Levítico 22:16 - DIOSPA QHELQACHISQ

¹⁶ Pichus Diospaj t'aqasqata pisipaj qhawaspa mikhojqa juchachasqa kanqa. Noqamin Tata Dios kani, pichus qankunata noqapaj t'aqakorqaykichej, chay, nispa.

Qheshwa Biblia DC

¹⁶ Ama juchachakuchunkuchu chay jaywasqasta mikhuspa. Noqamin Señorqa kani, pichus qankunata t'aqarqani chay.

DIOSPA QHELQACHISQAN DEUTEROCANONICAL

¹⁶ Pichus Diospaj t'aqasqata pisipaj qhawaspa mikhojqa juchachasqa kanqa. Noqamin Tata Dios kani, pichus qankunata noqapaj t'aqakorqaykichej, chay, nispa.

Levítico 22:16 ပူးပေါင်းရင်းမြစ်များ

Salmos 38:4

4 (5) Millayta ruwasqay atiykushawan, llasa q'epita jina mana apayta atishanichu.

Éxodo 28:38

Qorimanta sillp'a tablitaqa Aaronpa mat'inpi kallanqapuni, Tata Dios israelitakunaj jaywasqankuta jap'ikunanpaj. Ajinamanta israelitakuna Tata Diosman jaywashajtinku, Aaronqa juchallisqankuta apanqa.

Levítico 10:17

Imaraykutaj jucha pampachasqa kananpaj jaywanamanta Diospaj T'aqasqa Cheqapi mana mikhorqankichejchuri? Chayqa Tata Diospaj t'aqasqamin karqa. Chayta Tata Dios qankunaman qosorqachej, qankuna israelitakunaj juchankuta apanaykichejpaj, chantá paykunaj juchanku Tata Diosnejta pampachasqa kananpaj.

Levítico 20:8

Kamachisqaykunata kasuspa, junt'aychej. Noqamin Tata Diosqa kani, pichus qankunata noqajllata kanaykichejpaj t'aqaykichej, chay.

Levítico 21:15

Ajinata ruwanqa ama llajta masinkunata, nitaj mirayninta p'enqaypi rikhurichinanpaj. Noqa Tata Diosmin payta noqajta kananpaj t'aqakuni, nispa.

Levítico 21:23

Ukhunpi iman mana allin kasqanrayku, veloj wasanpi Diosllapaj T'aqasqa nisqa cheqanejman mana yaykonqachu, nitaj altar qayllamanpis chimpanqachu. Noqamin Tata Dios kani, pichus paykunata noqapaj t'aqakorqani, chay, nispa.

Levítico 21:8

Chayrayku paykunata Tata Diospaj t'aqasqata jina qhawankichej, imaraykuchus paykunaqa Tata Diosniykichejman t'antanta jaywanku. Chayrayku sacerdotekunata Diospaj t'aqasqa kasqankuta jina qhawaychej, imajtinchus noqaqa may llimphumin kani, pichus qankunata noqajta kanaykichejpaj t'aqakuykichej, chay.

Levítico 22:17

Tata Dios Moiseswan parlaspa, nillarqataj:

Levítico 22:9

Niy paykuna kamachisqayta junt'anankuta, ama chaykunarayku juchallinankupaj, nitaj kamachisqayta pisipaj qhawasqankurayku wañunankupaj. Noqamin Tata Dios kani, pichus paykunata noqapaj t'aqakorqani, chay.

Levítico 7:18

Sichus pipis kinsa p'unchayninman allinyakuy jaywanamanta uywaj aychanta mikhunman chayqa, chay jaywasqanta Tata Dios mana jap'ikonqachu, nitaj cuentaman churasqachu kanqa. Aychataj ch'ichipaj qhawasqa kanqa. Pichus chay aychata mikhojtaj juchachasqa kanqa.

Números 18:1

Tata Dios Aaronwan parlaspa, nillarqataj: Dioswan Tinkukuna Toldoj contranta israelitakuna juchallinkuman chayqa, qan, churiykikuna, chantá Leví jatun ayllumanta kajkunapiwan ima juchayoj kankichej. Sichus qanwan, churiykikunawan ima sacerdote kashaspa, juchalliwajchej chayqa, qankuna kikiykichej juchayoj kankichej.

Números 18:32

Tata Diospaj sumajnin kajta t'aqaytawankama, puchojta mikhuspa, mana juchallinkichejchu. Ajinata ruwaspa, israelitakunaj qosqankuta mana pisipaj qhawankichejchu, chayraykutaj nitaj wañunkichejchu, nispa.

San Mateo 23:17

Wampu, ñawsa runakuna. Mayqentaj aswan kurajri: Temploj qorinchu, chayrí chay qorita Diospaj t'aqaj Templochu?

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.