Levítico 23:3 - DIOSPA QHELQACHISQ

³ Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Qheshwa Biblia DC

³ Sojta p'unchayta llank'anki, qanchis kaj p'unchaypitaj mana imatapis ruwankichu. Chay p'unchayqa qampaj uj sumaj p'unchay kanqa samarikunaykipaj. Sumaj tantakuytaj kanqa. Maypichá tiyakunki chaypi chay diaqa samarikunaykipaj, Señorta jatunchanaykipajtaj kanqa.

DIOSPA QHELQACHISQAN DEUTEROCANONICAL

³ Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Levítico 23:3 ပူးပေါင်းရင်းမြစ်များ

Éxodo 16:23

Moisestaj paykunata nerqa: Tata Dios ajinata kamachin: Q'ayaqa samarina p'unchay kashan, chay p'unchaytaj Tata Diospaj t'aqasqa. Chayrayku kunan chayachiychej imatachus chayachinaykichejta, t'impuchiychejtaj imatachus t'impuchinaykichejta. Chantá puchoj mikhunata q'ayapaj waqaychaychej, nispa.

Éxodo 16:29

Yuyarikuychej noqa Tata Dios samarinapaj uj p'unchayta qoykichej. Chayrayku sojta kaj p'unchaypi mikhunataqa iskay p'unchaypaj qosqaykichej. Ajinaqa sapa ujniykichej toldoykichejpi qhepakunaykichej tiyan, samarina p'unchayta ama toldoykichejmanta llojsinaykichejpaj, nispa.

Éxodo 16:30

Chantá israelitakunaqa qanchis kaj p'unchaypi samarikorqanku.

Éxodo 23:12

Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

Éxodo 34:21

Sojta p'unchayta llank'ankichej, qanchis kaj p'unchaypitaj samarinkichej. Tarpuypis kachun, chayrí chajra poqoy oqharinapis kachun, samarinkichejpuni.

Isaías 56:2

Kamachisqayta kasuspa junt'aj runaqa kusikuyniyojmin. Payqa samarina p'unchayniyta waqaychan, tukuy mana allin kajta ruwanamantataj allinta qhawakun.

Isaías 56:6

Tata Dios paymanta jap'ikoj waj llajtayojkunatapis saminchallanqataj, pikunachus munayninta ruwanku, Tata Diospa sutinta munakuspataj, payta yupaychanku, chaykunata. Paykunaqa samarina p'unchayta waqaychanku, Diospa trato ruwasqantataj mana p'akinkuchu.

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

Levítico 19:3

Sapa ujpis mamaykichejta, tataykichejtapis jatun respetowan qhawaychej. Jinallataj samarina p'unchayniyta maypaj qhawaspa, samariychej. Noqa Tata Diosmin Diosniykichej kani.

San Lucas 13:14

Chaywanpis tantakuna wasita qhawajqa phiñakorqa, Jesús samarina p'unchaypi chay warmita qhaliyachisqanmanta. Jinataj runakunaman nerqa: Semanapi sojta p'unchay tiyan imallatapis ruwanapaj. Chay p'unchaykunallapi jampichikoj jamuychej, amataj samarina p'unchaypeqa, nispa.

San Lucas 23:56

Chantá wasinkuman kutirispa, chay warmikuna sumaj q'apashaj jawinakunata wakicherqanku. Jinaytawantaj, kamachisqaman jina samarikorqanku, samarina p'unchay kasqanrayku.

Hechos 15:21

Chayta qhelqaspa kamachisunman, imaraykuchus unaymantapacha sapa llajtapi Moisespa kamachisqankunamanta willakun, jinallataj tantakuna wasikunapi sapa samarina p'unchaypi tukuypa uyarinanta ñawirinku, nispa.

Apocalipsis 1:10

Uj kuti Tukuyta Kamachej Jesuspa p'unchayninpi noqa Santo Espíritoj kamachiyninpi kaspa, Tata Diosta yupaychasharqani. Jinallaman qhepaymanta jatunmanta uj parlamojta uyarerqani, chay parlasqantaj trompetaj waqasqan jina karqa.