Levítico 19:12 - DIOSPA QHELQACHISQ

¹² Amamin sutiypi tiluspa llullakunkichejchu, imaraykuchus Diosniykichejpa sutinta pisipaj qhawawajchej. Noqamin Tata Dios kani.

Qheshwa Biblia DC

¹² Amamin sutiypi llullakuspaqa jurankichejchu, imaraykuchus jinamanta qankunaqa sutiyta qhesachawajchej. Noqamin Señorqa kani.

DIOSPA QHELQACHISQAN DEUTEROCANONICAL

¹² Amamin sutiypi tiluspa llullakunkichejchu, imaraykuchus Diosniykichejpa sutinta pisipaj qhawawajchej. Noqamin Tata Dios kani.

Levítico 19:12 ပူးပေါင်းရင်းမြစ်များ

Salmos 15:4

Chaypi tiyakullanqataj, pichus Diospa chejnisqan runata chejnej, pichus Tata Diosta tukuy respetowan may jatunpaj qhawajta jatunchaj, pitajchus mana allin rishajtinpis, imatachus nisqanta junt'aj.

Éxodo 20:7

Ama Tata Diosniykej sutinta yanqhata oqharinkichu. Pichus sutiyta yanqhata oqharejtaqa, mana qhawakullasajchu.

Isaías 48:1

Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Jeremías 34:16

Chaywanpis qhepaman kutirispa, sutiyta sarorqankichej. Kachariporqankichej, chay runakunata munajta mana munajta watej wata runa kanankupaj jap'ikapullankichejtaj.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Jeremías 5:2

Paykuna llullakuspa, tilunku: Tata Diospa sutinrayku tiluni, nispa, nitaj nisqankuta junt'ankuchu, nispa.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Levítico 18:21

Amapuni Moloc sutiyoj lantiman wawaykita q'olachispa jaywankichu. Ama ajinata ruwaspa Diosniykej sutinta p'enqaypi rikhurichinkichu. Noqamin Tata Dios kani.

Levítico 20:3

Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa.

Levítico 24:11

Mamanqa israelita ayllumanta Dibrij ususin Selomit karqa. Chantá payqa Diospa contranta rimaspa, Diospa sutinta maldicerqa. Chayrayku chay runata Moisesman pusamorqanku.

Levítico 6:3

3 (5.22) Manachayrí imatapis tarisqanta pakaykuspa juchallinman, chayrí qhasita tiluspa, runakuna imata ruwaspachus juchallinku, chaykunata ruwaspa.

Zacarías 5:3

Chantá ángel niwarqa: Chaypi, tukuy Israel suyupaj maldición kanamanta qhelqasqa kashan. Puraj ladonpi qhelqasqa kashan. Ujnin ladonpi nin pichus suwajqa chinkachisqa kananta, ujnin ladonpitaj nin qhasimanta tilojqa jasut'inamanta mana llusp'inanta.

Zacarías 5:4

Tukuy Atiyniyoj Tata Dios nin: Noqa chay maldicionta chayachimusaj, pikunachus suwanku, pikunatajchus qhasimanta sutiypi tilunku, chaykunaj wasinkuman yaykunanpaj. Kay maldiciontaj chayllapi qhepakonqa wasej kurkunkuna, jinataj ruminkunapis chinkarparichisqa kanankama, nispa.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Deuteronomio 5:11

Ama qhasi manakajta Tata Diosniykej sutinta oqharinkichu, pichus sutinta yanqhata oqharejtaqa Tata Dios mana qhawakullanqachu.

Santiago 5:12

Munasqa wawqe panaykuna, tukuy imamanta astawanqa amapuni tiluychejchu, ni janaj pacharayku, nitaj kay pacharaykupis, nillataj waj imakunaraykupis. Maypachachus arí, nispa ninkichej chaypachaqa, ajina kachun. Maypachachus mana, nispa, ninkichej chaypacharí, ajinallataj kachun, ama juchachasqa kanaykichejpaj.