Levítico 17:4 - DIOSPA QHELQACHISQ

⁴ Dioswan Tinkukuna Toldo punkuman apamuspa ñak'anan tiyan Tata Diosman jaywanapaj. Sichus jaramanta jawapi, chayrí jara ukhupi ñak'anman chayqa, runa wañuchipis kanman jina juchachasqa kanqa. Chayrayku llajtanmanta chinkachisqa kanqa.

DIOSPA QHELQACHISQAN DEUTEROCANONICAL

⁴ Dioswan Tinkukuna Toldo punkuman apamuspa ñak'anan tiyan Tata Diosman jaywanapaj. Sichus jaramanta jawapi, chayrí jara ukhupi ñak'anman chayqa, runa wañuchipis kanman jina juchachasqa kanqa. Chayrayku llajtanmanta chinkachisqa kanqa.

Levítico 17:4 ပူးပေါင်းရင်းမြစ်များ

Génesis 17:14

Pichus mana circuncidasqa kajrí, qankuna ukhumanta wijch'usqa kanqa, trato ruwasqayta mana kasusqanrayku, nispa.

Salmos 32:2

Kusikuyniyojmin, Tata Diospa mana juchachasqan runaqa, pejpa sonqonpichus q'otiyayta yuyana mana kanchu, chay runa.

Éxodo 12:15

Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Éxodo 12:19

Qanchis p'unchayta wasiykichejpi mana levadura kananchu tiyan. Sichus pipis levadurayojta imatapis mikhunman chayqa, pay israelitakuna ukhumanta wijch'usqa kanqa, Israel llajtayoj kachun, chayrí waj llajtayojpis.

Éxodo 30:33

Pillapis kay aceiteman rijch'akojta ruwajqa, chayrí kay aceitewan pitapis jawejqa israelitakuna ukhumanta wijch'usqa kanqa, nispa.

Éxodo 30:38

Sichus mayqellanpis kay inciensota jina q'aparichikunanpaj ruwanqa chayqa, israelitakuna ukhumanta wijch'usqa kanqa, nispa.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Ezequiel 20:40

Ajllakusqay orqopi, Israelpa jatun orqonpi tukuynin israelitakuna yupaychawanqanku. Chaypi noqa tukuy sonqo jap'ikapusqaykichej. Chayllapitaj qankunamanta mañasqaykichej jaywanata jaywanawaykichejta, chajraykichejmantataj ñawpaj kaj poqoyta apamunawaykichejta, chantá imatachus qonawaykichejpaj t'aqankichej, chaykunatawan. Noqa Tukuyta Kamachej Tata Dios ajinata nini.

Levítico 1:3

Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Levítico 17:10

Tata Dios israelitakunata nillarqataj: Sichus uj israelita, chayrí qankunawan tiyakoj waj llajtayojpis yawarta mikhunman chayqa, noqa paypa contranpi sayaykusaj, chantá ayllun ukhumanta payta chinkachisaj.

Levítico 17:14

Tukuy kawsajpa kawsaynenqa yawarpi kashan. Chayrayku israelitakunata nini: Ni ima animalpa yawarninta mikhunkichejchu, imaraykuchus tukuy kawsajpata yawarninpi kawsaynin kashan. Chayrayku yawarta mikhoj runaqa chinkachisqa kanqa.

Levítico 17:3

Sichus israelitakunamanta pillapis wakata, ovejata, chayrí cabratapis ñak'aspa Diosman jaywayta munanman chayqa,

Levítico 17:5

Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku.

Levítico 17:9

Sichus wajnejpi Tata Diosman jaywanman chayrí, chay runa ayllun ukhumanta chinkachisqa kanqa, nispa.

Levítico 18:29

Pillapis chay jina millayta ruwajqa llajtanmanta chinkachisqa kanqa.

Levítico 20:16

Sichus uj warmi uj uywawan t'inkinakunman chayqa, warmipis, uywapis wañuchisqa kanqanku. Wañuchisqa kanankupajqa paykunalla juchayoj kanqanku.

Levítico 20:18

Sichus pillapis killanpi kashaj warmiwan puñuykunman chayqa, warmej yawarninta rikun, warmipis yawarninta rikuchikun. Chayrayku iskayninku llajtankumanta chinkachisqa kanqanku.

Levítico 20:3

Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa.

Levítico 3:2

K'achata kawsakuy jaywanata Tata Diosman apamojqa uywaj umanman makinta churanqa. Chaymantataj Dioswan Tinkukuna Toldo punkupi chay uywata ñak'anqa. Aaronpa churinkunamanta Sacerdotekunataj altar patata, chantá tukuy muyuynintinta ima uywaj yawarninwan ch'ajchonqa.

Levítico 7:18

Sichus pipis kinsa p'unchayninman allinyakuy jaywanamanta uywaj aychanta mikhunman chayqa, chay jaywasqanta Tata Dios mana jap'ikonqachu, nitaj cuentaman churasqachu kanqa. Aychataj ch'ichipaj qhawasqa kanqa. Pichus chay aychata mikhojtaj juchachasqa kanqa.

San Juan 10:7

Chayrayku Jesús uj kutitawan chay runakunata nerqa: Sut'ita niykichej: Noqaqa oveja kanchaman yaykuna punku jina kani.

San Juan 10:9

Noqarí punku jina kani. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

Romanos 4:6

Davidpis nillantaj uj runa imayna kusisqachus kasqanta, maypachachus pay mana ima allintapis ruwajtin, Dios payta cheqan runapaj qhawan, chaypacha.

Romanos 5:13

Manaraj Dios kamachisqankunata runaman yachachishajtin, runakuna ñapis juchalliyta yacharqankuña. Jinapis kamachisqakuna manaraj churasqachu kashajtin, runaqa juchallisqanmanta mana juchachasqachu karqa.

Romanos 5:20

Diospa kamachisqan churasqa karqa, runa reparananpaj juchan imayna millaypunichus kasqanta. Chaywanpis runa astawan juchallejtin, Diospa qhasilla k'acha yanapaynin astawanrajpuni karqa.

Deuteronomio 21:8

Tata Dios, preciota pagaspa Egiptomanta kacharichisqayki israelita wawaykikunata qhespichiwayku ari. Mana juchayoj runa wañusqanmanta ama juchachawaykuchu, nispa. Ajinata ruwasqankurayku chay runa wañusqanmanta mana juchachasqachu kanqanku.