Levítico 19:31 - DIOSPA QHELQACHISQ

³¹ Ama aysirikunata, nitaj layqakunatapis tapukunkichejchu. Sichus tapukoj rinkichej chayqa, ch'ichichakunkichej. Noqa Tata Diosmin Diosniykichej kani.

Qheshwa Biblia DC

³¹ Ama wañusqasta tapojkunamanqa qayllaychejchu, nitaj layqasmampis. Ama chaykunaman tapukuspataj ch'ichichakuychejchu. Noqa Señor Diosniykichejqa kani.

DIOSPA QHELQACHISQAN DEUTEROCANONICAL

³¹ Ama aysirikunata, nitaj layqakunatapis tapukunkichejchu. Sichus tapukoj rinkichej chayqa, ch'ichichakunkichej. Noqa Tata Diosmin Diosniykichej kani.

Levítico 19:31 ပူးပေါင်းရင်းမြစ်များ

2 Reyes 17:17

Chantá qhari wawankuta, warmi wawankutapis q'olachispa diosninkuman jaywarqanku. Jinallataj layqeriyoman, qhepanejman imachus kananmanta watunaman ima qokullarqankutaj. Tata Diospa rikunanta ajina millayta ruwanaman qokuspa, payta sinch'ita phiñacherqanku.

2 Reyes 21:6

Chay jawa churintapis q'olachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawanaman, aysiriman, layqeriyoman ima qokullarqataj. Ajinata Tata Diospa rikunanta millaytapuni ruwasqanwan Diosta sinch'ita phiñacherqa.

2 Reyes 23:24

Jinallataj Josiasqa layqakunata, aysirikunata wijch'ullarqataj. Chantá Judá suyupi, Jerusalenpiwan ima wasi lantikunata, tukuy imaymana millay yupaychana imakunatawan chinkacherqa. Ajinata ruwarqa sacerdote Hilcías Tata Diospa Templonpi tarisqan qhelqapi nisqanta junt'ananpaj.

1 Crónicas 10:13

Ajinata Saúl wañorqa, Tata Diospa kamachisqanta mana kasusqanrayku chantá Tata Diosta tapukunantaqa, uj aysiri warmita tapukoj risqanrayku.

2 Crónicas 33:6

Chay jawa Manasesqa Ben Jinón vallepi churinkunatapis ruphachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawayman, aysiri kayman, layqeriyoman ima qokorqa. Ajinata Tata Diospa rikunanta millaytapuni ruwaspa, sinch'ita phiñacherqa.

Éxodo 22:18

18 (17) Layqayta yachaj warmitaqa wañuchinkichejpuni.

Isaías 29:4

Chantá k'umuykuchisqa kaspa, ukhu pachamanta parlamunki, parlasqaykitaj ñut'u jallp'a ukhumanta uyarikonqa. Parlasqaykeqa almaj parlasqan jina kanqa, jallp'a ukhumantataj chhichimonqa.

Isaías 47:13

Ashkha yuyaychajkunawan sayk'usqaña kanki. Kunanqa janajta qhawajkuna jamuchunku. Paykuna ch'askakunata qhawaspa, sapa killa watunku, imachus qhepaman jamunanta willasojkuna, chay llakiy qhatirisunanmanta jark'asuchunku.

Isaías 8:19

Sichus runakuna nisonqachej: Tapuriychej aysirikunata, chhichinakuspa parlaj layqakunata ima, nispa chayqa, niychej: Manachu runaqa Diosnillanta tapurikunmanri? Wañusqakunatachu kawsajkunamanta tapurikunkumanri? nispa.

Levítico 19:26

Ama imatapis yawarniyojta mikhunkichejchu. Ama adivinaj kankichejchu, nillataj layqapis.

Levítico 19:3

Sapa ujpis mamaykichejta, tataykichejtapis jatun respetowan qhawaychej. Jinallataj samarina p'unchayniyta maypaj qhawaspa, samariychej. Noqa Tata Diosmin Diosniykichej kani.

Levítico 20:27

Sichus pi qhari, chayrí pi warmipis aysiri kanman, chayrí layqa kanman chayqa, payta rumiwan ch'anqasqa wañuchinkichej. Wañuchisqa kananpajqa paylla juchayoj kanqa, nispa.

Hechos 8:11

Jinataj tukuyninku Simonpa nisqanta kasoj kanku, imaraykuchus unaytaña layqeriyonwan paykunata q'otiyaykusqa.

Gálatas 5:20

lantita yupaychay, layqa kay, chejninakuy, maqanakuy, tumpanakuy, phiñanakuy, churanakuy, phiñanakuspa t'aqanakuy, mana cheqan yachachiykunata kasuy,

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

1 Samuel 28:3

Samuelqa ña wañupusqaña, tukuy israelitakunataj wañupusqanmanta waqasqanku. Chantá Ramá llajtanpi ayanta p'ampamusqanku. Jinallataj Saulqa Israel suyumanta tukuy yatirikunata, aysirikunata ima wijch'usqaña.