Levítico 19:18 - DIOSPA QHELQACHISQ

¹⁸ Ama vengakunkichu, nillataj llajta masiykita phiñapayankichu. Astawanqa payta qan kikiykita jina munakunki. Noqamin Tata Dios kani.

Qheshwa Biblia DC

¹⁸ Ama llajta masiykimanqa ima sajramanta ayñita kutichinkichu. Runa masiykita ama chejninkichu. Astawanqa, paykunata munakuy qan kikiykita jina. Noqamin Señorqa kani.

DIOSPA QHELQACHISQAN DEUTEROCANONICAL

¹⁸ Ama vengakunkichu, nillataj llajta masiykita phiñapayankichu. Astawanqa payta qan kikiykita jina munakunki. Noqamin Tata Dios kani.

Levítico 19:18 ပူးပေါင်းရင်းမြစ်များ

Génesis 4:23

Uj kuti Lamecqa warminkunata nerqa: Ada, Silá, imatachus nisqayta sumajta uyariwaychej: Warmiykuna, noqaqa uj runata wañucherqani wajtawasqanrayku, uj waynatapis wañuchillarqanitaj sajmawasqanrayku.

2 Samuel 13:22

Absalonpis manallataj imatapis Amnontaqa nerqachu. Chaywanpis payta sinch'ita chejnikorqa, panan Tamarpa honranta t'akasqanmanta.

2 Samuel 13:28

Absalonqa kamachinkunata yachaykuchisqa: Sumajtamin Amnonta qhawankichej. Machaykojtinkama, noqa nisqaykichej wañuchinaykichejta, qankunataj payta wañuchinkichej. Ama manchachikuychejchu nisqayman jina ruwaytaqa. Kallpachakuychej, wapuchakuychejtaj, nispa.

Salmos 103:9

Mana sapa kutichu k'amiwanchej, nitaj wiñaypajchu phiñakun.

Éxodo 20:16

Ama runa masiykej contranta llullakuspa parlankichu.

Proverbios 20:22

Amapuni jayk'ajpis niychu: Vengakusaj, nispa. Tata Diospi atinikuy, paytaj yanapasonqa.

Levítico 19:34

Paykunataqa llajta masiykichejta jina qhawaychej, qankunata jinataj munakuychej, imaraykuchus qankunapis Egiptopi waj llajtayoj jinallataj tiyakorqankichej. Noqa Tata Diosmin Diosniykichej kani.

San Mateo 19:16

Chaypacha uj runa Jesusman qayllaykuspa, nerqa: Yachachej Wiraqochíy, ima allin kajtataj ruwasaj wiñay kawsayniyoj kanaypajri? nispa.

San Mateo 19:19

Chantá tataykita, mamaykitapis jatunpaj qhaway, jinallataj runa masiykitapis qan kikiykita jina munakuy, nispa.

San Juan 13:34

Kunantajrí kay mosoj kamachisqata yachachiykichej: Qankunapura munakuychej. Imaynatachus noqa munakorqaykichej, ajinallatataj qankunapis purajmanta munakuychej.

Hechos 16:28

Pablotajrí sinch'ita qhaparerqa: Ama imanakuychu, tukuyniyku kaypi kashayku, nispa.

Romanos 12:17

Ama pimanpis sajramanta sajrallatataj kutichiychejchu. Manachayqa tukuy runaj rikunanta allin kajtapuni ruwayta munaychej.

Romanos 12:19

Munasqa wawqe panakuna, ama qankuna kikiykichej vengakuychejchu, manachayqa saqeychej Dios millayta ruwajkunata jasut'inanta. Diospa Qhelqachisqanpi nin: Tukuyta Kamachej Dios nin: Vengakunaqa noqajta. Ruwasqankuman jina jasut'ispa, noqa pagachikusaj, nispa.

Romanos 13:4

Kamachejqa allinniykipaj Diospa kamachisqanta ruwan. Manatajchus allinta ruwanki chayrí, manchachikuy, imaraykuchus kamachejqa mana qhasipajchu churasqa. Aswanpis payqa Diospa kamachinmin, mana allinta ruwajta jasut'inanpaj.

Romanos 13:9

Chay kamachisqaqa ajinata nin: Ama khuchichakuspa qhenchachakunkichu. Ama runata wañuchinkichu. Ama suwakunkichu. Amallataj wajpa kapuyninta munapayankichu, nispa. Chaywanpis chay kamachisqakuna jinataj waj kamachisqakunapis, Diospa kay kamachisqanta ruwaspa junt'anchej: Runa masiykita munakunki qan kikiykita jina, nisqa kamachisqata.

Gálatas 5:14

Ajinata ruwaychej, imaraykuchus Moisespa tukuy kamachisqanta junt'anchej kay kamachisqata kasuspa: Runa masiykita qan kikiykita jina munakunki, nispa kamachisqanta.

Gálatas 5:20

lantita yupaychay, layqa kay, chejninakuy, maqanakuy, tumpanakuy, phiñanakuy, churanakuy, phiñanakuspa t'aqanakuy, mana cheqan yachachiykunata kasuy,

Efesios 4:31

Qankunamanta tukuy jaya sonqo kayta, phiñakuyta, phiñasqalla puriyta ima wijch'uychej. Jinallataj qhaparqachayta, runata tumpayta, chantá tukuy imaymana mana allin puriyta ima wijch'ullaychejtaj.

Deuteronomio 32:25

Ñankunapi wawanku espadawan wañuchisqa kanqanku, wasi ukhupitaj manchay manchachikuy kanqa. Waynakuna, sipaskuna, machu runakuna, ñuñoj wawakuna ima, tukuyninku wañuchisqa kanqanku.

Deuteronomio 32:35

Vengakunayqa noqajta, noqataj pagapusaj. Maychus wakichisqay p'unchaypi misk'anqanku, sonqo nanayman tukuchisqa kananku p'unchay qayllallapiña. Juzgasqa kanankupis kayllapiña kashan, nispa.

Colosenses 3:8

Kunanrí qankuna kaykunatapis saqenallaykichejtaj tiyan: K'arajta phiñakuyta, phiñasqalla kayta, wajkunata mana allin kajta ruwayta, p'enqaypi rikhurichispa rimayta, ch'ichi parlaykunata ima.

Hebreos 10:30

Noqanchej Tukuyta Kamachej Diospa nisqanta yachanchej: Vengakunaqa noqajtamin, jinataj ruwasqankuman jina noqa pagachikusaj, nispa nisqanta. Nillarqataj: Tukuyta Kamachej Diosqa ayllunta juzganqa, nispa.

Santiago 2:8

Diospa Qhelqachisqanpi kuraj kaj kamachisqa kay jinata nin: Runa masiykita munakuy qan kikiykita jina, nispa. Chaytachus tukuy sonqo junt'ankichej chayqa, allinta ruwankichej.

1 Pedro 2:1

Chayrayku qankunaqa kay jina millay ruwaykunata saqeychej: Tukuy imaymana q'otiriyota, puraj uya kayta, envidiakuyta, runaj contranpi tukuy imaymana rimakuytawan ima.

1 Juan 4:21

Diostajrí kay jinata kamachiwarqanchej: Pichus Diosta munakojqa Jesucristota qhatej masintapis munakullachuntaj, nispa.