Levítico 21:8 - DIOSPA QHELQACHISQ

⁸ Chayrayku paykunata Tata Diospaj t'aqasqata jina qhawankichej, imaraykuchus paykunaqa Tata Diosniykichejman t'antanta jaywanku. Chayrayku sacerdotekunata Diospaj t'aqasqa kasqankuta jina qhawaychej, imajtinchus noqaqa may llimphumin kani, pichus qankunata noqajta kanaykichejpaj t'aqakuykichej, chay.

Qheshwa Biblia DC

⁸ Chayrayku paykunaqa tukuy imamanta karunchasqas kachunku, imaraykuchus paykunaqa rikuchiku t'antata Diosniykiman jaywanku. Qampajqa santos kanqanku, imaraykuchus noqa Señorqa santopuni kani, pichus qankunatapis paykunatataj santoyachini.

DIOSPA QHELQACHISQAN DEUTEROCANONICAL

⁸ Chayrayku paykunata Tata Diospaj t'aqasqata jina qhawankichej, imaraykuchus paykunaqa Tata Diosniykichejman t'antanta jaywanku. Chayrayku sacerdotekunata Diospaj t'aqasqa kasqankuta jina qhawaychej, imajtinchus noqaqa may llimphumin kani, pichus qankunata noqajta kanaykichejpaj t'aqakuykichej, chay.

Levítico 21:8 ပူးပေါင်းရင်းမြစ်များ

Nehemías 13:29

Chantá Diosman parlaspa nerqani: Diosníy, paykunata jasut'iy ari sacerdote kayta millaypaj qhawachisqankurayku, jinallataj sacerdotekunawan levitakunawan trato ruwasqaykitapis millaypaj qhawachisqankurayku, nispa.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Éxodo 19:14

Chantá Moisés orqomanta urayk'amuspa, runakunata Diosta yupaychanankupaj wakicherqa. Paykunataj p'achankuta t'ajsakorqanku.

Éxodo 28:41

Ajinata wawqeyki Aaronta, churinkunatawan ima p'achallichinki. Chaymantataj umankuta aceitewan jawispa, sacerdoteykuna kanankupaj t'aqapuwanki.

Éxodo 29:1

Tata Dios ujtawan Moisesta nillarqataj: Aaronwan, churinkunawan ima sacerdoteykuna kanankupaj t'aqaspa, kaykunata ruwanki: Mana iman imanasqa uj torillota, iskay corderotawan ima apamunki.

Levítico 19:2

Tukuy israelitakunata niy: Tata Dios ajinata nisunkichej: Qankunaqa noqapaj t'aqasqa jina llimphu kaychej, imaraykuchus noqa Tata Diosniykichej may llimphumin kani.

Levítico 21:6

Paykunaqa noqajllataña kanankupaj t'aqasqa kasqankurayku sutiyta ama p'enqaypi rikhurichenqankuchu. Paykunaqa noqa Tata Diosman q'olachisqa jaywanata jaywawanku, jinallataj Diospaj t'aqasqa t'antantawan. Chayrayku Diospaj t'aqasqa jina kachunku.

Levítico 22:16

Pichus Diospaj t'aqasqata pisipaj qhawaspa mikhojqa juchachasqa kanqa. Noqamin Tata Dios kani, pichus qankunata noqapaj t'aqakorqaykichej, chay, nispa.

Levítico 3:11

Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana kanqa.

Malaquías 1:7

Qankunaqa altarniyman mana llimphupaj qhawasqa t'antata apamunkichej, chantá ninkichejraj: Imata ruwaspataj sonqoykita nanachiykuri? nispa. Qankunaqa sonqoyta nanachiwankichej, altarniyta pisipaj qhawaspa.

Números 28:2

Israelitakunata kamachiy, maychus tiemponpi t'antayta, jinallataj q'olachispa jaywanata jaywanawankuta. Chaykunaqa noqapaj ima munayta q'apashaj jaywanamin kanku.

San Juan 10:36

Sichus Tata Dios ajllawaspa noqata kay pachaman kachamuwarqa chayqa, imaraykutaj qankuna ninkichej, noqa Diospa Churin kani, nispa, Diospa contranta rimasqaytari?

San Juan 17:19

Paykunarayku wañunaypaj kawsayniyta qanman jaywayki, ajinamanta paykunapis cheqa kajta jap'ikusqankunejta qanpaj t'aqasqallataj kanankupaj.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

Hebreos 7:26

Jesusqa, necesitasharqanchej chay Kuraj Kaj Sacerdotemin. Payqa juchamanta t'aqasqa, mana k'amina, llimphutaj. Kunantaj Dios Payta juchasapakunamanta t'aqanña, jinataj janaj pachamanta aswan pataman churarqa.