Levítico 19:14 - DIOSPA QHELQACHISQ

¹⁴ Ama joq'aramanta alqorakunkichejchu. Amallataj ni ima misk'anata ñawsa runaj ñawpaqenman churankichejchu. Manachayrí Diosniykichejta may jatun respetowan qhawawankichej. Noqamin Tata Dios kani.

Qheshwa Biblia DC

¹⁴ Ama joq'ara kajpa contranta maldicinkichu. Ama ni ima pantanata ciegoj purinanman churankichu. Diosniykita manchachikunki. Noqamin Señorqa kani.

DIOSPA QHELQACHISQAN DEUTEROCANONICAL

¹⁴ Ama joq'aramanta alqorakunkichejchu. Amallataj ni ima misk'anata ñawsa runaj ñawpaqenman churankichejchu. Manachayrí Diosniykichejta may jatun respetowan qhawawankichej. Noqamin Tata Dios kani.

Levítico 19:14 ပူးပေါင်းရင်းမြစ်များ

Génesis 42:18

Kinsa p'unchaymantataj José paykunata nerqa: Noqaqa Diosta manchachikuni. Sichus kawsayta munankichej chayqa, kayta ruwaychej:

Nehemías 5:15

Noqamanta aswan ñawpaj kaj kamachejkunaqa tukuy runata ch'irwasqanku. Paykunaqa tawa chunka qolqeta sapa p'unchay pagachikoj kanku mikhunankupaj, ujyanankupajwan. Chay kamachejkunaj kamachinkunapis runakunawan munayninkuta ruwallajtaj kanku. Noqarí mana chayta ruwarqanichu Diosta may jatun respetowan qhawasqayrayku.

Salmos 111:10

Yachayniyoj kanapajqa ñawpajta Tata Diosta manchay jatun respetowan qhawana tiyan. Pikunachus kamachisqankunata kasojkunaqa sumaj yuyayniyoj kanku. Tata Diosqa wiñaypaj jatunchasqapuni kanqa.

Levítico 19:15

Qan juez kaspaqa, cheqanta ruwanki, ama wajchaman sayakuspa, nitaj qhapajman. Justiciataqa cheqantapuni ruwanki.

Levítico 19:32

Machu runataqa sayarikuspa napaykunki, jinallataj manchay respetowan qhawanki. Diosniykitapis manchachikunki. Noqamin Tata Dios kani.

Levítico 25:17

Ama pipis runa masiykichejta q'otiyankichejchu. Noqa Tata Diosniykichejta jatun respetowan maypaj qhawawaychej. Noqa Tata Diosmin Diosniykichejqa kani.

Romanos 12:14

Qankunata qhatiykachajkunata saminchaychej. Jinataj Diosmanta paykunapaj mañapuychej, amataj maldiciychejchu.

Romanos 14:13

Chayrayku amaña ujkuna ujkuna juchachanakunachu. Aswanpis sonqomanta munana allinta puriyta ama wawqenchejta misk'achinapaj, nitaj payta juchallichinapaj.

1 Corintios 10:32

Ama imatapis ruwaychejchu judiokuna, chantá mana judío kajkuna Diosman kutirikuyta mana munanankupaj jinaqa. Nillataj imatapis ruwaychejchu Diospa iglesianmanta kajkuna juchallinankupaj jina.

Deuteronomio 27:18

Chantá levitakuna nillanqankutaj: Maldicisqa kachun pichus ñawsa runata q'otiyaspa ñanninmanta musphachejqa, nispa. Tukuy israelitakunataj nenqanku: Ajina kachun, nispa.

1 Pedro 1:17

Sichus Diosta Tataykichejpaj rejsikapunkichej chayqa, waj llajtayoj jina kaypi kawsanaykichejkama payta may jina jatun respetowan qhawaspa kawsaychej. Payqa sapa runata ruwasqanman jina juzgan, ni piman kutikuspa.

1 Pedro 2:17

Tukuy runata respetowan qhawaychej. Jesucristota qhatej masiykichejtapis munakuychej. Diostapis may jatun respetowan qhawaychej, jinallataj kuraj kamachejtapis jatun respetowan qhawallaychejtaj.

Apocalipsis 2:14

Chaywanpis contraykipi noqa kayta nini: Qanqa Balaampa yachachisqanta qhatejkunata qhawakushallanki. Balaamqa kuraj kamachej Balacta yuyaychasqa israelitakunata juchallichinanta, lantikunaman jaywasqata mikhunankupaj, chantá khuchichakunankupaj ima.