Levítico 2:1 - DIOSPA QHELQACHISQ

¹ Chantá Moisés israelitakunata nerqa: Sichus pipis ch'aki mikhuymanta jaywanata Tata Diospaj apamunman chayqa, sumaj jak'uta apamunan tiyan. Chaymantaj aceiteta jich'aykonqa, inciensotataj churaykonqa.

Qheshwa Biblia DC

¹ Maypachachus mayqempis rikuchikuta ch'aki mikhuymanta Señorpaj apamunman chayqa, ñut'u jak'uta apamuchun. Chay jak'umanqa aceiteta jich'aykuchun, inciensotataj churaykuchun.

DIOSPA QHELQACHISQAN DEUTEROCANONICAL

¹ Chantá Moisés israelitakunata nerqa: Sichus pipis ch'aki mikhuymanta jaywanata Tata Diospaj apamunman chayqa, sumaj jak'uta apamunan tiyan. Chaymantaj aceiteta jich'aykonqa, inciensotataj churaykonqa.

Levítico 2:1 ပူးပေါင်းရင်းမြစ်များ

Éxodo 29:2

Chantá sumaj trigo jak'umanta mana levadurayoj t'antatawan, olivo aceitewan puñasqa mana levadurayoj tortillatawan ruwanki. Jinallataj aceitewan jawisqa, mana levadurayoj tortillata ruwallankitaj.

Isaías 43:23

Mana ovejakunata apamuwarqankichu ñak'aspa q'olachinapaj, nitaj uywa ñak'asqa q'olachinakunawan jatunchawarqankichu. Noqaqa mana sayk'ucherqaykichu, ch'aki mikhuy jaywanata mañasuspa, nitaj mat'iykorqaykichu sapa kuti inciensota q'oshñichinawaykipaj.

Isaías 66:20

Paykunallataj tukuy suyumanta tukuy aylluykichejta pusamonqanku, uj jaywanatapis Tata Diosman apamushankuman jina. Caballokunapi, carretakunapi chayamonqanku, wantunapi, mulakunapi, camellokunapi ima, Jerusalén ajllakusqay orqoyman. Ajinata noqa Tata Dios nini. Imaynatachus israelitakuna jaywanata apamunku Tata Diospa Templonman llimphu vasokunapi, kikillantataj aylluykichejta pusampusonqachej.

Ezequiel 46:20

Kaynejpi sacerdotekunaqa jucharayku jaywasqa uywakunaj aychanta wayk'onqanku jinataj jaywana qosqa granotapis chayachenqanku. Ajinamanta jawa patioman chay imakunata mana orqhonqankuchu, israelitakunataj Diospaj t'aqasqa kasqankuta mana ch'ichichanqankuchu, nispa.

Joel 1:9

Chay kikinta sacerdotekunapis waqaykunku, imaraykuchus Templopi ch'aki mikhuy jaywana manaña kanchu, nitaj vinopis kanchu Tata Diosman jaywanapaj.

Joel 2:14

Ichapis Tata Dios manaña nisqanman jina qankunata jasut'isonqachejchu. Aswanpis khuyarikuspa, chajrata poqochipusonqachej, vinotawan qosonqachej, Tata Diosniykichejman jaywanaykichejpaj.

Levítico 14:10

Pusaj kaj p'unchaypitaj iskay corderota mana iman imanasqata apamonqa. Jinallataj uj watayoj ovejata mana iman imanasqata apamullanqataj. Apamullanqataj, ch'aki mikhuy jaywanata jaywanapaj, sumaj jak'umanta aceitewan puñasqata sojta kilo khuskanniyojta, chantá khuskan botella aceitetawan.

Levítico 24:7

Sapa sinrumantaj mana chhapusqa inciensota churanki, chay t'antata sumajta q'aparichinanpaj. Jinaspataj inciensota Tata Diospa sutinpi q'olachinki.

Levítico 5:11

Sichus juchallejpata iskay jurk'utata, chayrí iskay urpi irpata rantikunanpaj mana tiyapunmanchu chayqa, juchallisqan pampachasqa kananpaj sumaj jak'umanta iskay kilota Diosman jaywananpaj apamunan tiyan. Sumaj jak'umanqa aceiteta, nitaj inciensotapis mana churananchu tiyan, imaraykuchus chayqa jucha pampachasqa kananpaj Diosman jaywanapaj kanqa.

Levítico 6:7

7 (5.26) Chantá sacerdoteqa chay runaj juchallisqan pampachasqa kananpaj, chay jaywanata Tata Diosman jaywanqa. Ajinata ruwasqanrayku, chay runaj mayqen juchallisqanpis pampachasqa kanqa, nispa.

Levítico 9:17

Chantá ch'aki mikhuy jaywanamanta uj pojtuta oqharispa, altarpi q'olacherqa, sut'iyayta q'olachispa jaywana uywatawan khuskata.

Levítico 9:4

Apamullaychejtaj uj torota, uj corderotawan allinyakuy jaywanata Tata Diosman jaywanapaj. Chantá apamullaychejtaj aceitewan puñasqa ch'aki mikhuy jaywanata, imaraykuchus Tata Diosqa Tukuy Atiyniyoj kasqanta kunan qankunaman rikuchisonqachej, nispa.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Números 18:9

Noqapaj t'aqaspa jaywawasqankumanta, mana q'olachispa jaywanamanta, kaykuna qanpaj kanqa: Ch'aki mikhuy jaywana, jucha pampachasqa kananpaj jaywana, chayrí jucharayku jaywana ima. Noqapaj t'aqasqa tukuy jaywanamanta, qanpaj chantá churiykikunapaj ima kanqa.

Números 28:5

Ch'aki mikhuymanta jaywanaqa sumaj jak'umanta iskay kilo uj litro olivo aceitewan puñasqa kanqa.

Números 29:18

Chay jawa, Tata Dios kamachisqanman jina, torillokuna, carnerokuna, corderokuna mashkhachus kasqanman jina jaywankichej ch'aki mikhuy jaywanantinta, chantá ch'ajchunapaj vinontinta ima.

Números 7:13

Payqa qolqemanta ruwasqa uj ch'illamita apamorqa. Apamusqan ch'illameqa 1.430 gramo pesarqa. Chantá qolqe metalmanta ruwasqa uj yurutawan apamullarqataj. Chay apamusqan yurutaj Dioswan Tinkukuna Toldopi chimpu churasqa kasqanman jina, 770 gramo pesarqa. Iskayninta aceitewan puñasqa sumaj jak'uwan junt'ata apamorqa, ch'aki mikhuy jaywanata Diosman jaywanapaj.

Números 7:19

Natanaelqa qolqe metalmanta ruwasqa uj ch'illamita apamorqa. Chaytaj 1.430 gramo pesarqa. Chantá qolqe metalmanta ruwasqa uj yuruta apamullarqataj. Chaytaj Dioswan Tinkukuna Toldopi chimpu churasqa kasqanman jina, 770 gramo pesarqa. Iskayninta aceitewan puñasqa sumaj jak'uwan junt'ata apamorqa, Diosman ch'aki mikhuy jaywanata jaywananpaj.

Números 8:8

Chaymantataj uj torillota apamullachunkutaj, aceitewan puñasqa sumaj jak'utawan ima ch'aki mikhuy jaywanata jaywanapaj. Jinallataj jucharayku Diosman jaywanapaj uj torillota apamullachunkutaj.

San Juan 6:35

Jesustajrí paykunata nerqa: Noqamin kawsayta qoj t'anta kani. Pillapis noqaman jamojqa mana jayk'ajpis yarqhachikonqachu, nillataj noqapi atinikojqa jayk'ajpis ch'akichikonqachu.

1 Juan 2:20

Aswanpis Cristoqa Santo Espiritunejta qankunata paypaj t'aqasorqachej, tukuyniykichejtaj cheqa kajta yachankichej.

1 Juan 2:27

Qankunamanrí Diosqa Santo Espirituta qosorqachej, paytaj qankunapi tiyakushan. Chayrayku mana pejpa yachachinanrajchu kanaykichej tiyan, manachayqa Santo Espíritu tukuy imata yachachisunkichej. Paypa yachachisqanqa cheqanmin, manataj llullachu. Chayrayku qankunaqa Cristowan allinpipuni kawsakuychej, imaynatachá Santo Espíritu yachachisorqachej, ajinata.

Judas 1:20

Qankunarí munasqa wawqe panakuna, Diospi sinch'ita atinikuyniykichejpi wiñaychej. Dioswan parlarikuspaqa, Santo Espíritu imatachus yuyaychasonqachej, chayta parlaychej.

Apocalipsis 8:3

Chaymantataj waj ángel jamuspa, altarpa ñawpaqenpi sayarqa, qorimanta incienso q'oshñichina jap'irisqa. Chantá chay angelman ashkha inciensota qorqanku, pay Diospa tukuy ajllakusqankunaj mañakusqankuman yapaspa, kamachina tiyanaj ñawpaqenpi, chay qori altarpi jaywananpaj.