Levítico 19:11 - DIOSPA QHELQACHISQ

¹¹ Ama suwakunkichejchu. Amallataj llullakuychejchu, nillataj ujkuna ujkunawan q'otiyanakuychejchu.

Qheshwa Biblia DC

¹¹ Ama suwaychejchu. Ama llullakuychejchu, nitaj ch'aukiyanakuychejchu.

DIOSPA QHELQACHISQAN DEUTEROCANONICAL

¹¹ Ama suwakunkichejchu. Amallataj llullakuychejchu, nillataj ujkuna ujkunawan q'otiyanakuychejchu.

Levítico 19:11 ပူးပေါင်းရင်းမြစ်များ

2 Samuel 17:20

Chantá Absalonpa runankuna chayaspa, chay warmita taporqanku: Maypitaj kashanku Ajimazwan, Jonatanwanri? nispa. Chay warmitaj kuticherqa: Kayninta mayunejman rerqanku, nispa. Chaypacha Absalonpa runankunaqa paykunata mask'amorqanku, mana tarispataj, Jerusalenman kutiporqanku.

1 Reyes 13:18

Machu runatajrí nerqa: Noqapis qan jina Diosmanta sut'inchajllataj kani, Tata Diospa uj angelnintaj kamachiwan: Rispa, Diosmanta sut'inchajta wasiykiman pusamuy mikhunanpaj, ujyananpaj, nispa. Chaywanpis machu runaqa llullakushasqa.

Salmos 101:7

Llulla runarí wasiypi mana tiyakonqachu, puraj uya kajkunamantataj mana ujpis ñawpaqeypi kayta atenqankuchu.

Salmos 116:11

Mana imata ruwayta atispa, nerqani: Tukuy runakuna llulla kanku, nispa.

Éxodo 20:15

Ama suwankichu.

Éxodo 20:16

Ama runa masiykej contranta llullakuspa parlankichu.

Éxodo 20:17

Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.

Éxodo 22:1

1 (21.37) Sichus pipis bueyta, chayrí ovejata suwaspa ñak'anman, chayrí vendenman chayqa, pichus uj bueyta suwaj phishqa bueyta kutichipunan tiyan, uj ovejamantarí tawata.

Éxodo 22:7

7 (6) Sichus pipis runa masinman qolqeta, chayrí imatapis jap'ichikunman chayqa, chay runataj wasinmanta suwachikunman chayqa, pichus suwakushajta jap'ichikoj uj jinatawan kutichiponqa.

Éxodo 23:1

Tata Dios israelitakunata kamachillarqataj: Ama llullakuspa imatapis parlallankichu. Amataj millay runawan yachachinakunkichu, llullakuspa parlanaykipaj.

Proverbios 24:28

Ama runa masiykej contranta qhasimanta testigo kaychu, amataj ima llullatapis parlaychu.

Jeremías 6:13

Tukuyninku jatunmanta juch'uykama, mana allinta ruwaspa qolqe mirachiyllapi yuyanku. Jinallataj sut'inchajkuna, sacerdotekunapis runakunata q'otiyanallapi yuyanku.

Levítico 19:10

Uva huertaykichejmanta ama tukuynintachu pallankichej, nitaj pampaman t'akakojtapis oqharinkichejchu. Chayqa pisi tiyapuyniyojkuna, jinallataj waj llajtayojkuna pallakunankupaj kanqa. Noqa Tata Diosmin Diosniykichej kani.

Romanos 3:4

Chayqa mana jinachu, aswanpis tukuy runakuna llulla kanku chaypis, Diosqa cheqa kajtapuni parlan. Diospa Qhelqachisqanpi nin: Nisqaykinejta cheqan kasqaykita rejsichikunki, juzgasojtinkutaj, atipanki, nispa.

Efesios 4:25

Chayrayku llullakuyta saqespa, sapa ujpis runa masiykichejwan cheqa kajta parlaychej, imaraykuchus tukuy uj ukhullaman ujchasqa kanchej.

Efesios 4:28

Pichus suwakojqa amaña suwachunchu, manachayqa allin kajta ruwaspa, kawsananpaj ganakuchun. Ajinata ruwajtin, qolqeyoj kanqa pisichikojta yanapariyta atinanpaj.

Deuteronomio 5:19

Ama suwankichu.

Colosenses 3:9

Amallataj qankunapura llullanakuychejchu, imajtinchus juchallispa purinaman aysaj sonqota lluch'ukuspa wijch'orqankichejña.

1 Timoteo 1:10

Jinallataj Diospa kamachisqan churasqa karqa: Khuchichakuspa purejkunapaj, qharipura khuchichakojkunapaj, runata suwajkunapaj, llullakojkunapaj, Diospa sutinta qhasita oqharejkunapaj, jinallataj cheqan yachachiypa contranpi sayaykojkunapaj ima.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.