Levítico 17:5 - DIOSPA QHELQACHISQ

⁵ Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku.

Qheshwa Biblia DC

⁵ Israelitasqa Señorman apamuchunku uywasninkuta, campopi ñak'ayta yachanku chayta Dioswan tinkukuna toldo punkupi sacerdote allinyanakuy ofrendata jaywanankupaj, jinamanta ama maypipis chay uywasta ñak'anallankupaj.

DIOSPA QHELQACHISQAN DEUTEROCANONICAL

⁵ Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku.

Levítico 17:5 ပူးပေါင်းရင်းမြစ်များ

Génesis 21:33

Abrahamtaj uj tamarindo sach'ata chaypi churarqa. Chantá Bersebapi Abrahamqa Wiñay Kawsayniyoj Tata Diosta yupaycharqa.

Génesis 22:13

Chantá Abraham qhawarispa, sach'a ukhupi uj carnerota rikorqa wajranmanta ch'ipaykusqata. Chantá pay carnerota aysamuytawan ñak'aspa, churinpa cuentamanta altarpi q'olachispa Diosman jaywarqa.

Génesis 22:2

Chantá Dios nerqa: Munasqa churiyki Isaacta pusariykukuspa, Moriah sutiyoj cheqanejman riy. Chayman chayaspataj, churiykita q'olachispa, noqaman jaywawanki, may orqopichus nisqayki, chaypi, nispa.

Génesis 31:54

Chaymanta Jacobqa orqopi uj uywata ñak'aspa, Diosman q'olacherqa. Jinaspataj, tukuy ayllunta mikhunankupaj wajyarqa. Ajinata tukuyninku mikhorqanku, chay orqopitaj sut'iyanankama karqanku.

1 Reyes 14:23

Paykunaqa loma patapi altarkunata ruwarqanku. Chantá Asera lantikunata tukuynej orqo patapi, jatuchaj thansa sach'a urapipis sayachillarqankupuni.

1 Reyes 3:2

Chaykama israelitakunaqa loma pata chay altarkunallapiraj uywa ñak'asqata jaywaj kanku, imaraykuchus chaykama Tata Diospa sutinpi Templo manaraj ruwasqachu karqa.

1 Reyes 3:3

Salomonqa Tata Diosta munakoj, tatan Davidpa kamachisqanman jina purispa. Chaywanpis payqa loma pata altarkunapi uywa ñak'asqata jaywajraj, inciensotapis q'oshñichejraj.

2 Reyes 16:4

Ajinallatataj orqokuna patapi, moqokuna patapi, jinataj tukuy thansarara sach'a urapipis uywa ñak'asqata q'olachispa waj dioskunaman jaywarqa, inciensotapis q'oshñicherqa.

2 Reyes 17:10

Chantá tukuy orqokunapi, tukuy thansarara sach'a urapi ima rumimanta lantikunata, Asera lantikunata ima sayacherqanku.

2 Crónicas 28:4

Loma patapi jinataj thansa sach'a urapipis lantikunata yupaychaspa, uywa ñak'asqata jaywarqa, inciensotataj q'oshñicherqa.

Éxodo 24:5

Chantá Moisesqa waynakunata kacharqa, torillokuna ñak'asqata q'olachispa, Tata Diosman jaywanankupaj. Jaywallarqankutaj k'achata kawsakuy jaywanatapis.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Ezequiel 22:9

Qanpi tiyakojkuna runata wañuchinankupaj llullakunku. Orqokunapi lantikunaj sutinkupi mikhuy wayk'usqata mikhumoj rinku, millay khuchiriyotataj ruwanku.

Ezequiel 43:27

Chay p'unchaykunata junt'aspataj, pusaj kaj p'unchaymanta jaqaymanqa sacerdotekuna chay altar patapi uywakunata ñak'aytawan, ninapi q'olachispa jaywanqanku, jinallataj allin kawsakuy jaywanatapis. Chaypacha noqa tukuy sonqo jaywawasqaykichejta jap'ikusaj. Noqa Tukuyta Kamachej Tata Diosmin chayta nini.

Ezequiel 44:15

Chaywanpis Sadocpa miraynin levitakunamanta wakin sacerdotekuna Temploypi imachus ruwanankunata allinta junt'arqanku, maypachachus Israel ayllu noqamanta karunchakusharqanku, chaypacha. Chayrayku paykuna ñawpaqeyman qayllamuspa, imachus ruwana kajta ruwanankupaj. Chantá wirata, yawartawan jaywanawankupaj ñawpaqeypipuni kanqanku. Noqa Tukuyta Kamachej Tata Diosmin chayta nini.

Levítico 17:4

Dioswan Tinkukuna Toldo punkuman apamuspa ñak'anan tiyan Tata Diosman jaywanapaj. Sichus jaramanta jawapi, chayrí jara ukhupi ñak'anman chayqa, runa wañuchipis kanman jina juchachasqa kanqa. Chayrayku llajtanmanta chinkachisqa kanqa.

Levítico 17:6

Sacerdoteqa Dioswan Tinkukuna Toldo punkupi, Tata Diospa altarninta ñak'asqa uywaj yawarninwan ch'ajchonqa. Uywaj wiranta q'olachispataj, Tata Diosman jaywanqa, chay jaywasqaj q'apaynintaj Tata Diospa sonqonman jina chayananpaj kanqa.

Deuteronomio 12:2

Chay jallp'aman yaykuspaqa, chaypi llajtayojkunaj lantinkuta, chantá yupaychananku cheqakunata phirinkichej. Jinallataj jatuchaj orqokunapi, lomakunapi, chantá thansarara sach'a urapi kajkunata ima phirillankichejtaj.