Levítico 20:8 - DIOSPA QHELQACHISQ

⁸ Kamachisqaykunata kasuspa, junt'aychej. Noqamin Tata Diosqa kani, pichus qankunata noqajllata kanaykichejpaj t'aqaykichej, chay.

Qheshwa Biblia DC

⁸ Kamachiykunasniyta kasuychej, junt'aychejtaj. Noqamin Señorqa kani, qankunatataj noqapaj t'aqakuykichej.

DIOSPA QHELQACHISQAN DEUTEROCANONICAL

⁸ Kamachisqaykunata kasuspa, junt'aychej. Noqamin Tata Diosqa kani, pichus qankunata noqajllata kanaykichejpaj t'aqaykichej, chay.

Levítico 20:8 ပူးပေါင်းရင်းမြစ်များ

Éxodo 31:13

Israelitakunaman kay jinata ninki: Qankunaqa samarina p'unchayniyta maypaj qhawankichej, imaraykuchus samarina p'unchayqa qankunawan, mirayniykichejwan ima wiñaypaj tratota ruwasqaymanta señal kanqa. Chaynejta yachankichej noqa Tata Diosmin qankunata ajllakusqayta.

Ezequiel 20:12

Chantapis, paykunaman samarina p'unchayniyta qollarqanitaj, paykunawan trato ruwasqaymanta señal kananpaj, noqa Tata Dios chay p'unchayta noqapaj t'aqasqayta yachanankupaj.

Ezequiel 37:28

Paykuna chawpipi Temploy wiñaypaj kashajtin, suyukuna yachanqanku noqa Tata Diosmin Israelta noqapaj wiñaypaj ajllakusqayta, nispa.

Levítico 19:19

Kamachisqayta kasukunkichej. Uywaykichejta ama waj jina uywatawan tinkuchinkichejchu. Amallataj jallp'aykichejpi chajrusqa mujuta tarpunkichejchu. Tukuy imaymana q'aytumanta ruwasqa p'achata ama churakunkichejchu.

Levítico 19:37

Ajinaqa tukuy kamachisqayta, imatachus nisqaytapis kasuspa, ruwaychej. Noqamin Tata Dios kani, nispa.

Levítico 20:26

Qankunaqa noqapaj t'aqasqa kajkuna jina puriychej, imaraykuchus noqaqa may jina llimphu llimphupuni kani. Noqamin qankunata suyukuna ukhumanta t'aqarqaykichej noqajllata kanaykichejpaj.

Levítico 21:8

Chayrayku paykunata Tata Diospaj t'aqasqata jina qhawankichej, imaraykuchus paykunaqa Tata Diosniykichejman t'antanta jaywanku. Chayrayku sacerdotekunata Diospaj t'aqasqa kasqankuta jina qhawaychej, imajtinchus noqaqa may llimphumin kani, pichus qankunata noqajta kanaykichejpaj t'aqakuykichej, chay.

Levítico 22:32

Ama llimphu sutiyta p'enqaypi qhawachinkichejchu, israelitakuna ukhupi manchay respetowan qhawasqa kananpaj. Noqamin Tata Diosqa kani, pichus qankunata noqapaj t'aqakorqaykichej, chay.

San Mateo 12:50

Pichus janaj pachapi kashaj Tataypa munayninta ruwajmari wawqey, panay, jinallataj mamaypis, nispa.

San Mateo 23:17

Wampu, ñawsa runakuna. Mayqentaj aswan kurajri: Temploj qorinchu, chayrí chay qorita Diospaj t'aqaj Templochu?

San Mateo 5:19

Sichus pipis kay kamachisqakunamanta aswan juch'uy kajllatapis p'akinman, jinallataj wajkunamanpis p'akiyta yachachinman chayqa, janaj pachamanta Dios kay pachapi kamachishajtin chay runaqa pisipaj qhawasqa kanqa. Ajinallatataj sichus pipis Diospa kamachisqanta junt'anqa, jinallataj wajkunamanpis junt'ayta yachachenqa chayqa, chaymá sumaj jatunpaj qhawasqa kanqa janaj pachamanta Dios kay pachapi kamachishajtin.

San Mateo 7:24

Pichus kay yachachisqayta uyarispa ruwajqa sumaj yuyayniyoj, paytaj chhanka patapi wasichakoj runaman rijch'akun.

San Juan 13:17

Sichus chayta entiendespa ruwankichej chayqa, kusisqamin kankichej.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

1 Tesalonicenses 5:23

Sonqo tiyaykuyta qoj Dios allintapuni qankunata llimphuchachun. Payllataj Tukuyta Kamachej Jesucristo kutimunanpaj tukuy kayniykichejta, espirituykichejta, almaykichejta, chantá ukhuykichejta ima waqaychachun mana k'aminapaj jina kanaykichejpaj.

2 Tesalonicenses 2:13

Diospa munakusqan wawqe panakuna, noqayku qankunamanta Diosta pachis ninaykupuni tiyan. Diosqa qankunata qallariymantapacha ajllakusorqachej qhespichisqa kanaykichejpaj Santo Espíritu llimphuchasqannejta, chantá cheqa kajta jap'ikusqaykichejnejta ima.

Santiago 1:22

Chaywanpis Diospa nisqantaqa ama uyarillaychejchu, aswanpis kasuychej. Manachus kasunkichej chayqa, qankuna kikiykichejta q'otiyakushankichej.

Apocalipsis 22:14

Kusisqamin kanku pikunachus p'achankuta t'ajsakunku chaykunaqa. Ajinamanta paykuna kawsachej sach'amanta poqoyta mikhonqanku, mosoj llajtamantaj punkunejta yaykuyta atenqanku.