unchayqa ruwanaykichejmanta amapuni ni imata ruwankichejchu. Qanchis p'unchaynintinta Tata Diospaj jatun raymita ruwapunkichej.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 7:2

Chaypacha judiokunaj Ch'ujlla Ruwana rayminkuman qayllaña kasharqa.

Deuteronomio 16:16

Tata Diosniykichejpa ñawpaqenpi tukuy qharikuna watapi kinsa kutita rikhurenqanku, may cheqatachus Tata Dios ajllakonqa, chaypi. Kay raymikunapi rikhurinanku tiyan: Mana Levadurayoj T'anta nisqa raymipi, Semana nisqa raymipi, Ch'ujlla Ruwana nisqa raymipi ima. Chay raymikunapeqa mana pipis ch'usaj makillaqa Tata Diosman renqachu.

Deuteronomio 31:10

Chantá kamacherqa: Sapa qanchis watapi, manu qonqapuna chay watapi, Ch'ujlla Ruwana raymipi,

Hebreos 11:13

Chay runakuna wañuporqanku Dios nisqanta manaraj junt'ashasqanta rikuspa. Manachayqa Diospi atinikusqankurayku Dios nisqanta junt'ananta karullamantapis qhawashankuman jina rikorqanku. Chantá kusikuspa, rimarerqanku kay pachapi waj llajtayoj jinalla kasqankuta.

Hebreos 11:9

Chaymanta Abrahamqa Diospi atinikusqanrayku, Dios qosqayki nisqan jallp'api tiyakorqa, runaj llajtanpi waj llajtayoj runa jina. Pay toldollapi tiyakorqa. Isaacpis, Jacobpis toldollapitaj tiyakorqanku, pikunachus Diospa nisqanta jap'inallankutaj karqa, chaykuna.