Levítico 20:13 - DIOSPA QHELQACHISQ

¹³ Sichus uj qhari, warmiwan jina qhari masinwan t'inkikunman chayqa, iskayninku wañuchisqa kanqanku, imaraykuchus chayqa millay juchamin. Wañuchisqa kanankupajqa paykunalla juchayoj kanqanku.

Qheshwa Biblia DC

¹³ Sichus uj qhari waj qhariwan puñuykapunman warmiwampis puñushanman jina chayqa, iskayninku wañuchisqas kanqanku, imaraykuchus jatun millay juchata ruwanku. Paykunalla wañuyninkumanta juchayoj kanku.

DIOSPA QHELQACHISQAN DEUTEROCANONICAL

¹³ Sichus uj qhari, warmiwan jina qhari masinwan t'inkikunman chayqa, iskayninku wañuchisqa kanqanku, imaraykuchus chayqa millay juchamin. Wañuchisqa kanankupajqa paykunalla juchayoj kanqanku.

Levítico 20:13 ပူးပေါင်းရင်းမြစ်များ

Génesis 19:5

Lotta wajyaspataj, nerqanku: Maytaj kunan ch'isi wasiykiman chayamojkunari? Paykunawan puñuykuyta munayku. Jawaman orqhomuy, nispa.

Levítico 18:22

Warmiwan jina, ama qhari masiykiwan puñuykunkichu, imaraykuchus ajinata ruwanaqa millay juchamin.

1 Corintios 6:9

Manachu yachankichej mana cheqan kajta ruwajkunaqa Diospa kamachiyninman mana yaykunankuta? Ama q'otiyachikuychejchu: Khuchichakuypi purejkuna, lantikunata yupaychajkuna, warminkuta qosankuta wasanchaspa wajwan khuchichakojkuna, qhari kashaspa warmiman tukojkuna, qharipura jinanakojkunapis Diospa kamachiyninman mana yaykonqankuchu.

Deuteronomio 23:17

17 (18) Israel ukhupi ni uj warmi, nitaj ni uj qharipis khuchichakoj kanqachu, imaynatachus manakaj dioskunata yupaychajkuna ruwanku, jinaqa.

Deuteronomio 23:18

18 (19) Tata Diospa templonman imatachus nisqaykita junt'anaykipaj ama apankichu, khuchiriyoman qokuspa, chayrí qharipura t'inkinakuspa ganasqayki qolqeta. Chay jina ruwanata Tata Dios mana rikuyllatapis munanchu.

1 Timoteo 1:10

Jinallataj Diospa kamachisqan churasqa karqa: Khuchichakuspa purejkunapaj, qharipura khuchichakojkunapaj, runata suwajkunapaj, llullakojkunapaj, Diospa sutinta qhasita oqharejkunapaj, jinallataj cheqan yachachiypa contranpi sayaykojkunapaj ima.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.

Jueces 19:22

May kusiypi karishajtinkutaj, chay llajtamanta millay sajra runakuna wasita muyuykuspa, punkuta takayta qallarerqanku. Paykunataj nerqanku chay wasiyoj machu runata: Chay chayakamoj runaykita orqhomuy. Paywan puñuyta munayku, nispa.