Levítico 15:31 - DIOSPA QHELQACHISQ

³¹ Ajinata qankunaqa israelitakunata ch'ichi kayninkumanta yachachinkichej. Mana jina kanman chayqa, paykunaqa tiyakunay toldota ch'ichichasqankumanta wañunkuman, nispa.

Qheshwa Biblia DC

³¹ Ajinata qankunaqa israelitasta chay ch'ichi kay ninkumanta karunchachinkichej, chay jinamanta ama wañunankupaj, maynejpichus noqa paykuna ukhupi kashani chayta ch'ichichasqankurayku.

DIOSPA QHELQACHISQAN DEUTEROCANONICAL

³¹ Ajinata qankunaqa israelitakunata ch'ichi kayninkumanta yachachinkichej. Mana jina kanman chayqa, paykunaqa tiyakunay toldota ch'ichichasqankumanta wañunkuman, nispa.

Levítico 15:31 ပူးပေါင်းရင်းမြစ်များ

Salmos 66:18

Sichus sonqoypi mana allin kajta yuyayman karqa chayqa, Tukuyta Kamachej Dios manapuni uyariwanmanchu karqa.

Ezequiel 23:38

Paykuna kaytapis ruwallarqankutaj: Uj p'unchayllapi noqapaj t'aqasqa Temployta ch'ichicharqanku, samarina p'unchayniytapis pisipaj qhawarqanku.

Ezequiel 36:17

Runaj churin, Israel aylloqa suyunpi tiyakushaspa, millay ch'ichi ruwasqankuwan chay jallp'ata ch'ichicharqanku. Ñawpaqeypi imaynatachus purisqankoqa ch'ichi millachikunapaj jina karqa.

Ezequiel 44:23

Sacerdotekunaqa aylluyman cheqan kajta mana cheqan kajmanta reparayta yachachenqanku. Paykuna israelitakunaman yachachillanqankutaj llimphupaj qhawasqa kajtapis mana llimphupaj qhawasqa kajmanta reparayta.

Ezequiel 5:11

Chantapis noqa Tukuyta Kamachej Tata Dios tiluspa nini: Noqapaj t'aqasqa Temployta chhika millayta ruwaspa ch'ichichasqaykichejrayku qankunata qhesachasqaykichej. Manataj saminchasqaykichejchu, nitaj khuyakusqaykichejchu.

Daniel (hebreo) 9:27

Uj semanatawan chay kuraj kamachej ashkha runawan tratota ruwanqa. Chawpi semanapitajrí uywa ñak'asqa q'olachisqa jaywanata, ofrenda qonatapis sayachenqa. Chantá q'olachina altarpa ñawpaqenpi pay uj may millay imata ruwanqa, chaytaj ajina kallanqapuni chhika millay ruwachej runa chinkachisqa kanankama, imaynatachus nisqaña karqa, ajinata.

Levítico 11:47

Ajinata ch'ichipaj qhawasqata, llimphupaj qhawasqata, mayqen animaltachus mikhunamanta, mayqentatajchus mana mikhunamantapis reparayta atinkichej, nispa. Ajinata Tata Dios nerqa.

Levítico 13:59

Chaykuna kanku kamachisqakuna millmamanta, linomanta ruwasqa p'achapi, awasqapi, qaramanta imachus ruwasqa kajpi qorwariyay rikhurejtin, llimphupaj chayrí ch'ichipaj qhawanapaj imatachus ruwanamanta.

Levítico 15:32

Chaykuna kamachisqakuna kanku pichus q'eya onqoywan onqosqa kasqanrayku, chayrí mujun llojsisqanrayku mana llimphupaj qhawasqa kashanku, chaykunapaj.

Levítico 19:30

Samarina p'unchayniykunapi samariychejpuni. Tiyakunay cheqatapis respetowan qhawaychej. Noqamin Tata Dios kani.

Levítico 20:3

Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa.

Levítico 21:23

Ukhunpi iman mana allin kasqanrayku, veloj wasanpi Diosllapaj T'aqasqa nisqa cheqanejman mana yaykonqachu, nitaj altar qayllamanpis chimpanqachu. Noqamin Tata Dios kani, pichus paykunata noqapaj t'aqakorqani, chay, nispa.

Números 19:13

Sichus pipis ima ayata llankhaspa, mana llimphuchakonqachu chayqa, Tata Dioswan Tinkukuna Toldota ch'ichichan. Chayrayku chay runaqa israelitakuna ukhumanta wijch'usqa kanqa, paypa patanman llimphuchakuna yaku mana ch'ajchusqa kasqanrayku. Payqa mana llimphupaj qhawasqa kanqa, ch'ichi kasqantaj patanpi kanqa.

Números 19:20

Sichus mana llimphupaj qhawasqa runa mana llimphuchakonqachu chayqa, llajtanmanta chinkachisqa kanqa, Tata Dioswan Tinkukuna Toldota ch'ichichasqanrayku. Chay runaqa llimphuchakuna yakuwan mana ch'ajchusqa kasqanrayku, mana llimphupaj qhawasqa kanqa.

Números 5:3

Qharipis warmipis kachun, jaramanta jawaman orqhochunku. Ajinamanta jaraqa llimphupaj qhawasqa kanqa, imaraykuchus noqa paykunaj chawpinkupi kashani, nispa.

1 Corintios 3:17

Sichus pipis Diospa templonta urmachin chayqa, Diospis chay runata urmachillanqataj, imaraykuchus Diospa templonqa payllapaj t'aqasqa. Qankunamin chay templo kankichej.

Deuteronomio 24:8

Llejti onqoymantaqa imaynatachus Leví jatun ayllumanta sacerdotekuna kamachisusqaykichejman jina ruwaychej. Chaytaqa imaynatachus noqa paykunaman kamachisqayman jina kikinta ruwaychej.

Hebreos 10:29

Ñawpajta ajinachus karqa chayqa, kunan astawanraj juchachanapaj jina kanqanku pikunachus Diospa Churinta qhesachajkuna, jinataj wañusqan qhasi manakaj kasqanta nejkuna. Paykuna mosoj tratoman yaykunapaj yawar jich'asqanta pisipaj qhawanku, mayqenchus Diospaj t'aqawanchej, chayta. Jinallataj Diospa Espiritunta turiyanku, pichus Diospa qhasilla k'acha yanapayninta chayachimuwanchej, chayta.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.

1 Samuel 3:14

Chayrayku Elíj ayllunpa contranpi tiluspa, nini: Juchankoqa mana jayk'ajpis pampachasqachu kanqa, ni uywa ñak'asqa jaywanawan, ni ofrendawanpis, nispa.