Levítico 17:10 - DIOSPA QHELQACHISQ

¹⁰ Tata Dios israelitakunata nillarqataj: Sichus uj israelita, chayrí qankunawan tiyakoj waj llajtayojpis yawarta mikhunman chayqa, noqa paypa contranpi sayaykusaj, chantá ayllun ukhumanta payta chinkachisaj.

Qheshwa Biblia DC

¹⁰ Noqaqa pichus yawarta mikhojpa contrampi kasaj. Ni pi israelitas, nitaj karu llajtayojkuna qankunawan tiyakojkunapis yawarta mikhuyta atinkuchu ni imaynamanta. Chay mikhoj runaqa, ayllun ukhumanta chinkachisqa kanqa.

DIOSPA QHELQACHISQAN DEUTEROCANONICAL

¹⁰ Tata Dios israelitakunata nillarqataj: Sichus uj israelita, chayrí qankunawan tiyakoj waj llajtayojpis yawarta mikhunman chayqa, noqa paypa contranpi sayaykusaj, chantá ayllun ukhumanta payta chinkachisaj.

Levítico 17:10 ပူးပေါင်းရင်းမြစ်များ

Génesis 9:4

Kayllata mana mikhunaykichejchu tiyan: Yawarniyoj aychata, imaraykuchus yawarpi kawsay kashan.

2 Samuel 23:17

Pay nerqa: Tata Dios jark'awachun kay yakuta ujyaykunamanta. Ujyayman chayqa, kay runakunaj yawarninkutapis ujyashayman jina kanman, imaraykuchus kay yakuta wañuyta mana manchachikuspa apamorqanku, nispa. Chayrayku mana ujyayta munarqachu. Chaytaqa chay kinsa wapu soldadokuna ruwarqanku.

Salmos 34:16

16 (17) Tata Diosqa millayta ruwajkunaj contrankupi sayaykun, kay pachamanta sutinkuta chinkachinanpaj.

Éxodo 30:33

Pillapis kay aceiteman rijch'akojta ruwajqa, chayrí kay aceitewan pitapis jawejqa israelitakuna ukhumanta wijch'usqa kanqa, nispa.

Jeremías 21:10

Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

Jeremías 44:11

Chayrayku noqa Israelpa Tukuy Atiyniyoj Tata Diosnin niykichej: Qankunaj pataykichejman jatun llakiyta kachaykamuspa, Judapi tukuy runata chinkarparichisaj.

Ezequiel 14:8

Noqa chay runaj contranpi sayaspa, wanananpaj jina jasut'isaj, tukuy runakuna parlanankupaj jina. Aylluy ukhumantataj payta wijch'usaj. Chaypacha qankuna noqa Tata Dios kasqayta yachankichej.

Ezequiel 15:7

Noqaqa paykunaj contrankupi sayarisaj. Ninamanta ayqejtinkupis, waj ninañataj paykunata q'olaykonqa. Noqa paykunaj contrankupi sayarejtiy, qankuna noqa Tata Dios kasqayta yachankichej.

Ezequiel 33:25

Chayrayku paykunata niy: Tukuyta Kamachej Tata Dios kay jinata nisunkichej: Qankunaqa aychata yawarnintinta mikhunkichej, lantikunata yupaychankichej, runatapis wañuchinkichej. Ajina kashaspa, kay suyuta jap'ikapuyta yuyashankichejchu?

Ezequiel 44:7

Qankuna Temployta ch'ichichankichej, sonqonkupi, aychankupipis mana circuncidasqa waj llajtayoj runakunata wasiyman pusaykuspa. Paykunata saqenkichej mikhunayta jina, wirata yawartawan jaywanawankuta. Tukuy chay millayta ruwaspa, tratoyta p'akinkichej.

Levítico 17:11

Tukuy animalpa kawsaynenqa yawarninpi kashan. Noqataj qankunaman yawarta qoykichej altarman apanaykichejpaj, juchallisqaykichej pampachasqa kananpaj. Yawarpi kawsay kasqanrayku, qankunaj juchaykichejta pampachasaj.

Levítico 19:26

Ama imatapis yawarniyojta mikhunkichejchu. Ama adivinaj kankichejchu, nillataj layqapis.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Levítico 3:17

Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

Amós 9:4

Awqankukuna paykunata mana munashajta waj suyuman apanqanku chaypis, chaypipis espadawan wañuchinankuta kamachillasajtaj. Paykunataqa ñawillaypi purichisaj, mana allinninkupajchu, manachayqa llakiyninkupaj, nispa.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Hechos 15:29

Ama lantikunaman jaywasqa aychata mikhuychejchu, nitaj yawarta, nillataj jeq'eqasqa chayrí sipisqa uywakunaj aychantapis. Amallataj khuchichakuychejchu. Chaykunamanta karunchakuspa, allinta ruwankichej. Tinkunakama kachun, nispa.

Deuteronomio 12:16

Chaywanpis yawartaqa amapuni mikhunkichejchu, manachayqa yakuta jina jallp'aman suruchinkichej.

Deuteronomio 12:23

Chaywanpis yawartaqa ni ima kashajtin mikhunkichejchu, imaraykuchus kawsayqa yawarpimin kashan. Ajinaqa amapuni yawarta aychawan khuskataqa mikhunkichejchu.

Deuteronomio 15:23

Chaywanpis yawarnintaqa amapuni mikhunkichu, manachayqa jallp'aman yakuta jina sururichinki.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

1 Samuel 14:32

Chantá israelitakunaqa awqankumanta qhechusqanku uywakunata jap'ispa, ovejata, wakata, waka uñakunata ima ñak'arqanku, chantá aychata yawarnintillanta mikhuyta qallarerqanku.

1 Samuel 14:33

Wakinkunataj Saulman willamorqanku: Soldadokunaqa aychata yawarnintillanta mikhuspa, Tata Diospa contranpi juchallishanku, nispa. Chaypacha Saulqa nerqa: Qankunaqa sajra sonqo runakuna kankichej. Uj jatun rumita tanqaspa, kayman apamuwaychej.