Levítico 19:3 - DIOSPA QHELQACHISQ

³ Sapa ujpis mamaykichejta, tataykichejtapis jatun respetowan qhawaychej. Jinallataj samarina p'unchayniyta maypaj qhawaspa, samariychej. Noqa Tata Diosmin Diosniykichej kani.

Qheshwa Biblia DC

³ Sapa ujniykichej respetachun tatanta, mamantawan. Jinallataj waqaychachun samarina p'unchaykunasniyta. Noqamin Señor Diosniykichejqa kani.

DIOSPA QHELQACHISQAN DEUTEROCANONICAL

³ Sapa ujpis mamaykichejta, tataykichejtapis jatun respetowan qhawaychej. Jinallataj samarina p'unchayniyta maypaj qhawaspa, samariychej. Noqa Tata Diosmin Diosniykichej kani.

Levítico 19:3 ပူးပေါင်းရင်းမြစ်များ

Génesis 48:12

Joseqa tatanpa moqon patamanta churinkunata oqharerqa, chantá pampakama k'umuykorqa.

Nehemías 9:14

Yachachillarqankitaj samarina p'unchaypi samarinankumanta. Kamachiyki Moisesnejta paykunaman waj kamachisqakunatawan, yachachiykunatawan ima yachacherqanki.

Éxodo 16:29

Yuyarikuychej noqa Tata Dios samarinapaj uj p'unchayta qoykichej. Chayrayku sojta kaj p'unchaypi mikhunataqa iskay p'unchaypaj qosqaykichej. Ajinaqa sapa ujniykichej toldoykichejpi qhepakunaykichej tiyan, samarina p'unchayta ama toldoykichejmanta llojsinaykichejpaj, nispa.

Éxodo 20:12

Tataykitawan, mamaykitawan ima sumaj respetowan qhawakuy. Ajinata ruwanki chayqa, Tata Diosniyki jallp'ata qosonqa, chaypi unayta kawsakunki.

Éxodo 20:8

Samarina p'unchayta ama qonqankichu, noqapaj t'aqasqa p'unchayniy kasqanrayku.

Éxodo 21:15

Pichus tatanta, chayrí mamanta maqajqa wañuchisqa kanqa.

Éxodo 21:17

Jinallataj sichus pipis tatanta, chayrí mamanta maldicinman chayqa, wañuchisqallataj kanqa.

Proverbios 1:8

Wawáy, tataykej k'amisusqanta uyariy, amataj pisipaj qhawaychu mamaykej yachachisusqantapis.

Proverbios 23:22

Pichus yumasoj tataykita uyariy. Mamaykitapis payayajtin, ama pisipaj qhawaychu.

Proverbios 30:11

Wakinkuna tatankuta maldicinku, mamankutapis mana saminchankuchu.

Proverbios 30:17

Pichus tatanta pisipaj qhawan, jinallataj paya mamanmanta alqochakun chayqa, chay runaj ñawinta qharqañakuna sik'ichunku, ankakunapis kawsashajta oqoykuchunku.

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

Ezequiel 20:12

Chantapis, paykunaman samarina p'unchayniyta qollarqanitaj, paykunawan trato ruwasqaymanta señal kananpaj, noqa Tata Dios chay p'unchayta noqapaj t'aqasqayta yachanankupaj.

Levítico 11:44

Noqa Tata Diosniykichej kani. Chayrayku qankunaqa noqapaj t'aqasqa jina allinta puriychej, imaraykuchus noqaqa may llimphu kani. Qankunaqa amapuni pampata qhatatakuspa purej animalkunata llojchispa ch'ichichakunkichejchu.

Levítico 19:25

Phishqa watamantataj poqosqanta mikhuyta atinkichej. Ajinamanta sach'aykichejqa astawan poqopusonqachej. Noqa Tata Diosmin Diosniykichej kani.

Levítico 19:30

Samarina p'unchayniykunapi samariychejpuni. Tiyakunay cheqatapis respetowan qhawaychej. Noqamin Tata Dios kani.

Levítico 19:31

Ama aysirikunata, nitaj layqakunatapis tapukunkichejchu. Sichus tapukoj rinkichej chayqa, ch'ichichakunkichej. Noqa Tata Diosmin Diosniykichej kani.

Levítico 19:34

Paykunataqa llajta masiykichejta jina qhawaychej, qankunata jinataj munakuychej, imaraykuchus qankunapis Egiptopi waj llajtayoj jinallataj tiyakorqankichej. Noqa Tata Diosmin Diosniykichej kani.

Levítico 23:3

Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Levítico 26:2

Samarina p'unchayniypi samarinkichejpuni. Noqata yupaychana cheqatapis jatun respetowan qhawankichej. Noqamin Tata Dios kani.

Malaquías 1:6

Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

Deuteronomio 27:16

Jinallataj levitakuna nillanqankutaj: Maldicisqa kachun pichus tatanta, mamanta pisipaj qhawajqa, nispa. Tukuy israelitakunataj nenqanku: Ajina kachun, nispa.

Deuteronomio 5:16

Tata Diosniyki kamachisusqanman jina, tataykita, mamaykitapis jatun respetowan qhawakunki. Ajinata ruwanki chayqa, Tata Diosniyki jallp'ata qosonqa chaypitaj unayta kawsanki, chantá allillan risonqa.

Hebreos 12:9

Mana chayllachu, wawa kashajtinchej tata mamanchej cheqan ñanman churanawanchejpaj jasut'iwasqanchejrayku, noqanchej paykunata jatun respetowan qhawakoj kanchej. Jina chayqa, manachu astawanraj janaj pacha Tatanchejman k'umuykusunman wiñaypaj kawsananchejpaj?