Levítico 15:5 - DIOSPA QHELQACHISQ

⁵ Sichus pillapis q'eya onqoyniyoj qharej puñunanta llankhanman chayqa, p'achanta t'ajsakunan tiyan. Jinallataj yakuwan mayllakonqa, chantá ch'isiyaykuykama mana llimphupaj qhawasqa kanqa.

Qheshwa Biblia DC

⁵ Pillapis chay runaj puñunanta llankhanman chayqa, chay llankhaj runaqa p'achasninta t'ajsakunan tiyan, paypis yakuwan mayllakunan tiyan. Ch'isiyaykama mana llimphupajchu qhawasqa kanqa.

DIOSPA QHELQACHISQAN DEUTEROCANONICAL

⁵ Sichus pillapis q'eya onqoyniyoj qharej puñunanta llankhanman chayqa, p'achanta t'ajsakunan tiyan. Jinallataj yakuwan mayllakonqa, chantá ch'isiyaykuykama mana llimphupaj qhawasqa kanqa.

Levítico 15:5 ပူးပေါင်းရင်းမြစ်များ

Salmos 26:6

Tata Dios, makeyqa tukuy juchamanta llimphuchasqaña. Chayrayku altarniykiman qayllaykuyta munani.

Salmos 51:2

2 (4) Tukuy millay ruwasqaymanta mayllaway, juchaymantataj llimphuchaway.

Salmos 51:7

7 (9) Hisopo qhorawan llimphuchaway, llimphutaj kasaj. Mayllaway Tata Dios, noqataj rit'imanta aswan yuraj kasaj.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Isaías 1:16

Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

Isaías 22:14

Tukuy Atiyniyoj Tata Diosrí chaymanta kay jinata sut'inchawarqa: Wañunankukama juchankuta mana jayk'ajpis pampachasajchu, nispa. Tukuy Atiyniyoj Tata Dios ajinata nin.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Ezequiel 36:29

Ama ch'ichichakunaykichejpaj noqa waqaychasqaykichej. Trigotapis may jinata poqochipusqaykichej, manataj ujtawan yarqhaywan ñak'arichisqaykichejñachu.

Levítico 11:24

Qankunamanta pipis kayta ruwajqa mana llimphupaj qhawasqa kankichej. Pillapis kay animalkunamanta wañusqata llankhajqa ch'isiyaykuykama mana llimphupaj qhawasqa kankichej.

Levítico 11:25

Jinallataj pillapis kay khurukunamanta wañusqata oqharejqa p'achanta t'ajsakonqa, ch'isiyaykuykamataj mana llimphupaj qhawasqa kanqa.

Levítico 11:28

Jinallataj pillapis wañusqa animalta oqharejqa p'achanta t'ajsakonqa, chantá ch'isiyaykuykama mana llimphupaj qhawasqa kanqa. Qankunaqa chay animalkunata ch'ichipaj qhawanaykichej tiyan.

Levítico 11:32

Jinallataj imamanchus chay wañusqa animal urmaykonqa chayqa, chaypis ch'ichillapajtaj qhawasqa kanqa. K'aspimanta ruwasqapis kachun, chayrí kachun p'acha, qara, costalkuna, llank'anapaj herramientapis, ch'ichipaj qhawasqa kanqa. Chaykunataqa yakuwan mayllankichej, ch'isiyanankamataj ch'ichipaj qhawasqa kanqa. Chaymantaraj llimphu kanqa.

Levítico 13:34

Qanchis p'unchaymantataj sacerdoteqa tijlla rikhurerqa, chaynejta ujtawan qhawallanqataj. Sichus onqoy mana astawan wiñasqanta, nitaj aychata mikhusqanta qhawanqa chayqa, sacerdote nenqa onqosqa runa llimphuña kasqanta. Chantá onqosqa runaqa p'achanta t'ajsanqa, llimphupajtaj qhawasqa kanqa.

Levítico 13:6

Qanchis p'unchay pasajtintaj, sacerdote ujtawan chay runata qhawallanqataj. Sichus chaykama llejti onqoy sayasqanta, manataj astawan wiñasqanta reparan chayqa, sacerdote nenqa onqosqaqa llimphupaj qhawasqa kasqanta, imaraykuchus ukhunpi onqoyqa phusullulla karqa. Jina kasqanrayku onqosqa runaqa p'achanta t'ajsakonqa, chaymantaraj llimphupaj qhawasqa kanqa.

Levítico 14:27

Chantá sacerdoteqa lloq'e makinpi aceiteman paña ruk'ananta chhapuspa, Tata Diospa ñawpaqenpi qanchis kutita aceiteta ch'ajchonqa.

Levítico 15:18

Sichus uj qhari warminwan puñuykojtin mujun llojsinman chayqa, iskayninku yakuwan mayllakunanku tiyan. Chantá ch'isiyanankama iskayninku mana llimphupaj qhawasqa kanqanku.

Levítico 15:4

Maypichus q'eya onqoyniyoj qhari puñonqa, chaynejqa ch'ichipaj qhawasqa kanqa. Chantapis imapichus chay qhari tiyaykonqa, chaykunantin ch'ichipaj qhawasqa kanqanku.

Levítico 15:6

Sichus pillapis q'eya onqoyniyoj imapichus tiyaykusqanpi tiyaykunman chayqa, p'achanta t'ajsakunan tiyan, jinallataj yakuwan mayllakunan tiyan. Chantá ch'isiyaykuykama mana llimphupaj qhawasqa kanqa.

Levítico 16:26

Pichus Azazelpaj ch'in pampaman kacharparinanpaj chivota aparqa, chay runaqa p'achanta t'ajsakonqa, chantá ukhunta yakuwan mayllakonqa. Chaymantaraj jaraman yaykupuyta atenqa.

Levítico 16:28

Pichus chaykunata ruphachimojqa p'achanta t'ajsakunan tiyan, ukhuntapis mayllakunallantaj tiyan. Chaymantaraj jaraman kutipuyta atenqa.

Levítico 17:15

Sichus mayqen israelitapis, chayrí qankunawan tiyakoj karu llajtayojpis wañusqa uywaj aychanta mikhunman, chayrí k'ita animalpa jap'isqanta mikhunman chayqa, p'achanta t'ajsakunan tiyan. Jinallataj ukhuntapis yakuwan mayllakunan tiyan. Chantá ch'isiyanankama mana llimphupaj qhawasqa kanqa. Chaymantaraj llimphuchasqa kanqa.

Números 19:10

Waka ruphasqaj ushphanta oqharej runarí p'achanta yakuwan t'ajsakonqa. Chaywanpis ch'isiyaykuykamaraj mana llimphupaj qhawasqa kanqa. Kay kamachisqayqa qankunapaj, jinallataj qankunawan tiyakoj karu llajtayojkunapajpis wiñaypaj churasqa kanqa.

Números 19:22

Mana llimphupajchu qhawasqa runaj tukuy imata llankhasqanqa ch'ichipaj qhawasqallataj kanqa. Pichus mana llimphupaj qhawasqa runata llankhajpis, ch'isiyaykuykama mana llimphupaj qhawasqallataj kanqa.

Hebreos 10:22

Chayrayku ch'uwa sonqowan Tata Diosman qayllaykunachej, tukuy sonqo Cristopi atinikuspa, imaraykuchus pay wañusqanwan sonqonchejta tukuy juchamanta llimphuwarqanchej, llimphu yakuwanpis ukhunchejta mayllanman jina.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

Hebreos 9:26

Mana jina kanman karqa chayqa, kay pacha ruwasqa kasqanmantapacha Cristoqa ashkha kutitaña wañunman karqa. Kunantajrí chay p'unchay junt'akojtin, pay kikin wañunanpaj jaywaykukuspa, uj kutillata wiñaypaj rikhurin juchata pampachananpaj.

Santiago 4:8

Diosman qayllaykuychej, paypis qankunaman qayllamusonqachej. Juchasapakuna, makiykichejta mayllakuychej. Qankuna iskay sonqoyojkuna, sut'ita ninaykichej tiyan, Diostachus qhatikunaykichejta, chayrí juchallispachus purinaykichejta.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.

1 Samuel 20:26

Chay p'unchaypi Saulqa mana imatapis nerqachu. Jinapis sonqonpi nisharqa: Ichapis juchallin, manataj llimphupajchu qhawasqa kaspa mana jamunchu, nispa.