Levítico 19:10 - DIOSPA QHELQACHISQ

¹⁰ Uva huertaykichejmanta ama tukuynintachu pallankichej, nitaj pampaman t'akakojtapis oqharinkichejchu. Chayqa pisi tiyapuyniyojkuna, jinallataj waj llajtayojkuna pallakunankupaj kanqa. Noqa Tata Diosmin Diosniykichej kani.

Qheshwa Biblia DC

¹⁰ Uvas sach'asniykimanta ama tukuyninta pallankichu, nitaj pampaman urmajkunatapis oqharinkiñachu; imaraykuchus chaykunata wajchas pallakonqanku, jinallataj karu llajtayojkunapis. Noqamin Señor Diosniykichejqa kani.

DIOSPA QHELQACHISQAN DEUTEROCANONICAL

¹⁰ Uva huertaykichejmanta ama tukuynintachu pallankichej, nitaj pampaman t'akakojtapis oqharinkichejchu. Chayqa pisi tiyapuyniyojkuna, jinallataj waj llajtayojkuna pallakunankupaj kanqa. Noqa Tata Diosmin Diosniykichej kani.

Levítico 19:10 ပူးပေါင်းရင်းမြစ်များ

Isaías 17:6

Chay suyupi pisi runakunalla qhepakonqanku, imaynatachus olivo sach'ata thalajtinchej puntanpi uj iskayllaña aceituna qhepakun, chayrí thansanpi tawa phishqallaña qhepakun, ajina. Ajinata Israelpa Tata Diosnin nin.

Isaías 24:13

Chay ñak'areyqa ajinapuni kanqa kay pachapi kaj chhika suyukunapi. Chayrayku pisilla puchonqanku, imaynatachus olivo poqoyta k'aspiwan thallanku, chayrí poqoy pasayta uva puchojta chajmanku, ajina kanqa.

Jeremías 49:9

Uvata pallajkuna jamuspa, mana tukuynintachu pallanku. Ch'isinpi suwakuna jamojtinkupis, atisqallankuta apanku.

Levítico 11:44

Noqa Tata Diosniykichej kani. Chayrayku qankunaqa noqapaj t'aqasqa jina allinta puriychej, imaraykuchus noqaqa may llimphu kani. Qankunaqa amapuni pampata qhatatakuspa purej animalkunata llojchispa ch'ichichakunkichejchu.

Levítico 19:11

Ama suwakunkichejchu. Amallataj llullakuychejchu, nillataj ujkuna ujkunawan q'otiyanakuychejchu.

Levítico 19:25

Phishqa watamantataj poqosqanta mikhuyta atinkichej. Ajinamanta sach'aykichejqa astawan poqopusonqachej. Noqa Tata Diosmin Diosniykichej kani.

Levítico 19:9

Chajra oqharina tiempo chayamojtenqa, ama tukuynintachu ruthunkichej. Trigo uma t'akakojtaqa amaña chajmankichejchu.

Levítico 23:22

Maypachachus chajra oqharina chayamojtin, ama tukuynintachu ruthunkichej, nitaj t'akakoj umatapis chajmankichejchu. Chaytaqa wajchakuna, waj llajtayojkuna ima chajmakunankupaj saqenkichej. Noqa Tata Diosmin Diosniykichej kani, nispa.

Levítico 25:6

Jallp'a samarinan watapi payllamanta poqojta mikhunkichej, chayta qhari wata runaykichej, warmi wata runaykichej, chantá peonniykichej ima mikhullanqankutaj. Chantá qanwan tiyakoj waj llajtayojpis pachallanmanta poqojta mikhullanqataj.

Abdías 1:5

Sichus tutapacha suwaj jamusunkuman chayqa, mana tukuytachu apakapunkuman. Sitajchus uvata pallajkuna jamunkuman chayqa, wakin uvallatapis saqerinkuman. Awqaykikunarí chinkasqata chinkarparichisonqanku.

Miqueas 7:1

Ay, imallapichus tukukusaj. Noqa chajmakoj jina kani, pichus poqoyta pallay tukukuyta higota, chayrí uva chhullchuta mask'an, ajina. Chaywanpis mana imatapis tarinichu, imajtinchus pallajkuna tukuyninta pallasqanku.

Deuteronomio 24:19

Sichus ruthushaspa uj trigo marq'ata qonqaspa saqerpariwajchej chayqa, amaña chayta oqharej kutinkichejchu. Saqeychej waj llajtayoj runa, chayrí wajcha wawa, chayrí warmisapa chayta oqharikunanpaj. Ajinata ruwajtiykichej, tukuy ima ruwasqaykichejpi Tata Diosniykichej yanapasonqachej.

Deuteronomio 24:20

Aceitunata pallaspaqa amaña chajmankichejchu. Waj llajtayojkuna, wajcha wawakuna, chantá warmisapakuna ima chajmakunankupaj saqeychej.

Deuteronomio 24:21

Uvata pallaspapis, amaña chajmankichejchu. Waj llajtayojkuna, wajcha wawakuna, chantá warmisapakuna ima chajmakunankupaj saqellaychejtaj.

Jueces 8:2

Gedeontajrí kuticherqa: Manachu reparakorqankichej, qankuna noqamanta astawan ruwasqaykichejta? Chay pisi ruwasqaykichejqa astawanraj valen noqayku Abiezerpa ayllunpa ruwasqaykumanta nisqaqa.

Rut 2:2

Ujpacha Moabmanta Rutqa Noemita nerqa: Chajra pataman riyta munani. Ichá mayqellanpis cebadata chajmakojta saqewanman, nispa. Suegrantaj kuticherqa: Rillay, wawáy, nispa.