Levítico 21:10 - DIOSPA QHELQACHISQ

¹⁰ Kuraj kaj sacerdote kananpaj aceitewan umanpi jawisqa kasqanrayku, sacerdote p'achata churakunanpaj t'aqasqa kashan. Ajinaqa llakisqa kasqanta rejsichinanpaj, ama umanta t'ojluchikonqachu, nitaj p'achantapis llik'irakonqachu.

Qheshwa Biblia DC

¹⁰ Sacerdotespa kurajninku ajllasqa aceitewan umampi jawisqa, payqa sacerdote p'achasta churakunampaj t'aqasqa. Umanta ama q'ara umakonqachu, nitaj p'achasnintapis llik'irakonqachu llakisqa kasqanta rikuchinampaj.

DIOSPA QHELQACHISQAN DEUTEROCANONICAL

¹⁰ Kuraj kaj sacerdote kananpaj aceitewan umanpi jawisqa kasqanrayku, sacerdote p'achata churakunanpaj t'aqasqa kashan. Ajinaqa llakisqa kasqanta rejsichinanpaj, ama umanta t'ojluchikonqachu, nitaj p'achantapis llik'irakonqachu.

Levítico 21:10 ပူးပေါင်းရင်းမြစ်များ

Génesis 37:34

Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

2 Samuel 15:30

Davidtajrí Olivos orqo wichayta q'ara chakilla, waqaspa, umanta qhataykukuspataj wicharerqa. Tukuy paywan kajkunapis umankuta qhataykukuspa, waqaspallataj wicharerqanku.

Ester (hebreo) 6:12

Ajinata muyurimuytawan, Mardoqueoqa kamachina wasi punkuman kutiporqa. Amantajrí usqhay usqhayllata wasinman kachaykukorqa may llakisqa, p'enqakuymanta uyanta suk'umpaykukuspa.

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.

Salmos 133:2

K'achata kawsakusqankoqa sumaj q'apayniyoj jawinaman rijch'akun. Chayta Aaronpa umanman jich'ajtinku, sunkhankama urayk'uspa, kunkankama chayarqa.

Éxodo 29:7

Chantá jawina aceiteta umanman jich'aykuspa, Aaronta jawinki.

Ezequiel 24:17

Sonqollaykipi waqay, amataj llakiy p'achata churakuychu. Umaykita mayt'ukuy, juk'utaykitapis churaykukuy. Uyaykitapis ama qhatakuychu. Llakiypi kashaspa imatachus mikhunku, chay mikhunata amallataj mikhuychu, nispa.

Levítico 13:45

Pichus llejti onqoyniyojqa llik'isqa p'achata churakuchun, ch'aska umallataj purichun, uyanta suk'umpaykukuspataj, qhaparichun: Mana llimphuchu kani, mana llimphuchu kani, nispa.

Levítico 16:32

Sacerdote kananpaj aceitewan jawisqa kaj, pichus tatanpa cuentanmanta kuraj kaj sacerdote kananpaj churasqa kanqa chaylla, jucha pampachasqa kananpaj kay imakunata ruwanqa. Payqa Diospaj t'aqasqa linomanta ruwasqa p'achata churakonqa.

Levítico 4:3

Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

Levítico 8:12

Chantá Moisesqa Aaronpa umanman jawina aceiteta jich'aspa, sacerdote kananpaj t'aqarqa.

Números 35:25

Ajinata wañojpa ayllun vengakuspa wañuchinanmanta jark'anqanku. Runata wañuchejtataj, may llajtamanchus pakakunanpaj ayqekorqa, chay llajtaman kutichenqanku. Pichus wañuchejqa, aceitewan jawisqa kuraj kaj sacerdote wañupunankama chaypi tiyakonqa.

Números 6:7

Ni tatan, ni maman, ni wawqen, ni panan wañupojtinpis paykunaman qayllananchu tiyan, ama mana llimphupaj qhawasqa kananpaj, imaraykuchus payqa Tata Diospa sacerdoten jina imachus ruwanata ruwananpaj t'aqasqa kashan, chayrayku.

San Mateo 26:65

Chayta uyariytawankama, kuraj kaj sacerdote patanchana p'achanta llik'irakuspa, nerqa: Kay runaqa Diospa contranpi millayta riman. Imapajñataj testigokunata munanchejri? Qankuna uyarinkichejña Diospa contranpi imaynatachus millayta rimasqanta.