Levítico 2:10 - DIOSPA QHELQACHISQ

¹⁰ Diosman jaywanamanta puchojrí, Aaronpaj chantá churinkunapaj ima kanqa. Diosman jaywanamanta puchojqa Tata Diospaj t'aqasqa kasqanrayku, maypaj qhawasqa kanqa.

Qheshwa Biblia DC

¹⁰ Chay rikuchikumanta puchojqa sacerdotepaj kanqa. Chay rikuchikumanta puchojqa Señorpaj sumaj llimphuchasqa tukuy ruphachisqa rikuchikusmanta astawan. Chayqa Aarompaj miraynimpajwan kanqa.

DIOSPA QHELQACHISQAN DEUTEROCANONICAL

¹⁰ Diosman jaywanamanta puchojrí, Aaronpaj chantá churinkunapaj ima kanqa. Diosman jaywanamanta puchojqa Tata Diospaj t'aqasqa kasqanrayku, maypaj qhawasqa kanqa.

Levítico 2:10 ပူးပေါင်းရင်းမြစ်များ

2 Crónicas 31:14

Inti llojsimuy lado punkuta qhawaj Imnaj churin levita Coré karqa. Payqa qhawarqa sonqonkumanta Diosman ofrendata apamusqankuta. Payllataj Diosman jaywasqa ofrendakunata, chay Tata Diospaj t'aqasqa imakunatawan rak'inan karqa.

Esdras 2:63

Jinapi kamachejqa nerqa paykuna manaraj Diospaj t'aqasqa mikhuymanta mikhunankuta, uj sacerdote Urimnejta, chantá Tumimnejta Tata Diosta chaymanta tapurispa yachanankama.

Ezequiel 44:29

Jucha pampachanapaj uywa ñak'asqa jaywanamanta, chantá jucharayku jaywanamantawan paykuna mikhuyta atenqanku. Israelitakuna tukuy imata noqaman qowasqankoqa paykunajta kanqa.

Ezequiel 46:20

Kaynejpi sacerdotekunaqa jucharayku jaywasqa uywakunaj aychanta wayk'onqanku jinataj jaywana qosqa granotapis chayachenqanku. Ajinamanta jawa patioman chay imakunata mana orqhonqankuchu, israelitakunataj Diospaj t'aqasqa kasqankuta mana ch'ichichanqankuchu, nispa.

Levítico 10:12

Chantá Moisesqa Aaronta, iskaynin qhepakoj churinkuna Eleazarta, Itamarta ima nerqa: Tata Diosman ch'aki mikhuy jaywanamanta puchojtaqa altar qayllapi mana levadurayojta mikhuychej. Chay jaywasqaqa Tata Diospaj t'aqasqamin.

Levítico 14:13

Jinaspataj, sacerdoteqa chay corderota ñak'anqa, maynejpichus jucha pampachasqa kananpaj, chayrí q'olachispa Tata Diosman jaywanapaj uywata ñak'anku, chaypi. Jucha pampachasqa kananpaj Diosman jaywasqa, jinataj jucharayku Diosman jaywasqaqa sacerdotepaj kanqa, chay jaywasqa Tata Diospaj t'aqasqa kasqanrayku.

Levítico 2:3

Jaywanamanta puchoj jak'utaj Aaronpaj, churinkunapajwan ima kanqa. Chay jak'utaj Tata Diospaj t'aqasqa kasqanrayku, maypaj qhawasqa kanqa.

Levítico 21:22

Tata Diosman jaywana t'antata, jinataj Diospaj t'aqasqa imakunamantapis mikhuyta atillanqa.

Levítico 5:13

Ajinata sacerdote ruwanqa, imallapipis chay runaj juchallisqan pampachasqa kananpaj. Juchallejtaj qhespichisqa kanqa. Diosman jaywanamanta puchojtaj sacerdotepaj kanqa, imaynatachus ch'aki mikhuy jaywanamanta sacerdotekuna jap'inku, ajina, nispa.

Levítico 6:16

16 (9) Ch'aki mikhuy jaywanamanta puchojtataj Aaronwan, churinkunawan ima mikhonqanku, Dioswan Tinkukuna Toldoj pationpi, Diospaj T'aqasqa Cheqapi.

Levítico 6:23

23 (16) Sacerdotekunaj jaywasqankoqa tukuyninpuni q'olachisqa kanqa. Mana pipis chaymanta mikhonqachu, nispa.

Levítico 6:9

9 (2) Aaronta, churinkunatawan kamachiy: Uywa ñak'asqata q'olachispa Diosman jaywanataqa ajinata ruwankichej: Uywata ñak'aspa jaywanaqa sut'iyanankama altarpi ruphanan tiyan. Ninaqa altarpi tukuy tutantinta lawrashallananpuni tiyan.

Levítico 7:7

Jucha pampachasqa kananpaj jaywanaqa, jucharayku jaywana jinallataj kashan, chayrayku jaywanapaj kamachisqakunaqa iskayninpaj kikillan kanqa. Jucha pampachasqa kananpaj jaywasqa uywaj aychanqa jaywaj sacerdotepaj kanqa.

Números 18:9

Noqapaj t'aqaspa jaywawasqankumanta, mana q'olachispa jaywanamanta, kaykuna qanpaj kanqa: Ch'aki mikhuy jaywana, jucha pampachasqa kananpaj jaywana, chayrí jucharayku jaywana ima. Noqapaj t'aqasqa tukuy jaywanamanta, qanpaj chantá churiykikunapaj ima kanqa.

1 Samuel 2:28

Chantá Israelpa tukuynin ayllun ukhumanta sacerdoteykuna kanankupaj paykunata ajllakorqani, uywa ñak'asqa jaywanata altarniy patapi q'olachinankupaj, jinataj inciensota q'oshñichinankupaj, chantá unkuta ñawpaqeypi churakunankupaj ima. Chay jawa ñawpa tataykichejkunaman qollarqanitaj, imakunatachus israelitakuna Tata Diospaj apamunku, chaymanta mikhunankupaj.