Levítico 23:2 - DIOSPA QHELQACHISQ

² Israelitakunata ajinata ninki: Kaykunamin Tata Diospa sutinpi ruwana raymikuna kanku. Chaypacha qankunaqa Tata Diosta yupaychanaykichejpaj tantakunkichej.

DIOSPA QHELQACHISQAN DEUTEROCANONICAL

² Israelitakunata ajinata ninki: Kaykunamin Tata Diospa sutinpi ruwana raymikuna kanku. Chaypacha qankunaqa Tata Diosta yupaychanaykichejpaj tantakunkichej.

Levítico 23:2 ပူးပေါင်းရင်းမြစ်များ

2 Reyes 10:20

Chantá Jehú nillarqataj: Baalpa sutinpi jatun raymita ruwanapaj uj p'unchayta ajllaychej, nispa. Paykunataj chay p'unchaypaj runakunata wajyacherqanku.

1 Crónicas 23:31

Jinallataj samarina p'unchaypi, mosoj killa raymipi chantá jatuchaj raymikunapi ima uywa ñak'asqata q'olachispa Tata Diosman jaywananku karqa. Chayta levitakuna Tata Diospa ñawpaqenpi tukuy tiempo ruwananku karqa, mashkhachus kasqankuman jina, imachus ruwanankuman jinataj.

2 Crónicas 2:3

3 (2) Chantá Salomonqa Tiroj kuraj kamachejnin Jiranman kay jinata willajta kacharqa: Imaynatachus tatay Davidta yanaparqanki, ajinata noqatapis yanapariway. Paymanqa pinomanta k'aspita apachimorqanki, kamachinan wasita ruwakunanpaj.

2 Crónicas 30:5

Chaytataj tukuy Israel suyuman Bersebamantapacha Dan chaynejkama willarachinankuta nerqanku Jerusalenpi Israelpa Tata Diosninpa Pascua raymita ruwaj jamunankupaj. Unayña Pascua raymita mana kamachisqa kasqanman jinachu ruwasqanku.

Esdras 3:5

Jinallataj jaywarqanku sapa p'unchay q'olachina kajta, mosoj killapi q'olachinatapis, ajinallataj Tata Diospa jatun rayminkunapi q'olachina kajtapis. Chantá munasqankuman jina ofrendakunatapis qollajtaj kanku.

Salmos 81:3

3 (4) Mosoj killata putututa waqachiychej, jinallataj killa sut'iyay kashajtinpis, imajtinchus chay p'unchayqa jatun raymita ruwana p'unchaymin.

Éxodo 32:5

Chantá Aarón chayta rikuspa, waka uñaj ñawpaqenpi uj altarta ruwarqa. Chaymantataj israelitakunata nerqa: Q'aya Tata Diospa sutinpi uj raymita ruwasunchej, nispa.

Isaías 33:20

Qhawariy Sionta, maypichus mayta kusikuspa raymita ruwankichej, chay llajtata. Ni imamanta llakikuspa tiyakuna Jerusalén llajtata ñawiyki rikonqa. Chayqa sumaj sayachisqa toldo jina kanqa, watana estacanpis mana sik'ikonqachu, nitaj watananpis p'itikonqachu.

Lamentaciones 1:4

Sionman rej ñankunaqa llakiy, ch'inpachalla kashanku. Mana pipis jatun raymiman jamoj kanchu. Jerusalén llajtaj punkunkunaqa tukuynin thuñisqa, ch'inpachataj kashanku. Chayrayku sacerdotekunaqa waqarikunku. Sipaskunapis manchay llakisqa kashanku. Jerusalén llajtaqa llakiypa atipasqan kashan.

Ezequiel 44:24

Quejakuna kajtinpis, paykuna juezkuna jina cheqanchanqanku kamachisqayman jina. Jinallataj kamachisqayman, nisqayman jina jatuchaj raymikunaytapis ruwanqanku. Samarikuna p'unchayniykunatataj noqapaj t'aqaspa waqaychanqanku.

Oseas 2:11

11 (13) Kusikuyninta chinkachisaj, nitaj mosoj killapi raymikuna, samarina p'unchaykuna, tukuy jatun raymikuna ima kanqachu.

Joel 1:14

Tukuy runata tantaspa, ayunanankuta niychej. Tata Diosniykichejpa Templonpi tantaychej kurajkunata, kay suyupi tiyakojkunatawan, chaypitaj Tata Diosmanta mañakuychej.

Joel 2:15

Sión orqopi putututa waqachiychej. Tukuy runata tantaspa, ayunanankuta willaraychej.

Levítico 23:1

Tata Dios Moiseswan parlaspa, nillarqataj:

Levítico 23:21

Chay kikin p'unchayllataj qankunapis Tata Diosta yupaychanaykichejpaj tantakunkichej, amataj ni ima ruwanata ruwankichejchu. Kay kamachisqaqa tukuy mirayniykichejpaj wiñaypaj kanqa, maypichus tiyakunkichej, chaypi.

Levítico 23:37

Chaykuna Tata Diospaj t'aqasqa p'unchaykuna kanku. Chay p'unchay qankuna Tata Diosta yupaychanapaj tantakuspa, Tata Diosman jaywankichej ch'aki mikhuy jaywanata q'olachispa, q'olachisqa jaywanata, waj jaywanakunata, chantá vinotawan ima. Chaykunata jaywana mit'a chayamusqanman jina jaywankichej.

Levítico 23:4

Diosta yupaychanapaj sutinpi raymikunata ruwanaykichejpaj maychus kananpi tantakunkichej. Diosmanta yuyarikunapaj, Tata Diospa churasqan raymikuna kaykuna kanku:

Levítico 23:44

Ajinata Moisesqa Tata Diosta yupaychanapaj jatun raymikunata ruwanamanta israelitakunaman willarqa.

Nahúm 1:15

15 (2.1) Qhawaychej, orqo patanejta chaski jamushanña. Payqa allin willaykunata apamushan, kusiy kawsaymanta willaykunata. Judá, Diospaj yupaychana raymita ruway, imaraykuchus manaña jayk'ajpis sajra runakuna suyuykichejman junt'aykamonqankuchu. Astawanpis tukuyninku wañuchisqa kanqanku.

Números 10:10

Jinallataj raymita ruwanaykichejpaj, chantá mosoj killa raymita ruwanaykichejpaj ima, trompetata waqachinkichej. Jinallataj q'olachispa Tata Diosman jaywanata jaywashaspa, allinyakuy jaywanata ima jaywashaspa, trompetata waqachillankichejtaj. Ajinata ruwajtiykichej, noqa qankunamanta yuyarikusaj. Noqamin Tata Diosniykichej kani, nispa.

Números 29:39

Chaykunata Tata Diospa jatun raymin p'unchaykunapi jaywankichej. Chay jawa jaywallankichejtaj, Tata Diosman nisqaykichejta junt'aspa jaywanata, sonqomanta munaspa jaywanata, chayrí q'olachispa jaywanata, ch'akiy mikhuy jaywanata, ch'ajchunapaj vinota, chantá k'achata kawsakuy jaywanata ima, nispa.

San Juan 5:1

Chay qhepata judiokunaj rayminku karqa, Jesustaj Jerusalenman rerqa.

Colosenses 2:1

Noqa yachanaykichejta munani qankunarayku may jinatachus kallpakuspa llank'ashasqayta, jinallatataj Laodiceapi kajkunarayku, chantá noqata manaraj rejsiwajkunaraykupis.

Colosenses 2:16

Chayrayku qankuna ama kasuta ruwaychejchu pipis imatachus mikhusqaykichejmanta, chayrí ujyasqaykichejmanta juchachasojtiykichej. Amallataj kasuychejchu pipis raymikunata mana ruwasqaykichejmanta, nitaj killa qallariy raymita, samarina p'unchaytapis mana maypaj qhawasqaykichejmanta juchachasojtiykichej.