Levítico 16:20 - DIOSPA QHELQACHISQ

²⁰ Chantá Aarón Diosllapaj T'aqasqa nisqa cheqata, Dioswan Tinkukuna Toldota, altarta ima llimphuchayta tukuspa, kawsashajllaraj chivota apachimonqa.

Qheshwa Biblia DC

²⁰ Aaronqa Diospa tiyakunanta, Dioswan tinkukuna toldota, altartawan llimphuchayta tukuytawanqa, kausashallarqaraj chay chivota apachimonqa.

DIOSPA QHELQACHISQAN DEUTEROCANONICAL

²⁰ Chantá Aarón Diosllapaj T'aqasqa nisqa cheqata, Dioswan Tinkukuna Toldota, altarta ima llimphuchayta tukuspa, kawsashajllaraj chivota apachimonqa.

Levítico 16:20 ပူးပေါင်းရင်းမြစ်များ

Ezequiel 45:20

Chay killamanta qanchis p'unchayninpi kikillantaj ruwanqanku, pichus mana reparaspa, chayrí mana yuyasqallamanta juchallikojpaj. Ajinata Templotaqa llimphuchankichej.

Levítico 16:16

Ajinata Diosta yupaychana cheqata llimphuchanqa israelitakunaj tukuy mana allinta ruwasqankumanta, mana uyarikoj kasqankumanta, juchankumantawan ima. Ajinallatataj Aaronqa Dioswan Tinkukuna Toldotapis llimphuchanqa, ch'ichichakoj israelitakunaj chawpinpi kasqanrayku.

Levítico 16:19

Jinaspataj, altarta yawarwan qanchis kutita ch'ajchonqa. Ajinamanta altarta israelitakunaj juchallispa ch'ichichasqankumanta llimphuchaspa, Diospaj t'aqanqa.

Levítico 16:21

Chaymantataj chivoj umanman makinta churaspa, israelitakunaj tukuy juchallisqankuta, Diospa contranpi oqharikusqankuta, tukuy ima millay ruwasqankutawan Diosman rimarenqa. Ajinata ruwaspa, israelitakunaj juchankuta chivoman chajnaykonqa. Chaymantataj chay chivota ch'innejpi kacharparinanpaj uj runawan qhatichenqa.

Levítico 6:30

30 (23) Chaywanpis sichus jucha pampachasqa kananpaj jaywasqa uywaj yawarninta Dioswan Tinkukuna Toldoman apanku chayqa, chay uywaj aychanta mana mikhonqankuchu. Jucha pampachasqa kananpaj Diosman jaywasqaqa tukuynin q'olachisqa kanan tiyan.

Levítico 8:15

Chaymantataj Moisés torillota ñak'arqa. Chantá torilloj yawarninta jap'erqa, maki ruk'ananta yawarman chhapuspataj, altarpa tawantin wajrankunata jawerqa. Puchoj yawartataj altarpa uranman jich'arqa. Ajinata ruwaspa, Moisés altarta Tata Diospaj t'aqarqa, chaypi tukuy runaj juchan pampachasqa kananpaj.

Romanos 4:25

Jesucristomin juchanchejrayku wañunanpaj jaywaykusqa karqa, jinataj cheqan runapaj qhawasqa kananchejpaj kawsarichisqa karqa.

Romanos 8:34

Chantá, pitaj juchachawasunmanri? Ni pi, imaraykuchus Cristo noqanchejrayku wañorqaña, wañusqamantapis kawsarimporqa, kunantaj Diospa pañanpi kaspa noqanchejrayku mañapushawanchej.

2 Corintios 5:19

Kaytaj niyta munan Diosqa Cristonejta tukuy runata paywan allinyachisqanta, juchankuta qonqayman churaspa. Chantá pay kamachiwarqayku Dioswan allinyakunamanta wajkunaman willanaykuta.

Colosenses 1:20

Tata Dios munallarqataj Churinnejta tukuy kaj chhika, janaj pachapi kaj, jinataj kay pachapi kaj ima paywan allinyachisqa kananta. Payllataj ajina kananpaj tukuy imata ruwarqa, Churin cruzpi wañuspa yawar jich'asqanrayku.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

Apocalipsis 1:18

chantá pichus kawsaj. Wañusqa karqani, kunantajrí wiñay wiñaypaj kawsashani. Noqallataj runakunata wañusqamanta kawsarichinaypaj atiyniyoj kani, jinallataj ukhu pachaj llaventawan jap'ishani.