Levítico 21:1 - DIOSPA QHELQACHISQ

¹ Tata Dios Moiseswan parlaspa, nillarqataj: Aaronpa mirayninmanta sacerdotekunata niy: Ama pipis ayata llankharisqaykichejrayku mana llimphupaj qhawasqa kankichejchu.

Qheshwa Biblia DC

¹ Moisesman Señorqa parlarqa: Aarompa miraynin sacerdotesman niy: Ama ch'ichipaj qhawasqas kachunkuchu, mayqen ayllusninkoj ayasninraykupis.

DIOSPA QHELQACHISQAN DEUTEROCANONICAL

¹ Tata Dios Moiseswan parlaspa, nillarqataj: Aaronpa mirayninmanta sacerdotekunata niy: Ama pipis ayata llankharisqaykichejrayku mana llimphupaj qhawasqa kankichejchu.

Levítico 21:1 ပူးပေါင်းရင်းမြစ်များ

Ezequiel 44:25

Sacerdoteqa mana wañusqa runaman qayllanqachu ama Diospa ñawpaqenpi mana llimphupaj qhawasqa kananpaj. Jinapis sichus wañusqa maman kanman, chayrí tatan, chayrí churin, chayrí ususin, wawqen, chayrí mana qosayoj panan kanman chayqa, chay jina kajtillan, qayllaykuyta atenqanku.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Levítico 19:28

Wañojkunamanta yuyarikunaykichejpaj ama ukhuykichejta q'allurakunkichejchu. Nillataj ukhuykichejpi ima marcatapis ruwakunkichejchu. Noqamin Tata Dios kani.

Levítico 21:11

Nillataj maypichus aya kashan, chayman yaykonqachu. Nitaj tatanpata, mamanpata ayanta llankharispa ch'ichichakonqachu.

Malaquías 2:1

Sacerdotekuna, kay k'ameyqa qankunapaj:

Malaquías 2:4

Ajinamanta yachankichej noqamin kayta kamachisqayta, Leví jatun ayllumanta sacerdotekunawan trato ruwasqay ama p'akisqa kananpaj. Ajinata Tukuy Atiyniyoj Tata Dios nispa nin.

Números 19:11

Pillapis ima ayatapis llankhajqa qanchis p'unchayta mana llimphupaj qhawasqa kanqa.

Números 19:14

Uj runa toldo ukhupi wañojmantaqa kayta kamachini. Tukuy pichus toldo ukhuman yaykojkuna, jinallataj tukuy pichus toldo ukhupi kajkunaqa qanchis p'unchayta mana llimphupaj qhawasqa kanqanku.

Números 19:16

Pillapis campopi runaj wañuchisqan ayata, chayrí wañunanpi wañojpa ayanta llankhaj, chayrí runa tulluta, chayrí aya p'ampanatapis llankhajqa, qanchis p'unchayta mana llimphupaj qhawasqa kanqa.

Números 5:2

Israelitakunata kamachiy tukuy llejti onqoyniyojkunata, q'eyata jisp'ajkunata chantá wañusqata llankhajkunata ima jaramanta jawaman orqhonankuta.

Números 6:6

Tata Diospaj t'aqasqa kanankamaqa, manallataj wañusqaj ayanmanpis qayllananchu tiyan.