Levítico 15:13 - DIOSPA QHELQACHISQ

¹³ Sichus chay qharej phichilunmanta q'eya manaña surunchu chayqa, llimphuchasqa kananpaj qanchis p'unchaytawanraj suyanan tiyan. Chaymantataj p'achanta t'ajsakonqa, purej yakuwantaj mayllakonqa. Chaypacharaj q'eya onqoyniyojqa llimphupaj qhawasqa kanqa.

Qheshwa Biblia DC

¹³ Sichus chay runaj mujun llojsipullasqanmantapuni thañikun chayqa, chay runaqa qanchis p'unchayta suyanqa llimphuchasqa kanampaj. Chaymantataj p'achasninta t'ajsakonqa, paypis mayllakonqa juturi yakuwan, jinamanta chay runaqa llimphuchasqa kanqa.

DIOSPA QHELQACHISQAN DEUTEROCANONICAL

¹³ Sichus chay qharej phichilunmanta q'eya manaña surunchu chayqa, llimphuchasqa kananpaj qanchis p'unchaytawanraj suyanan tiyan. Chaymantataj p'achanta t'ajsakonqa, purej yakuwantaj mayllakonqa. Chaypacharaj q'eya onqoyniyojqa llimphupaj qhawasqa kanqa.

Levítico 15:13 ပူးပေါင်းရင်းမြစ်များ

Éxodo 29:35

Imaynatachus kamachisusqayman jina, ajinata Aaronwan, churinkunawan ima ruwanki. Sacerdoteykuna kanankupaj t'aqaspa, qanchis p'unchayta chay tukuy imata ruwanki.

Éxodo 29:37

Qanchis p'unchayta altarpi, jucha pampachasqa kananpaj, uywa ñak'asqata Diosman jaywanki. Ajinata ruwaspa altarta Diospaj t'aqanki. Altartaj may llimphupaj qhawasqa kanqa. Imallapis altarman chayaykojqa Diospaj t'aqasqa kanqa.

Jeremías 33:8

Paykunata contraypi tukuy mana allin ruwasqankumanta llimphuchasaj, jinallataj contraypi oqharikuspa tukuy juchallisqankutapis pampachallasajtaj.

Levítico 14:10

Pusaj kaj p'unchaypitaj iskay corderota mana iman imanasqata apamonqa. Jinallataj uj watayoj ovejata mana iman imanasqata apamullanqataj. Apamullanqataj, ch'aki mikhuy jaywanata jaywanapaj, sumaj jak'umanta aceitewan puñasqata sojta kilo khuskanniyojta, chantá khuskan botella aceitetawan.

Levítico 14:8

Pichus llimphuchakojqa p'achanta t'ajsanan tiyan, jinallataj tukuy chujchanta raphakonqa. Chantapis mayllakullanqataj, ajinamanta llimphupaj qhawasqa kanqa. Chaymantaraj jaraman yaykuponqa. Chaywanpis qanchis p'unchaytaraj paypa toldonmanta jawallapi tiyakonqa.

Levítico 15:28

Maypachachus chay warmej yawar apaynin sayan chaypachaqa, qanchis p'unchaytaraj suyanan tiyan. Chaymantaraj llimphupaj qhawasqa kanqa.

Levítico 15:5

Sichus pillapis q'eya onqoyniyoj qharej puñunanta llankhanman chayqa, p'achanta t'ajsakunan tiyan. Jinallataj yakuwan mayllakonqa, chantá ch'isiyaykuykama mana llimphupaj qhawasqa kanqa.

Levítico 8:33

Qankunaqa Dioswan Tinkukuna Toldo punkumanta qanchis p'unchayta ama llojsinkichejchu, imaraykuchus qanchis p'unchaypi Diospaj t'aqasqa kasqaykichej junt'akonqa.

Levítico 9:1

Pusaj kaj p'unchaypi Moisesqa Aaronta, churinkunata, chantá israelitakunaj kurajninkukunatawan ima wajyarqa.

Números 12:14

Tata Diostajrí Moisesta nerqa: Sichus Mariaj tatan uyanman thoqaykunman karqa chayqa, p'enqakuymanta qanchis p'unchayta pakakunman karqa. Chayrayku Mariata jaramanta jawaman qanchis p'unchayta wijch'uychej. Chaymantataj jaraman kutiykamonqa, nispa.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Santiago 4:8

Diosman qayllaykuychej, paypis qankunaman qayllamusonqachej. Juchasapakuna, makiykichejta mayllakuychej. Qankuna iskay sonqoyojkuna, sut'ita ninaykichej tiyan, Diostachus qhatikunaykichejta, chayrí juchallispachus purinaykichejta.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.