Levítico 2:15 - DIOSPA QHELQACHISQ

¹⁵ Diosman jaywanamanqa aceiteta jich'anki, inciensotataj patanman churanki, imajtinchus chayqa Tata Diospaj ch'aki mikhuy jaywanamin.

Qheshwa Biblia DC

¹⁵ Chay rikuchikuman aceiteta jich'aykunki, inciensotataj patanman churaykunki. Chayqa Señorpa ch'aki mikhuna rikuchiku.

DIOSPA QHELQACHISQAN DEUTEROCANONICAL

¹⁵ Diosman jaywanamanqa aceiteta jich'anki, inciensotataj patanman churanki, imajtinchus chayqa Tata Diospaj ch'aki mikhuy jaywanamin.

Levítico 2:15 ပူးပေါင်းရင်းမြစ်များ

Éxodo 29:2

Chantá sumaj trigo jak'umanta mana levadurayoj t'antatawan, olivo aceitewan puñasqa mana levadurayoj tortillatawan ruwanki. Jinallataj aceitewan jawisqa, mana levadurayoj tortillata ruwallankitaj.

Éxodo 30:34

Chantá Tata Dios Moisesta nillarqataj: Sumaj k'achituta q'apashaj imakunata tantay: Mirra sutiyoj sach'aj waqayninta, yakupi kawsaj ch'uroj waqayninta, gálbano sach'aj waqayninta, chantá sumajnin kaj inciensotawan ima. Sapa ujta chhikakama tantanki.

Levítico 2:1

Chantá Moisés israelitakunata nerqa: Sichus pipis ch'aki mikhuymanta jaywanata Tata Diospaj apamunman chayqa, sumaj jak'uta apamunan tiyan. Chaymantaj aceiteta jich'aykonqa, inciensotataj churaykonqa.

Levítico 2:14

Maypachachus chajraykimanta ñawpaj kaj poqoyta Tata Diosman jaywanki chaypacha, poqosqa trigo umata jank'aspa apamunki, chayrí mosoj poqoymanta kutaspa apamunki. Chaytaj chajraykimanta ñawpaj poqosqanmanta jaywana kanqa.

Levítico 2:16

Sacerdotetaj mosoj grano kutasqata, aceiteta ima uj chhikanta oqharispa, chayta tukuy inciensotawan Tata Diospaj q'olachenqa. Chayqa noqa Tata Diosmin tukuy imata qoj kasqayta yuyarikunaykichejpaj kanqa.

Levítico 5:11

Sichus juchallejpata iskay jurk'utata, chayrí iskay urpi irpata rantikunanpaj mana tiyapunmanchu chayqa, juchallisqan pampachasqa kananpaj sumaj jak'umanta iskay kilota Diosman jaywananpaj apamunan tiyan. Sumaj jak'umanqa aceiteta, nitaj inciensotapis mana churananchu tiyan, imaraykuchus chayqa jucha pampachasqa kananpaj Diosman jaywanapaj kanqa.

Números 15:4

Tata Diosman jaywanaykichejpaj apamuspaqa, apamunallaykichejtaj tiyan, iskay kilo sumaj jak'uta, uj litro aceitewan puñasqata.